¹ Nangonga ena, bhayekoli bhoye pusa phanhi na Akongo, mpe ayebhuka: nde okhi monene teyi ya bhondji bha nhiko? ² Akongo ayebheya mwana botshenhu, ayi moyina teyi yabhu, ³ Mpe nibhuki: nibhuki nanu solo solo, bhobhongwani tite mpe otobitite ndenge ya bhana bha bhodjelele, otayingiani teyi bhokondji bhanhiko te. ⁴ Akpulia ya Mogendja ayayhobisa dje mwana botshenhu onha monene teyi ya ngando ya nhiko. ⁵ Mpe Mogendja abho ayamba mwana bhotshenhuna nhina nhambi, ayamba mbi mene. ⁶ Omoti obho anea simbisi na bhana bhabho bhayambi mbi, enyo bhope akpulia bhamonyanga na libanga enene anhoyi, bha monhumba anhuwa enene wa bhoda. ⁷ Mawa amokili na bhatu bhaneya simbisi ebhehu! ndjokande ekhe bhopele bhokaneya simbisi; kasi mawa na moto na moto anyea simbisi athotih! ⁸ Na ebho to na ekho akpulia we ekoki bhokwe dje, ekhese mpeenhumbe bhohanhi nambi; bhope bho akpulia we ayinge teye bhonhumba makho to, na bhonha na makho makhole to mabho mabhale mpe enhumba teyi ya mosa ma nhibhela. ⁹ Mpe nhiso nhimoti akpulia bhokwendje we, djoedja mpe nhumba bhohanhi mawe; bhope ayinge na minso nhi moti teye yaa bhomoi, na minso nhimoti, bho awene minso mabhale mpe amanhumbe teye mosa ma lifelo. ¹⁰ Kebhani na bhosoya bhanabha; ndjokande niabhukiani bhondjelu teye ya nhiko bhayene masu masusu bhanda ya ya obho akhe anhiko. ¹¹ Ndjokande wana wa moto anhoyi bhokoheledja bhabho bhabhungani. ¹² Inobhasusu? Mogendja omoti anha na kandolo Kama, mpe bandolo omoti akabhunga, ataye kandolo tuku libwa na libwa nhika nha ngoma, akpulia bhoke bhonukana obho dinwa bhunga? ¹³ Mpe, akanhisa, nibhuik nanhu na bhosembo, anha na esengo bhonhisa kandolo tuku libwa na libwa na bhabhoi bhayi bhunga tite. ¹⁴ Okho bhowa, etikhe na mposa ya sango anu ayi anhiko apayitite bhana bhande bhabhunga. ¹⁵ Obho mangwa akhahó masumu, khe bhoka tana nande we omoti. okahoka, anha dje mangwa. ¹⁶ Kasi, awokiti te, tomba moto omoti nako bhabhale to bhasantu bhanha bha temowe. ¹⁷ Akangana bhoyoka, djedje alisanga nha losambo; mpe akangana bhoyoko lisanga ya losambo, atobha dje mopagano to mofutisi mpako. ¹⁸ Mbuki nanhu solo solo, ibho bhoyanga andebha bhamonyanga teyi ya nhiko, mpe ibho bhonyanga andebha bhanyanga teyi ya nhiko. ¹⁹ Okhobowa nibhuki nanu, bhata bhabhole bhoyokaniti te, bhokonga nako eyomande, ya abhanea bhasusu teyi ya nhiko. ²⁰ Ndjokande bhakanha bhabhale to bhasantu bhaki nanhina mbi, mbi nike teyi habhu. ²¹ Naasima Petelo aya dinda phanhi nhande, mpe aye bhuka: Kumu, mbala ndjeka, akakho bhobhehu mbala ndjeka na molimbisa, bho akhakhoni bhobhehu? mbala sambo? ²² Akongo ayebhuka mande: nibhukiti te mbala sombo, kasi mbala tuku sambo na sambo. ²³ Mpe akpulia ye, bhokondji bhanhiko mpe wulani na bhokondji bha bhasaleli bhande. ²⁴ Ayibhanda bhonse mikanda manyango, mpe bhayi monheyo Mogendja omoti akhe na nyongo ya talinta kato zomi. ²⁵ Ndenge te anhaki na hanga dja bhofuta nyongo te, mokondji wande amoyindi bhamoteke, na wanhi na bhana, mpe nanhoma nande nhisusu, mpe nyongo ayisiya. ²⁶ Kasi mosaleli, ayaanhumni andemba, nhiboso nhande, mpe ayibhuka: Kumu, ambedja membi, mpe niafuta nyongo djawe zisusu. ²⁷ Mokonzi aye molimbisa, Kumu wa basaleli ayiye, mpe ayi molimbisa nyongo. ²⁸ Nhingongo ayiphundja, ayitanana na mina wande wa eloma anhaki na nyongo wande amopeya monhonhi mpe ayebonda bhahala, ayibhuka neya nyongo djambi djibo djike ina. ²⁹ Aminande ahelomo, ayanhumba andemba ayi mobhondela ayibhuka: emedjeeni ninukaneme, mpe mafuta. ³⁰ Kasi ayengana, mpe ayimotomba ayi moyi ngedje abholoko, te bhusa awidja nyongo yande. ³¹ Bhasali bha elomo, bhoyene mubho moka nhowa bhaykoa mawwa, mpe bhaike bhoka bhukia Kumu wabhu na mubho monyo nabhu. ³² Bho molakisi mobheya mosaleli, mpe ayibhuka nande: mosaleli mobhehu nawidja we nyongo susu, akpulia bho wa bhondele mbi; ³³ wokokiti bholimbisa amina nowe te, ndejmbi na limibsa we? ³⁴ Mpe Molakisi, nakanda, abhanea ma zuzi, te obho bhusa obho owafuta nyongo susu dje bho djenha. ³⁵ Ikhe bho ya akhi nhiko aloma nnau, ingakho omoti nanu alimbisa amina nande na mwema mande mobimba.