¹ Okho bhusa bhowa, Akongo ayipundja aeyinse mpe, akhanha phanhi na nhuwa. ² Bhangedja bhanene bhayayika nande, ayikonda teyi ya bwato, mpe ayinha bhagendja bhanene bhainha alibhongo. ³ Ayi bhateya ngando ebhele djibho djikokani, mpe ayi bhuka: ⁴ Akpundja akhiya bholona, ndenge ayonayoi, ma ndambho ayikwa na ndjia: mbhunhu anhowa, mpe ayi haka. ⁵ Mbhuma djidi yakwa teyi ndebha na mabhanga enhaki na ndebha djinene te: djipundja bhoga, akpulia bho djiatana ndebha phanhi; ⁶ Bho, moi moiphundja, eyi hongwa mpe ehoma akpulia bho ya ifati mina te. ⁷ mbuma djidi djeyakwa teyi ya ndjubhe; ndjubhe djibhinga, mpe djidji howa. ⁸ Mbuma djidi djiakwa teyi ya ndebha pele dji bhota mbuma djienene, djidina ikoma, djidina tuku motobha, djidina tuku disantu. ⁹ Bhagendja bhobho bhake na matoi ma bhoyoka bhahoke. ¹⁰ Bhapostulu bhayi yapusa, mpe iyo ayibhuka: akpulia eyo mande okabhuka nabhu na masese? ¹¹ Akongo ayi bhanhowa: inho odjeni mibhobhamo ma bhokandji ma nhiko, mpe kasi ibho te. ¹² Ndjokande Mogendja obhe nanhiya mpe atobha nanhia djienene, na obho atikhe nanhiya mpe mpe ata na nhiya te. ¹³ Akpulia eyomande nikabhuka nabhu na masese nakho bhanse bhatika enete, mpe nakho bhahoke na matoi bhatika landa te. ¹⁴ Mpe akpulia bhobhuka bha mosakoli Esaya: ebho bhayokaka na motoyi mabhu, ibho bhayi landati te; ibho bhasele na miso mabhu, mpe bhaweneki tite. ¹⁵ Ndjokande mema ma bhagendja mpe maitobhaka bhobhehu; bhainhupa matoyi, mpe bhainhipa miso, bho bhatawene eyoma emoti na bhituki te, bhakahoka na motoyi mabhu, mpe bhakabhania mema mabhu te, mpe mbi nata bhaheledja ibhote. ¹⁶ Esengo yanhu, akpulia okhayene, mpe okayokani! ¹⁷ Mbhukenanu bhosembo, bha profeta na bhagendja bha bhosembo bhanene bhanuka naki bhowene ibho bhoweneki, mpe bhayihene tite, ibho bhowanukanaki bhoyoka, mpe ibho bhayokakiti te. ¹⁸ Inakho, okheni bhuka ya moloni nhia. ¹⁹ Inakho Mogendja ayoka bhuka ya mokondji kasi adjeyi ti tina enati Mogendja mobhehu anhowa bhobha djoedja mbuma elonana amena mande: Mogendja ona anhisa milona mia andjia ya bhohanhi. ²⁰ Iyo moto anhisa mbuma teyi ya mabhanga, akhe Mogendja obho wahoka bhuka mpe ayi mayamba na esengo; ²¹ Atikhe na misisa iyo mene te ayindima bhusa bhomoti, wangako ayitobha na epekho mpe bhotungisama akpulia bhuka, akwa bhoga. ²² Mogendja ayenhisa mbuma teya ya dhubhe, ekhe obho ayiyoka bhuka, akhe na bhileni maa bhiyanga bhisengo bha mosolo mayinanga bhuka ibhotiti mbuma te. ²³ Obho anhisa mbuma teyi ya ndebha; ekhe obho ayokha bhuka mpe ayi bhanea ayiwa mbuma, mpe mbuma djidina djienea ekama, djidina tuku motobha, djia djidina tuku djisantu. ²⁴ Iyo ayi yengele masese madina, mpe ayibhuka: bhokondji bhanhiko bhohulani na Mogendja obho ahona milona bhope teyi ya eyanga. ²⁵ Kasi tongo ya yebho ibho Mogendja mobhehu anhoyi bholona mbuma dje bhehu teyi ya mbuma dja mapa, mpe ayikhe. ²⁶ Abho mbumaa djiwenene bhidombo mpe djenya mbuma, kasi djibhehu djiahowa nadju. ²⁷ Bhagendja bha elomo na Kumu wa ngando bhaibhuka nande: Akongo oyonaki te mbuma epée te aeyanga yawe? djajdjonga nsase owidji? ²⁸ Iyo ayi bhawidja: ekhe bhanguna lihakoyi bhowa. bhogendja bha elomo bhaibhuka: opayibho ekadjoyedja djani dji bhehu? ²⁹ Té, ayibhuka, okadjowedja, wa odjowedja djibho djibhehu wadjowedja ibho djipée. ³⁰ Yene adjani djipinge mpe ngonga ya bhobhuka, mpe na tango ya bhobhuka, niabhuka na bhatobha elomo: