¹ naphokho ayepundia Djaa batiste, asakwoi teyi huma ya Yudea. ² Siphuki : hombe djayé ino, apkulia bhokondji bha likolo bhotobhi phanhi. ³ Djaa obho ayibhu baka na Esaï, phofeta, phoko ebhe ya bhukaka iyo na nhoyi obho wa bhobaka a esobhe : bhongendje ndjia ya kumu, nhipa mabheya. ⁴ Djaa anhaki na edjendja emoti ya ngungi ya tito chamo, anhaki na mokhabha pamba pumba wa bhango bhande aayakake bha pepe na monye bhanhi baba. ⁵ Bhagendja bha Yeluzalema, bhangendja bhasusu bha Yurdani mpe mangando masusu ma Yurdani, bhaike pamba ande ; ⁶ Mpe, bhaisakwo wa masumu, ayikée bho bhabhatisa anhuwa enene ya Yurdani. ⁷ Kasi, ayene bhainhowa abhatisimo bhaphariseo bhanene mpe basadiseo, aiyibhukha nabhu : bhana bhandjo, ndo aningidje bhotia gbekhu ekanha wa ? ⁸ bhotedjani nhuma mpe bhohombedja, ⁹ Towa khumise tée abhobhuke we mene : ekée na abahama ndje ya ! angbanga ya litayi nhibho Mongai akhokhi bhosusidja ngbongi nha Abahamaa. ¹⁰ Dedja nheya bhaisa mokwe adjenhi dja meyé : mée misusu, mibho mitika bhota mbuma bhopele te bhamikwe bhaminhu mbe amosa. ¹¹ mbi, nikabatisa na bhuwa, angbanga anhu bhohombedja ; kasi obho akha nhawa lingongo nhambi ayike nagbunhi bhobhiambi, mbi nikhokhite bhowa bhukoto bhande. iyo, abatisani na molimo mosantu na moosa. ¹² AAipeya liphapho ambho; akabhongendja mbuma djande, abhodjo mbuma teyi ya madjangi, kase atumba mihu teya yamosa mobho mitazemana te. ¹³ Nabhowa Akongo ayendjanga Na galilea ayurdani pambeya dja, mpe nande amobatise. ¹⁴ Kasi dja apati, ayibhuka : mbinga oke naposa we obatisemi mpe we onho pamba wambi ! ¹⁵ Akongo aye mawidja : ye bhokó bawa bomhe enhe beyebho, apkuliabho eke bhope inso ekokedje susu ibho djebe bhopele. Mpe Djaa anganiti. ¹⁶ Nabho Akongo aye bhatisama, apundja anhuwa mpe sée, nhombe nhi nhupwa na, mpe ayiyene molimo nha Mongai ayiteta dje ebenga mpe ayi nhowa pamba yande. ¹⁷ mpe bhowene, bhoyaka nhoyi nhi ndjonga nhiko bhobhuka : obho mongbongi wambi nhi mopaya mingi, pamba nde niyise bhobha bhambi bhosusu.