¹ Nangonga enha, Herodia awokha Akongo, ayibhuka na bhagendja bha elomo: Yoane mobatisi! ² Bhasekwa bhayogo mpe mokando mayena asekwa abhawa abhandi bhoko makamwisi. ³ Ndjokande Herodia, akhe bhapedja Yoane, bha mopea mpe bha moyisa abholoko, mokhando mwa Herodia, mwanhi wa Philipo, ngia nande, ⁴ Akpulia bho Yoane ayibhuka nande: ekhokiti bho motomba dje mwanhi Yawe te. ⁵ Akokibho amowo, abhanga bhagendja bhanene akpulia bhamoseke Yoane dje Profeta. ⁶ Bho, bhusa mambotama ya Herodia, asepela mwana mwanhi Herodia ayi bhuwa teyi ya bhogendja, asepelisa Herodia makasi, ⁷ Herodia ayi lampa ndai bho amonea susu djia awanga iyo. ⁸ Amolakho ma nyango, ayibhuka: nyembi neani móo ma Yoani molatisi asani. ⁹ Kumu ayiyoka, mawa; kasi, amokando ma bholapa ndai alakayo, ayinga mpe ayi monea, ¹⁰ Mpe ayi molinda bhamokise Yoane teyi ya bholoko. ¹¹ Bhainhowa na móo asani, mpe ayinea moseka, ayikhe mamu pambha wa nyango. ¹² Bayekoli bha Yoane bhokatambo ebhembe, mpe bhakundi. Mpe bhaiyekhe bhokabuka na Akongo. ¹³ Ayoka yó mosambo muwa, Akongo ayike bhokayinga teyi ya bwatu, akpulia akhe bhonha ansio yo bhobhi; mpe iyo mbuki, akhanha, bhagendja bhangando bhaiyi pundja bhaiyi motuteya na mako. ¹⁴ Ayipendja iyo abwatu, ayiyene bhapendja bhanene, mpe abhayokeya iwa akpulia abhu, mpe abhaheledja. ¹⁵ Phanhi na bhúu bhayekoli bhayi khe phanhi nande, mpe bhayi bhuka nsio ebhe ekhe uma, ngonga enyoyi hamedja bhagendja bhobhakhe teyi ya ngando akpulia bhoyenda nhiya. ¹⁶ Akongo abha owidja atike na poso na bhake nabhu te; ino bhene bhanea nhiya. ¹⁷ Bhaye mobhukia: ekhe abho na mapa bhatanu mpe nsúu bhabhole. ¹⁸ Ayibhuka: nhowa nanhu pambe yambi. ¹⁹ Abhalinda bhakanha ase ndjani ayitomba mapa bhatano mpe bhabhale, mpe, ayitombola miso hóhó nhiko ayi sambela. Mpe ayibhuka mopa mpe ayi nyea na bhayekoli, ayi bhakabhoda ibho bhasusu. ²⁰ Bhagendja bhasusu bhayeyaka mpe bhoyi gola, bhayiwe bhitunhu djeni na Zebale na nhiya nhibho niamikoka. ²¹ Bhabho bhayiyaka bhanha koto Zitano, nsa bholanga bhanhi na bhona. ²² Nhingongo, ayibhuka na bhayekoli bhakonde teyi ya bwato mpe bhanyo libhoso bhande mpe iyo ayinhika, mokanda ayaanhedje bhagendja. ²³ Amadja iyo bhowanedja bhagendja, ayi kanda nhiko nha ngomba, akpulia bhosa mbela iyo mbhuku; mpe, bho mokho mwa nhowakaa anha yá iyo mbhuki. ²⁴ Bwato, bwonhoka teyi ya nhuwa; ndjokande mopepe na mbonge mwa ningisa bwato. ²⁵ Na khokho wa libhoso, Akongo ayike panha nha nhuwa. ²⁶ Bhayekoli bho bhawene akasomba nhiko nha nhuwa, bhaiyibanga, mpe bhaiyibhuka: ayike djakulu! mpe, bhai banda, bhobhanga na somo. ²⁷ Akongo ayibhuka nabhu: nhani kimia, ekhe mbi; to bhangeni te! ²⁸ Petelo aye bhuku: kumu, ekhanha we, lingisani nhinho pamba yawe nhika nha nhuwa. ²⁹ Akongo ayibhuka: nhowa! petelo aye pundja a bwato, mpe ayi bhanda bhosamba nhikho nha nhuwa, bhake pamba ya Akongo. ³⁰ Kasi, ayihene mopepe moibhando bhonho wa makasi, ayibhanga; mpe, ayibhanda bhonhinda, ayi kpolowa: Kumu, heledjani! ³¹ Akongo ayiyanda ebho, aye mopeya, mpe ayibhuka: Mogendja ya bhoyambi bho tshenhu akpulia eyomande akayisa tembe? ³² Tango ayengia yo teyi ya bwato, mpe mopepe masia. ³³ Bhabho bhanhaki teyi ya bwato bhayi mogubhamela nhiboso nhande, mpe bhayibuka akesolosolo Mogbongi wa Mongai. ³⁴ Abho bhayeka ibho ngombo ya nhuwa, bhaike angando Genezorete. ³⁵ Bhagendja bhagando ena, bha modjeya Akongo, bhayisombeledja mosambo teyi ya ngando mobimba, mpe bha moweye bha bhagendja bhasusu bhabhipeko. ³⁶ Aisambela mokando maabhu aye bhandi miya bhape songe ya isendja nhande. ibho bhasusu bhahihela.