edjoidje me khais dji bhehu, nyoe nyonga mabhoke mabhoke akpulia bhobhumba, nhingongo okadjiye mbuma teyi ya ebhombelo yamlu,. ³¹ Akha lengele masese madina, mpe ayi bhuka: bhokondji bhanhiko bhayana na mbuma dja dongodongo na Mogendja atomba mpe ayi hona teyi ya elanga. ³² Ekhe sandja djibho djike bhodjinhu bhobiya sandja susu; kasi djika pinga djika nyo sanza bhisaka bhitape dje mowe, na ndenge mbunhu bhakondake teyi yana. ³³ Ayibhuka nabhu na masese nadina: ngando ya nhika mpe ekhe ndenge moti dje mosisa ma mapa mpe mwanhi ona ayitombo mpe ayiyisa teyi ya kapo djisantu dja moteke mosisa moyi ma vimbisa moteke. ³⁴ Akongo abhuki na bhagendja ngando susu dja masese, mpe ayibha bhabhukia kho na masese, ³⁵ ayikokedja mubha mwa bhuka profeta: nayi nhupuwa monoko mande na masese, niapandjani mosambo bho mwa bhobha naka bhanda mwakoyi bho mokili. ³⁶ Nhingongo ayibhengana bhagendja, mpe ayiyingia teyi ya mongita mande. bhayekoli bhadindaka phanhi nande, mpe ayibhabhukia: bhukia me inso masese na ndjani dji bhehu aeyanga. ³⁷ Ayi bhahulidja: eki nakho akhohona mbuma djimpe, ekhe Mogbongi wa Mongai; ³⁸ Eyanga, ekhi mokili; na mbote epe, ekhe ngbongi nha moki nha nhiko; ndjani bhehu, ngbongi nha mindili; ³⁹ Monguna wa wona, ekhe mondili, bhobhuka, ikhi suka ya molongo; bhabho bhabhuka, bhake bhandjelu. ⁴⁰ bho, ndenge ya bhobhuka ndjani djibhehu mpe bhodjinhumba amosa, ebhe ndenge omoti asuka ya molongo. ⁴¹ Mogbongi wa Mongai alinda bhanzelu bhanda, bhasangise a bhakondji bhande bhagendja bhasusu bhainea simbisi na bhabho bhaidjanga bhobhuka bhosembo: ⁴² Mpe aye bhanhumba a fulu ya motó, mpe bhoya mpe na bhowaka mino. ⁴³ Nasim bhatu bhabho sembo bhaka ngala dje moi teyi ya mokili ma ya. motó obho akhe na matoi ma bhoyoka awoke. ⁴⁴ Bhokondji phanhiko bhokokani eyoma nha motiyo mobhombhana teyi ya elonga. mongindja ayinhisa mpe ayi bhamba; mpe, teyi ya esengo, ayateka nhisusu ibhoya nha ayi henda eyaanga. ⁴⁵ Bhokondji nhanhiko moyana na Mogendja wa mbemba mpe akha nhukana mayoka mapele. ⁴⁶ Ayinhisa ayaka mape ma motuya makasi; ayike bhoyengendja nhoma nhisusu anhaka nanhu, mpe ayi yenda. ⁴⁷ Bhokondji bhaanhiko bhoyana na ndjali djibho bhaka nhumbe ibho teya nhuwa enene mpe nsuu ndenge na ndenge bhagwa. ⁴⁸ Nhiluma, bhawe bhasu bhasuwa ndjali; mpe, nhingongo bhaike bhokanha bhaiko bhobha pele bhaabhayisa teyi ya miyata, mpe bhainhumba bhabhe bhapoki. ⁴⁹ Iyanha ndenge omoti asuka nha molongo, bhadjelu bhanhowa bhokabhola bhabhehu na bhabho bhapele, ⁵⁰ Mpe bhanhumba bhatu bhabhehu teyi ya mosa makasi, to yanha na bhoya na bhokoka mino. ⁵¹ Odjeni ngando djia susu? iyo bhahi widja. ⁵² Abhuka nabhu: akpulia eyomande, moteye ma mobheko akha wene obho amokili ma nhiko ndenge moti na Kumu ya wa ngando obho ayi bhenda ekondjo na nhoma nhiniye na nhoma nhagola. ⁵³ Ayimadja Akongo bhabhuka na masese, mpe ayekhé. ⁵⁴ Ayitobha iyo teyi ya ngando yande, ayibhanda bhoteya teya Sinagoga bhabho bhamowambaka bhayibhanda bhobhuka: adjonga bwanya na makhomwisi/ ⁵⁵ Iyo Mogbongi wa bhoko mabhaya? mpe nyango Marie te? Yacobo, Yodjefu, Simoni mpe Yuda, bhatike bhamanyango te? ⁵⁶ Mpe bhamanyango bhabhonhi bhatike nasu te to anhisa susu sanse? ⁵⁷ Enhaki ndenge yabhu ya bhokwasema me Akongo ayibhuka: profeta omoti bhokokite kokunha angando yandeti. ⁵⁸ Mpeko akoti makamusi manene te teyi ya ngando ena, akpulia bhanaki na bhoyambi te.