¹ Ndenge Akongo apudjayo akeyi ate mpelo, bhayekoli bhapusa phanhi nande bhowene ndenge ayi tonga ibho eyinse. ² Kasi ayibhuka nabhu: nseni djususu nhia? nibhukieni solo, nhibanga nhi motete nhi ta nha likho nha nhibhanga nhidina liabhukia. ³ Anha angomba ya Olivier. Bhayekoli bhanha nande nsio omoti bhomehodjo mituna: nibhuki nanu, ngonga nde ohahula mpe bhusa masuka ma molongo? ⁴ Akongo ayi bhawidja: khebani Mogendja omoti te ata yekasani. ⁵ Ndjokande bhagendja bhanene bhanhowena nhina nhambi, bhaye bhuka: ekhe mbi Kristo. Mpe bhakosa bhagendja bhanene. ⁶ Oyokhani bhobhuka bhabhiya mpe makelele mabhia: bhaneani tosombedjeni mayele, ndjokande ngando djea susu djia tobha. Kasi suka etanhowa bhogo te. ⁷ Ngando edina eyayana na edina mpe bhatu bhamokili bhayana na mokili modina mpe ya nha na ndja, mpe na bhahambedja tembha. ⁸ Djia djisusu djianha ndje ebhandeli yo mpasi. ⁹ Na ngonga enha bhatekani inho mpe wagwani inho bhasusu; bhasoyani nho bhasusu angando, amakhando anhinha nhambi. ¹⁰ Nasema bhanene bhagwa, bhayengedje bhamina nabhu, bhasoya bhabho na bhabho. ¹¹ Bha profeta bhanene bhabhehu bhalokuta, mpe bhakosa bhagendja bhanene. ¹² Mpe akpulia bho otike na bhosembo na bhoneana, na bholingo bhonene ya bhotitidja. ¹³ Kasi Mogendja obho ayisa molende ahela. ¹⁴ Basakwa bhosambo bhopele teyi ya mokili mobimba, akpulia bhanyea bhokese mokando na bhosembo amokili mosusu nasima etobhi asuka. ¹⁵ Tango ya wene inho bholakelama bhobhehu bhubho profeta Danielé ayibhuka, mokomene ansio ebhe ekhe ensatu montangi ahokhe tina ya malobha mande. ¹⁶ Kasi bhobho bhanha ayudea bhatieye nhiko nha ngomba; ¹⁷ Obho anha amotondo maeyense ata etite te ebhe ekhe teyi ya mongita; ¹⁸ Obho akhe teyi ya eyanga atekumbe nhingongo te abhotomba mokhoti. ¹⁹ Mawa ma bhunhi bhake na memi mpe na bhabho bhaka nungidja na masumu! ²⁰ sambela akpulia bhusa bhwatia eyanha bhusa bha mpio te, na bhusa bha sabhate. ²¹ Ndjokande nhingongo, mawa manene na mokando motike na tina te bhanda ebhandeli ya mokili te bhende, mpe etaa nha nhiya. ²² Masuma etike na bhohulidja, Mogendja omotite atahela kasi obho anha mokando ma Elu, na masumaa ahulidja. ²³ Nangonga ena: Kristo akhe abho, to: akhi habhowa, tondimi te. ²⁴ Ndjokande obho akhe Kristo mobhehu mpe profeta mobhehu; akho ngando djinene mpe na bhilembo, nangando nha bhokosa bhagendja bhaponono. ²⁵ Nse, niabhukiani libhoso. ²⁶ Inakho ayebhuka nanu: nse, akhe teyi ya uma tokhe te; monse akhe teye ya bhomogita, tondimi te. ²⁷ Ndjokande, ndinge ya bhoningidja bhonganga a Esti ningidja, bho mwana wa Mogendja anhowa kho bhowa. ²⁸ Nsio ebhembe esamiyo, bhandjo bhasangani háa. ²⁹ Ensi bhonyokwama na masuma, moiyinda, nsonge atangenga te, djodjo mweyakwa, mpe ngunhu ya nhiko eya ninganga. ³⁰ Nasima Mongbongi wa Mogendja akhe teyi ya nikho, bhagendja bhasusu bhangando ena bhandebha bhatiya, mpe bhawene Mogbongi wa Mogendja anhowa na bhongenge ohonhiko na ngunhu mpe na kembo enene. ³¹ Alinda bhanzelu bhande bhabhome tambulu makasi, mpe bhobhusangane bhatu bhasusu bhabhahohi iyo, bhanda ansio nhiko na bha ono. ³² Okasi bhoyana bhame bha figi. Ingakho bhitapi bhina bhitobhi pete, mpe kasi djikabhota, odjeni bho eleko ya moi ethobhi phanhi. ³³ Okobwa, tango inho waweneni monkando djia susu, djiani bho mwana wa Mogendja atobhi panhi, anhipako. ³⁴ Nibulieni na bhosembo, bhagendja bha gonga enha bhata nyote, masusu djibho djianhowa. ³⁵ Nhiko mpe ndebha nhianyo, nasima malobha mambi mataanyo te. ³⁶ Bhusande mpe ngongande, omoti wadjea nakho bhanzelu obho nhiko bhatadjea, nakho wana moto atadjea kasi oko ya iyomene akadjea. ³⁷ Bhanhowa ya mwana moto wanha djengonga ya mowe dje ya nhowa mwana wa moto. ³⁸ Ndjokande, teyi yamasu mapela makanhowa, bhagendja bhaka haka mpe bhakanunga, bhasono mpe bhosono na gbongi bhabhu, tée bhusa to nowe ayingia teyi ya masuwa; ³⁹ Mpe bhanhoki na bholene monkando nakho momoti te, mpela enhowa mpe eye bha madja: eyanha kho bhuwa na tango mwana wa moto anhowa. ⁴⁰ Nasima, bhami bhabhale bhake teyi ya elanga, watamba omoti bhaye odina; ⁴¹ Bhanhi bhabhale bhaka minya motike, omoti bha motomba odina bha moye. ⁴² Akengeleni, otadjeani bhusa mwana wa moto ayinhowa. ⁴³ Djianibho, mene eyinse adjeaki ngongo nde moyiki ayio anhowa bhuwu, dje akengele mpe alembe abhanea mpe ataye eyinse yande te. ⁴⁴ Akpulia eyamande, ino nakina, nhani phanhi, ndjokande mwana wa moto ayiya nhowa inho otadjeaniti te. ⁴⁵ Nda mosaleli mpe wa kasakasa, bho molakisi ayisa bhagendja bha, akpulia bho bhanea múu na ngonga ekhoki? ⁴⁶ Esengo ya mosaleli, bho molakisi wande, na ngonga ya bhotobha bhande, ayikho ndenge enha! ⁴⁷ Ya solo solo nhibhukeni, amoyisa mokondji wa nhoma nhisusu. ⁴⁸ Kasi, na mosoli obho akheyi bhobhehu alabhukia okho iyo mene: molakisi wambi ata enho bhoga, ⁴⁹ Mpe ayi bhanda bhokuta bha elomo na bhohaka na bhonyanga na bholongbi, ⁵⁰ Molakisi wa moto wa elomo anhowa bhusa to atadjea te mpe na ngonga atadjeate, ⁵¹ Ayisa mbemba djande mpe ayi monea yande ndambo na bhagendja nase nase: na bhabho bhaka eya mpe bhakakoha minyo.