¹ Na ngonga ena Akongo, ayibhaka na bhagendja mpe bhayekoli, ayibhuka: ² Bhateyi ya mibheko mpe bha Farizeo bhanha ibho bhasusu teyi ya etumbelo ya Mosé. ³ Bhoni susu inakho mpe nanhisusu djibho djikabhuka ibho odjiseni; kasi tokhoni elomo yabhu te. Ndjokande bhayibhuka mpe tokho te. ⁴ Bhakako mabhoke make bhemu, mpe mabho bhawadja bhagendja bhadina kasi ebho mene bhaki bhopea na songe ya sasi. ⁵ Bhakako ngando susu mokando bha bhayenhe dje bhami mpo, bhakawa bhizindja bhinene, mpe bhisindja bhasanga bhonhóo. ⁶ Bhakapaka bhanha akiti ya libhoso ya lipati, mpe bhakiti bha libhonso ye eyise ya Akongo; ⁷ Bhapayi bhobheyana ansio dja mapati, mpe bhapayi bhagendja bhabhabhe bhakondji, bhakondji. ⁸ Kasi ino, towa bheni bhakondji te; ndjokande omoti anha Mokondji wanu, mpe okhi ino bhasusu bhangiana. ⁹ Mpe tobheyi Mogendja omoti te omokili sangwa; ndjokande okho omoti anha sangwanu, obho akhe teyi ya nhiko. ¹⁰ Tondimeni bhagendja bhabheni bhakambi; bho okhe na mokambi obho omoti, Akongo. ¹¹ Obho anyoyi inu akhe mosaleli wanu. ¹² Obho adjoidja anhiko, bha motitidja. ¹³ Iwa yanu bhateyi ya mobheko na Farizeo bhagendja ya bhoko mokando nase nase! bhoka nyangeni bhagendja ndjia bhokondji bhanhi kho; otika yengiani inobhene te, mpe bhakapa bhoyingia bhabha lembeya. ¹⁴ Iwa yanu bhatiyi bhamobeko na farizeo bha ngando dja nasenase! bho bhaka bhehedja eyise ya bhanhi bhakagwe bhani, mpe mubho mokahbo ino ndenge ya bhosambeli nhanu nha bhonho; akpulia maina, wasambi samani makasi. ¹⁵ Nhuwa yanu, Bateyo ya mobheko mpe bhafarizeo! bhayeka nhuwa na mokili akpulia bhoyingidja Mogendja omoti na omoti alingomba nhabhu; mpé, nganga ya tabha iyo bhowa motobhedja mwana omoti akoki na Lifelo mbala djibale dje ino. ¹⁶ Iwa yanu bhambi bhagwa miso! bwabhu kani: inakho moto alapa nha nhina nho Mongai nha etumbelo, etike eyoma te; kasi, ingako Mogendja akalapa wolo ya etumbelo, anyangani na bholapa bhande. ¹⁷ Odjangini mayele wagwa minso! iyoma nde ebhi lokumu, wolo, to etumbelo ebhe ya bhososa wolo? ¹⁸ Inakho Mogendja, owabhukakani mpe bho, ayilapa zambe na nhina nha etumbelo, likambo te; kasi inko moto akalapa ndai nanhina nha libhondja nhibho nhiko aetumbelo, anye. ¹⁹ Bhagwa minso! eyomandi ebhi lokumu, nhi bhondja, to etumbelo ebhe ekha petola libondja? ²⁰ Obho olapi Nzambe na nhina nha etumbelo mpe nhoma susu ekhe aetumbelo; ²¹ Obho olapi Nzambe na nhina nha tepelo alapi a Etumbelo mpe ayihendjwa na obho okhanha ya; ²² Obho olapi nzambe na nhina nha lipata nakiti ya Mongai mpe na hobho anhayi akiti ya Mongai. ²³ Iwa yanu bhateyi bhamobheho na bhafarizeo bhagendja bhako monkando nasenase! akpulia bhobhandjolaka Mongai mokho na djomi na mbuma ya elomo djanu ya bhotshenhu, mpe owaye djibho nikhe na tina teyi yaa mobheko, mibheko mibho miseyi bhosembho, ngolu mpe bhosolo: iyonga ekoki bho ekhamene bho teyenene edjegi amobheke midina. ²⁴ Inho bhakambi bhagwa minsó! owanukana bhodjoedje ngungi, mpe bhabho bhakame mpunda. ²⁵ Iwa nanu bhateyi bhamibheko mpe bhafarizeo bhagendja bhabhoko monkando nasenase! howasosakani tiambo ya khopo mpe na soni, mpe na teyi yanha ngando mene yanha na bho yibha mpe na bhoyo. ²⁶ Farizeo agwa minsi sosa nhiboso kopo to sani mpamba ya teyi bho etobhe bhonganga mpe tiambho. ²⁷ Iwa nanu, bhateyi bhamibeko mpe bhafarizeo okini ndje bhatu bhagendja bha bhwasinga bho ogbete pamba ya tiambo bhayi yenene bhopele kasi teyi mwaluma na mikwama bhagwake mpe nhoma nene nha bhopó. ²⁸ Inho okho bhowa mpamba ya tiambo, bhokaweneneni dje bhagendja bhabhosembo, kasi ateyi bholumini na nhikuta mpe na ngando djidjangi bhosembo. ²⁹ Iwa yanu, bhateyi bhamibeko mpe bhafarizeo bhangando bhanose nase obhatongeaka bha profeta Kunda mpe bhwakembisaka kunda dja bhatu bhabhosembo, ³⁰ Mpe wa bhukakani ingaki bhonha ngonga ya bhatata bhaasu ndje yasanaki na bhu te akpulia bhohowa bha profeta. ³¹ Inomene ondimini bhowa bho akhini ngbongi bhande bho okheni ngbongi bhobho bhawaki bha profeta. ³² Bho owakohedjani masá wa bhasango wanu mibho miakokidja ibho. ³³ Ndjó, bhana bhandjó ndengende inho bhotiani etumbu nha lifelo? ³⁴ Mainanga na nhindiani bha profeta, bhagendja bha mayele na bhateyi bha mibeko. Bhahowa bhadina na Kuluse wakuta wadina fimbo a losambo nhanhu, mpe wa bhengana bhadina angando yanu emoti emoti, ³⁵ Bho makia masusu ma bhatu ma bhosembo mabho masuniani amokili mahuleni bhanda makiya Abel Mogendja wa bhosembo tée makia ma Zakalia, mwana wa bhakalia, obho bho mohowa teyi yaa nsio esantu mpe etumbelo. ³⁶ Yasolo solo nibhuki nanu, mobho mosusu makwela bhagendja bhadjebhu djebhu. ³⁷ Yeruzaleme, Yeruzaleme, ohowaka bha profeta mpe abha waka na mabhikili mabho mayinda inso, mbala ndjeka nakoko bho nisanganise gbongi bhawe dje koko akasengnaise bhana bhande ateyi mapa puwa mande kasi bwapakati maina te! ³⁸ Nse, eyinse yawe yanhika edjegi; ³⁹ Yasolo solo, nibhukeni bho bhanda bhende bhotoweni edina mbala te, teye bhusa bhoyino abhuka ampambolama anhoyi na nhina nha Mongai!