¹ Nhengongo ya masu motobha, Akongo oyi tomba Petelo, Yacobo, mpe Yoane, na monyango akhe nhabhu angomba ya bhonho. ² Nyi hombedja libhoso nhabhu; mbanda yande ekangenga dje moi, mpe bhisendja bhande bhikangenga dje songe. ³ Mpe nse, Moise mpe Elikia abhimeli, bhakasolola. ⁴ Petelo, ayitomba bhuka, ayibhuka na Akongo: Kumu, ekhe bhopele bhonha nawe abho; okhapa, neayesi bhasi dje santu abho, emoti yawe, emoti ya Moise, mpe emoti ya Elia. ⁵ Nasima yabhando yo bhobhuka edima mbala, limpata lingenga dje nsonge. Mwa bhanhipa mpe nse, Mongongo mamoti mwa djonga mpe alipata: obho akhe mwanambi wabholingo, nikasepele nande makasi: bhomohoke! ⁶ Bhayoka bhuka yande, bhayekoli bhayikwa bhande nase, mpe bhaibanga makasi. ⁷ Kasi Akongo, ayenhowa phanhi nhabhu, ayi bhapeya,mpe ayebhuka: emani, tobhangeni te! ⁹ Tango yatitaka bho nhiko nha ngomba, Akongo abhanyea mobeko: tobhukake na moto omotite monkando mobho, tée bhusu mbi mwana wa moto asekwa a bhawa. ¹⁰ Bahekoli bhayedjo motuna: akpulia eyo mande bhateyi bhamibeko bhabhuka na Elia anhowa libhoso? ¹¹ Ayiwidja ekhe solo Elia anhowa liboso, mpe obhongendje ngando susu. ¹² Kasi mbi niabhukiani Elia anhowa, bwamo djeakini te mpe bwakwani nande dje enomene bwapa. okho bhowa bhowa hokedja mwana wa moto pasi. ¹³ Bhayekoli bhayoka nasima nabho mokando ma Yoane mobhatisi. ¹⁴ Yatobha ibho phanhi na bhagendja Mogendja omoti ayifukama liboso nha Akongo, mpe aye bhuka: ¹⁵ Kumu, wana mbi akapeka epeko ya ekwake, mpe akapeka mbala mingi; akakwa teyi ya mosa, mpe mbala mingi teyi ya nhuwa. ¹⁶ Niake nande pambi ya bhayekoli bhawe, mpe bhahomoti bho moheledja te. ¹⁷ Bhagendja bhangando bhewu, Akongo ayihulidja ngonga nda nanha nhanhu? nanganga nde mwa nyangani mwema? nhowani nande abho. ¹⁸ Akongo agageya mondili, mondili ayi phundja amokuku na nganga ena. ¹⁹ Nasima bhayekoli bhayi pusa phanhi na Akongo, mpe ayibhuka na ndenge yande: akpulia ahonoki ti te bhobengana mondili te? ²⁰ Abhuka nabhu bhoke na bhoyambi bho tshenhu, Akongo ayi bhalihukia. Nika bhukiani bhasembo, bhokanha na bhoyambi dje mbuma dja ndongondongo, bwabhukani na ngamba: wawani abho akhe oho, mpe ya komene; mokando momoti bhomonyoi na makasi. ²¹ Nasima milimo miya mike phundja na losambo mpe na bhokila. ²² Tango ayikha bho a Galilea, Akongo ayi bhuka nabhu: wana wa moto bhamokabha amabho ma bhagendja; ²³ Bha mowowa, mpe nhingonga nha masu masantu. asekwa. ²⁴ Ngonga ya tobha ebha Kafarnaum bhafutisi bhapako bhainhowa mpamba wa Petelo, mpe ayi mohedja: Molakisi wanu tafute mpako a Tempelo te ? ²⁵ Iyo, ayibhuka, Mpe na ngonga ayingiha iyo teyi ya eyinse, Akongo ayi banda bhomobhukia,mpe ayébhuka: ayi mohedja Simo, oleni bha? mokondji wase, akafutedja bhato bhangando mpe na mpako? to gbongi, to bhagendja bhanhowake? ²⁶ Ayibhuka: bhagendja bhanhowake. Mpe Akongo ayehulidja: bhagbongi bhafuta. ²⁷ Kasi akpulia bhonha simbisite, khé anhuwa nhumba ndonbonhi, mpe ifa mosu ya libhoso nhowa nande; nhuphuwa monoko mande, mpe owatana efanga. Tomba we, mpe abhanea mokando mambi nawe.