¹ Amadjayo bhobhuka bhowa, ayedjo ayebhe agalilea, mpe teyi ngando ya Yudea, anyomba ya Yordani. ² bhagendja bhanene bhaimotuteya, mpe aye bhaheledja. ³ Bha Farizeyo bhanhowa pamba aande,mpe bhayi bhuka, akpulia bhomeka: momi akoki bhokia mwanhi wande akpulia tina to eyoma nde? ⁴ Abhanhowa watanga te aebhandeli, mozalisi, akho momi na mwanhi. ⁵ Mpe ayibhuka: akpulia eyomande momi aye nsango mpe na nyango, mpe anha ibho na mwanhi wande, mpe ibho bhabahle bhaitobha mokuku momoti? ⁶ bho bhatike nia bhatu bhabhale te, kasi bhaki nhiako mokuku momoti. Mubho mwanyanga Mongai moto ata modjoedja te. ⁷ Akpulia, iyo ayi bhuka nande, Moze ayibhuka bhange mwanhi manhanda ma bhohoka moki mpe bhodjoedjo? ⁸ Iyo ayi bhahulidja: Mpe bho ayibhuka nanu bhodjoedja bhanhi; na ebhandili iyo abhukati nanu te. ⁹ Maye nanga mwabhuka yo nanu bho momi akalengana mwanhi wande, bhonha bhosembo, mpe akahoso odina mwanhi akoyi ekobho. ¹⁰ Bhayekoli bhayiu bhukaa nande: bho amoki ekhanha bhowa na momi mpe mwanhi, bha kokiti bhowosono te. ¹¹ Abhawidja: ino bhasusu bhedjetisi malobha mabho te, akho bhabho bhadjea mahele mabho djeya. ¹² ndjokande ekhe na bhadina bhakokiti na moki te bhanda bhusa bhayi nyaa ibho; ekhe na bhabho bhanhoyi na bhagendja; mpe bhabho bhanhoyi bho mene, amokande ma mokili ma nhiko obho owa waka awokhe. ¹³ Bainhowa na bhana bha bhodjelele bhobha bhenise, nhingongo ayi bhayanda mabho ayi bhabhenisa akpulia obho kasi bhayekoli bhayi bhalendea. ¹⁴ Mpe Akongo ayibhuka: ye bhana bhabho djelele, mpe bhotalembe te bhanho mpamba wambi; ndjokande mokili manhiko ekhe bhabho bhako kani nabhu. ¹⁵ Abhayiseya mabho, mpe ayikhe andjia yande. ¹⁶ Mpe nse, Mogendja ayapusa mpe ayibhuka na Akongo: Molakisi, eyomonde embi akho akpulia bhodwa bhomoi bwalobiko? ¹⁷ Iyo awidja: akpulia eyo nde ekha wedjo wembi iyo bhopele? iyo mene akhe bho pele, okhapa bhoyingia teyi yo bhomoi, toso mobheko mande? ayebhuka nande. ¹⁸ Mpe Akongo ayi widja: towe motote; tokho bhobhehu te; tokho ekhobho; tohibhe te; tobhuke mokando malikuta; tosa sangwa na ima; ¹⁹ Mpé pha aminawe dje wemene, ²⁰ Palanga wa momi ayi bhuka mikatosa mibhuka mina misusu; eyomande ezangi mbi edina mbala? ²¹ Akongo ayi mowidja: akapha bhonha na bhosembo khe tomba susu djibho djikhe we nadju okanea bhagendja bha mawa ya nhibo. Mpe nhowa, mpe djuwa-ni. ²² Nhingongo bho ahokhe malobhama palanga wa momi ayiyoka iwa; bho anhaka nhoma djinene. ²³ Akongo ayibhuka na bhayekoli bhande: nibhuki nanu solosolo, Mogendja wa mosolo ayingia teyi ya mokili manhiko na mpasi. ²⁴ nibhuki nanu odina mbala, etikhe pete te ngamia ayinge anhibulu nha tonga bho moto wa nhi kondjo bhoyingia teyi ngando ya Mongai. ²⁵ Bhayekoli, bhayoka, bhaayikamwa, bhayi bhuka: nda akhoki bhohele? ²⁶ Akongo ayi bhanse, mpe ayibhuka nabhu: bhagendja bhakoki ti mokando mubho te, mokando monyoi Mongai na makasi te. ²⁷ Petelo, ayitomba malobha, ayibhuka: nse, inso bhasusu eye phamba yansu, mpe ekha tuteya; bhango ya nhisa eyoma nde? ²⁸ Akongo ayi bhawidja: ayibhuka nhaba bhosembo, bho mwana moto, ayombedja susu, anha akiti ya bhokondji, bhabho bhatutiani, bhino mpe bhwaanhe kati ya zomi na bhabhole kembo, mpe bhabha sambedja zumi na bhabhole angando ya Israeli. ²⁹ Nda wakhe, amokando manhina mambi bhamanyango bhami, to bhabhanhi, to sangwa, to nangwa, to mwanhi ya we, to bhana bhawe, to ndebha, to eyinse yawe, anhisa mokama, mpe anhisa bhomoi bhwaa lobiko. ³⁰ Bhanene bhaphundja libhoso bhatobha nhingongo, mpe bhanene bhaphundja nhingongo bhatobha libhoso.