¹ Bhobhayitobha panhi na Yeruzalema, mpe bhaike bhotobha a betifagé, angambo ya ngomba ya oliwa, Akongo ayi linda bhayekoli bhabhale, ² Ayi bhabhukia: khe angando ebhe ekhe libhoso nhanu; tombeni punda obho opeyibho mpe nande; monhuphwa, mpe nhowa nande mpamba yambi. ³ Mogendja, omoti akahedja, owamuhulidjani: Kumu akhe naposa yona mpe ahewidja bhaga. ⁴ Bho, namubho mwatobha ndenge ya bhakhedja na mwayibhuka na Profeta: ⁵ Bhuka na bhanha bhanbhi bha nséo: nse, Mokondji wanu akanhowa mpamba yawe, ayike na bholongo, mpe ayikonda likolo nha mpunda, ya wana, mpe ya mwanhi. ⁶ Bhayekoli bhayike, mpe bhayikhe bhayikho dja bhalinda Akongo. ⁷ Bhayinhowa na mpunda mpe na mwana nana, bhayi mowadja bhikoto bhama, mpe bhayikhe bhonha enhiye. ⁸ Bhadina bhagendja bhanene, bhayoka bhatanda bhisendja bhabhu bha mokenge; bhadina bhakeseke bhitapi bhamée, mpe bha bhatanda amokenge. ⁹ Obho bhake libonso mpe bhobho bhamodjuwa Akongo na bhokpolowa: Ozana wana wa Dawidi! pambwa obho anhowa na nhima nha Kumu! Ozana teyi ya nhiko! ¹⁰ Abho yayingia yo teyi ya Yeruzalema, ngando mobimba ya ningana, mpe bhayibhuka: nda obho! ¹¹ Bhagendja bhamene bhahulidja: iki Akongo, profeta, wa nazareti mpe Galelilea. ¹² Akongo ayayingia teyi ya eyise ya Mongai, ayibhengana bhagendja bhasusu bhayenge zekeha mpe bhahendaka teyi ya eyise; mpe ayikwedje mesa yayi sanzoka, mpe bhaye bhatekaka bhandeke. ¹³ Mpe ayibhuka nabhu: ayikhoma: eyise ya mbi ya bheyana eyise esambelake kasi ino ayitobhedjani eyise ya bhagendja bhahubha. ¹⁴ Bhagendja bha lolanda na bhatengo bhayadinda phanhi nande teyi ya ndaka ya Mongai mpe ayi heledja. ¹⁵ Kasi bhanganga bhakondji na bhateyi bha mobeko bhayoka bhobhehu obha ya wene makamwisi mabho makoyiyo mpe na ngbongi bhaka kpolowa teyi ya eyise: ozana Mogbongi wa Dawidi! ¹⁶ Ayibhuka: okha mbi mubho muka bhuka ibho? iyo amuwidja Akongo. Olangitini malobha mate: ayokatini bhiyambo mi mpundji aminoko ma bhana bha bhodjelele mpe na bhabho bhakanunga mabhele? ¹⁷ Mpe ayi bhaye, ayiphundja anganda mpe ayikhe abhetania, mpe ayi nyodjo bhúu. ¹⁸ Namomgbakhenhi abhohu bhande angando, ayiyaka ndjá. ¹⁹ Ayi wene mwewe mafigi, moyema andjia, ayiya pusa; kasi ayitama kho kasi, mpe aye ayibhukia mwe muwa: ata nyai nhikia mbuma te! mpe mwe mowa mowahoma nheya kohó. ²⁰ Bhayekoli, bhayimwene, bhayi kamwa, mpe bhayibhuka eyomande figiye eyoma nheya na ngonga ya bhotshenhu? ²¹ Akongo ayi bhahuidja: na kabhukiani solo, akanhani na bhandimi anhaiti na tembe te, wakoni okho mbi niyakho na mwe ma figi, bho obhukeni na mokhonhi: ndjoho okhe bhokakwa teyi ya nhuwa mainanga makho mene. ²² Nsusu djebho ya yonga we alosambo, na bhoyambi owa nhisani. ²³ Akongo ayengia teye ya Tempelo, mpe, abhanda bholakisa bhagendja, bhanganga bhakondji mpe bhasuku bhangando ayi bhabhukia nda anea bhokondji abhoko bhowa, mpe nda anea