¹ Akongo, ayitomba bhuka, ayibhuka na masese manyie, mpe ayibhuka: ² Bhokondji bha nhiko bhoyani na Kumu obho akoyi lipati nha Mogbongi wande. ³ Ayilinda bhasali bhande bhake bhoka beya bhagendja bhanho alipati; nkasi kati bhapa bhonhowa te. ⁴ Ayilinda bhasali bhadina, na bhobhuka: na bhagendja bhanho: ene, nibhogedji lipati; na tito mpe tito djinene djihohi mbi, susu nhike phanhi nhowani anhipati. ⁵ Kasi bhadina bhayene bhabhu pkho edjegi, bhadina bhayeke aeyanga bhadi bhaikhe amimbongo mabhu; ⁶ Mpe bhadina bhayi bhapeye, bhayi bhakuta mpe bhayi bhahowa. ⁷ Kumu ayiay tiya; ayilinda bhasoda bhande bhabhawe bhasusu, mpe bhatumbe ngando mobimba. ⁸ Ningongo ayibheya bhasaleli: lipati nhitobi phanhi; bhagendja bhabho bhanhowa ti te. ⁹ Khene teyi ya zilapanda, mpe obhe bhasusu bhowa tana inoho. ¹⁰ Bhasaleli bhayikhe bhayitana teyi ya ndjia, bhabhasangesi ibho bhasusu bhatama hóo, na bhabhehu mpe bhape mpe eyise eluma na bhagendja. ¹¹ Kumu ayayingia yó akpulia bhowene bhagendja bhabho bhanhowa alipati, mpe ayene momi omoti awati ezindja ya lipati te. ¹² Ayibhuka nande: amina mbi ndingende eyinge we abho owayiti izindja ya lipati te? momi ona ainhipa monoko bhogbi. ¹³ Bho Mokondji ayibhuka na bhasaleli: nyanga mabho mpe na mabho, mpe nhumba tiambo ansio ya monhinhi ho yanha bhoya mpe bhokoka mino. ¹⁴ Ndjokande bhagendja bhanene bhabho bhabheya na kasi bhanha te bhanene ti. ¹⁵ Bho bhafarizeo bhayekana bhamope Akongo abhuka yande. ¹⁶ Bha moyindia bhayekoli bha Herode, nda abhuka: molakisi, inso ebhukikho we ayike na bhosembo, mpe na bhalahisa we ayike na bhosembo, mpe na bhalahisa bhowene bhasembo nha Mongai, na bhabhango Mongendja, ndjokande atika bhanga Mogendja te. ¹⁷ Bhuka nasu ekhe ikhe nsio emoti: elingisani, tote, abhoftua ya Cezar? ¹⁸ Akongo ayidjea mayele mabhehu mabho, awilidji: alipulia eyomande bhoka mekani mbi? ¹⁹ Ningidjani mbi ebhende ebhe bhokofutalia na mpako. Mpe bhaimonindja denaro emoti. ²⁰ Aye bhahedjo: bhande ya nda ekhe teya franga djibho? ²¹ Ya Cezar, ayi bhahidja bhowa nea na Cesar ebhe ekhoki na Cesar, mpe nea na Mongai ebhe ekhoki na Mongai. ²² Namubho moyaka ibho bhayi kamwa, ibhayi, mpe ayibhaké nande. ²³ Okho bhusa bhowa, bhasadisie, bhayi bhuka bhayibhuka bho bhagendja bhata sekwa te, bhayi dinda phani na Akongo, mpe bhayi mohedjo: ²⁴ Moteyi, Mose ayibhuka Mogendja anyoyiu ²⁵ Bho, yanha teyi ya bhana bhami sambo. Wa libhoso ayi wonso, mpe ayigwa; mpe, ndenge ya nhati iyo bhana te, ayiye mwani wande na manyango. ²⁶ Ekhameni ndenge emoti na moto ya nhingongo nobho wa misato tée nhobho wa sambo. ²⁷ Nhingongo nha bhasusu, mwani ayigwa mpe. ²⁸ Abhasekwa, anha mwanhi wanda? ndjokande anhaka mwanhi wabhu bhasusu. ²⁹ Akongo ayi bhahulidja: ekheni teyi ya iwa bho bhodjei ti makoma te, otikeni na nguya ya Akongo te. ³⁰ Ndjokande, abho sekwa, na bhami bhatatomba bhanhi te, nakho bhanhi bhabho bhohosi ti te, kasi bhobho bhanha dje bhanzelu teyi ya nhiko. ³¹ Akpulia bhosekwa bha bhagendja bhasekwa, na bhagwa, walangatini te malobha ma Mongai mwa bhuka iyo: ³² Nikhe Mongaii wa Abhalama, Mongai wa Isaka mpe Mongai wa Yakobo? Mongai atikhe Mongai mogwake te, kasi wa bhomoi. ³³ Bagendaj, bhayoka bhuka ena, matungisama na malobha mana. ³⁴ Yayoka bhafarizeo, bho Akongo ainyanga bha saduseo monoko, bhaiko likita, ³⁵ Mpe omoti wabhu, mokondji wa mobeko, amohedjo motuna, akpulia bhamonhisa: ³⁶ Mwalimu, mobheko monyoi monene? ³⁷ Akongo ayé muwidja: opa Kumu, owapa Mongai, mosusu na mwema mo moti, na mayele mawe mobimba, mpe djibho djéa nho. ³⁸ Na manhibhoso mpe na mobheko mubho monyo monene. ³⁹ Mpe se manhingongo, mpe ékhi ndenge omoti: mpa aminawe dje ekhapawe mene. ⁴⁰ Ike na mibheko mibhale mikokisami na mibheko mpe na bha profeta. ⁴¹ Ndenge bha Farizeo bhasangana nsio moti, Akongo ayi bhahedjo, ⁴² Nabhobhuka: Kristo akhenda? akhi mpe mwanda? iyo ayi bhawidja: wa Dawidi. ⁴³ Mpe Akongo ayi bhuka: ndengende Dawidi, ayibhuka na mingi na ngonga ebha eye motitiyaka Elimu, ayemobeya Kumu, na ngonga ya bhuka yo: ⁴⁴ Kumu abhuki na Kumu wambi nha aye bho yambi ya bhami, tée tango ya kwedja mbi bhanguna bhawe amabho mawe? ⁴⁵ Inakho Dawidi ayi mobheya Kumu, ndingenge anha wana ande? ⁴⁶ Mogendja omoti te akhokoki bhowedjo. Mpe, bhanda bhusa bhuwa Mogendja omoti te nakho omoti te akokati bho mowedja motuna te.