¹ Lingongo Akongo ayekambama na molimo bwa akée a uma, bwa asengenyami na amembo. ² Lingongo nha bhoyene bhokila masu tuka djinei bhu tuku djine, ayaokha ndja. ³ mosenginyi, satana ayephusa phanhi, aibhuka nande : ina kho okhi mogbongi wa mongai, bhuka na mataye mabho matobhe mokati. ⁴ Akongo ayi widja : bhayiboma mongendja akokite bhohela okho na nhiya na malobha masusu makha mpudja amonokho nho Mongai. ⁵ Zabhulu ayimowa ayekée nande agbota esantu, ayi mobhakia libho nha motondo ma tempelo, ⁶ Mpe ayebhukha nande inakho okhe mongbongi ya Mongai, anhumbha nase; bdjokha nde ekhomami : aneya mitindo na bhanzelu bhande amonkande mawe; bha wáa amabho mabhu, bho ekho yawe tetutane na litayi te. ⁷ Akongo ayibhuka nande : ekomami mpe lokhola, okhokiti basengenye kumu wawe te, Mongai wawe. ⁸ Zabulu aye mowa nakina ayikée nande ohó asonge ya ngomba, ayi moningidja mangando masusu na mokili na kembo yana, ⁹ Mpe ayi bhuka nande : maneya loma nhibho lisusu, okagumbalani mpe okakumisa ni. ¹⁰ Akongo aaye bhuka nande : djawa háa, Satana ! djo kande ekhomami : we waku misa kumu ya wawe, Mongai wawe, mpe wamasaleya ibhi okhoyio mbhuki. ¹¹ Sikabho djabhula ayi moyé. mpe sée, mpe bhandjelu bhayi nhowa phanhi nande, bhayi mokomeya. ¹² Akongo, ayiki te bhamopeyi dja, awii agalilea. ¹³ Ayiye nazareti, ayikée akaphernaume, pamba nhuwa enene, teya ngando ya zabulu mpe nephateli, ¹⁴ Aglulia te ekhomene dje ayilhuka profeta Esau : ¹⁵ bha gendja bha Zabulo nabho neftalia, na mapamba ya nhu enene na ngando yurdani, na Galilea mpe bhaphagano, ¹⁶ bhagendja bhainha amonhinhi, bhawene bhohoye bhonene ! bho bhanhahi angando ya bhokufi bhohoye etombwama. ¹⁷ naphokho ebée Akongo aiyi bhanda bhoteya, ayibhanda bho bhuka hombedjana mwema, bhokhondji nha Mongai nhitobhi phambi. ¹⁸ Ndenge ayisombhaka iyo na mogho ma nhuwa enene, Galilea, ayihene ngiana bhabhole Simon obho oka bhe obho pere na manyango Andele, na bha manyango, bhanhumbahi ndjali aebhale akhulia akhi mohowi wasu. ¹⁹ Abhuki nande : tutiani, mpe niakho nanu bhalobhi nha bhagendja. ²⁰ Ibho, bhaye ndjoli, bhabande, bhomotutia. ²¹ Ayikhe bhohanhi, awene bhamanyango djaki, manyango, bhanhaka tée ya masuwa na mpe Zebedeo na sango abhu bhabhongeze ndjali. ²² Ayi bhabheya, sikho abho bhaye masuwa na sango habhu, bhaye motuteya. ²³ Akongo ayesomba na galilea mobimba, ayiteya teyi ya Sinagoga bhosakwa mosambho mpope na bhokondji nha nhikho, ayi yeledja bhibheko bhisusu me bhibhosono bhasusu teya bhagendja. ²⁴ Mosambho mande mosomba mokili mobimbaa mwa Synia, bhaibho nhoya bhatu bhasusu bhanhoki na bhipekho abhamakasi na bhibhosono bhasusu ayi bhaheleza. ²⁵ Bhagendja bhanene bhahi motuteya, na galilea, décapole, na yeluzalema, na mpe judea, nha nhuwa ya jurdani.