likhoki? ²⁴ Akongo abha widja: nika hedjoni mitima momoti; mpe, okawedjani, mbi na bhukeya bhokondji ya khambi. ²⁵ Bhatisimo ya Yowane, yadjonga sase? oho nhiko, to abhagendja? kasi ino wa leneni teyi yabhúu okawidjani eyano: oho nhiko, iho abhukani nanu: akpulia eyomande inakho moyi mondina tini te? ²⁶ Mpe inso emowidja: bhagendja, bhayi mobhanga, ndjokande bhasusu bhaka mowene Yowane profeta. ²⁷ Mainanga bhayi mowidja Akongo: inso edjeyiti. Mpe ayibhka nasu natulu yande: mbite, nitabhuka nanu andenge yo bhokondji bhabhoko ngando. ²⁸ Ikhe siomoti? momi omoti akhe na gbongi bhabhale; mpe, ayi adjedja owa libhoso, ayibhuka Mogbongi wambi, khe bhoka loma bhende teyi ya eyanga yambi ya vino. ²⁹ Ayi mowidja nipayilite. Nhingongo, ayiyoka mwema mobhehu, mpe ayikhe. ³⁰ Ayibhuka na obho odina, ayibhuka ndenge omoti. Obho wa momi ayihuledja niakhe, Kumu mpe ayikhe tite. ³¹ Teyi yabho bhabhale nda otosi sango wabho? ayi bhawidja: wanhi bhonso. Mpe Akongo ayi bhabhukia: nibhuki nanu solosolo, bhafutisi mpako na bhandumba bhayingia libhonso teyi ya mokili ma Mongai. ³² Ndjokande Yowane anhowaki mpamba yanu teyi yamalobha ma bhosembo mpe wa mondima tinite. Kasi bhafutisi mpako na bhandumba bhayi mondima; mpe ino, bhoweneni bhowa, wabhongola ti mema te bho bhomoyambeni. ³³ Yokani lisese nhimoti yanha momi omoti, molakasi wa ngando, ahoma vino. Ayeyika lopango, ayi longa libheya mpe ayikho nhiyako: aynyanga vino djande nsio moti mpe ayekhe angando edina. ³⁴ Ayitobhoka tango ya bhobhuka mbuma, ayilinda bhasali oho mbuma djia, akpulia bhonhisa mbhoto dja vino. ³⁵ Bhasali bha eyanga, bhapeya bhasali, bhayi kuta omoti bhoyi howa odina, mpe masanto bhayi mola mabhanga. ³⁶ Ayilinda bhasali bhadina bhanene, bhayi bheya bhabho bhalibhoso; mpe bhayi kho nabhu okho bhowa. ³⁷ Ningongo abhalindiya Mogbongi wande, na bhobhuka: bhanha na bhotosi na mwana mbi. ³⁸ Kasi, bhasaleli bhawene mwana, bhaya bhuka teyi yabhu: ene mosumba monhika nandi, nhowa, ekha mohowa, mpe enhika na eyanga yande. ³⁹ Mpe bhayi mopeya, bhayi monhumba tiambo ya eyanga, mpe bha mohowa. ⁴⁰ Bhinhayi ebhe, mene ya eyanga ayiya nhowa, akho eyomande aeyanga? ⁴¹ Ayi bhawidja: ahowa bhatu bhabhehu bhagbaw yogo ebhehu, mpe anyanga mbuma djidina, bhamonea mbuma djia ya bhayifa mbuma. ⁴² Abhawidja: walangatiniti makama mama koma ibho teyi minkana: libhanga nhibho bhaitonga na eyinse bhanhi nhumba liya tobha libhanga nha litomba; nse mosala mwako Kumu, mpe bhamwene na miso? ⁴³ Mpe akpulia bho, niabhukiani, bhokondji bha nhiko bhotomwani, mpe bhoneani nahobho aka ifa mbuma. ⁴⁴ Obho akwa na libhanga nhibho abhukiana mpe nikakweye Mogendja ya mobhunha. ⁴⁵ Bayoka masese, bhanganga bhakondji mpe Bhafarizeo bhayoka bho Akongo akha bhuka nabhu, ⁴⁶ Mpe bhamonukana bho bhamopi kasi bhayi bhanga bhagendja bhanene, bhayi motomba dje profeta.