¹ Nangonga ena Akongo aiyo aeyanga mbuma dja mapa bhusa bha sabato. bhayekoli, bhayoka ndja bhaibanda bhobhaka mpe bhayeyaka. ² Bhafarizeo, bhaiwene, bhaibhuka nande: ene bhayekolo bhakakhó mokando mubho te bhokho bhusa maasabato. ³ Akongo ayi bhawidja: walangokaki te mubho mokoyi Dawidi, akho ndenge ayoka iyo ndja, iyo na bhanina nande; ⁴ Ayiyingia andake dja Mongai, mpe bhayeka mapa na bhumina nande, ndjakande elembeani bhowaka iyo na bhamina nande, ekhokake khó bhanganga nzambe bhowaka? ⁵ Zo alanga ti abhuku ya mobheko, bhusa bhasakhata, bhanganga nzambe bhahobhuka mobheko teyi ya eyise ya Mongai, bhatike na lisumu? ⁶ Ndjokande, nibhukheni, mokhande moikhe abho monyoi tempelo. ⁷ Bhakadjeani tina ya malobhama: niatomba moyema bhopele mpe te na makhabhó, yene bhotitidja bhangendja bhabho bhatike na mokando. ⁸ Ndjokande Mongbongi moto akhe Kumu wa sabato. ⁹ Akongo aidjohó ayiyingiateyi ya Senagoga. ¹⁰ Mpe nse, ayitana Mogendja na mabho eyomake, ayiyedjo Akongo: elingisani na bho moheledja bhusa ma Sabato? bhanukanake bho bha mutshonge. ¹¹ Ayi bhahulidja: nda teyi yanu bha khandolo yande ekwi teyi ya libheya bhusa bha Sabato, owake bhohifa mpe bhotomba? ¹² Ndjokande Mogendja anyoyi kandole bhahanhi! mainanga bhokohi bhoko Mogendja bhusa bha Sabato. ¹³ Nhingongo ayibhuka na Mogendja ona: anda ebho. ayitanda, ayitobha bhope dje mabho madina. ¹⁴ Bha Farizeo bhayi mpendja, mpe bhayi yokana bha mohowa. ¹⁵ Bho Akongo, abhomba tite, ayandinda bhohanhi nasi ena. Bhagendja bhanene bha motuleya. habhahedja bhasusu, ¹⁶ Ayi bhalembeya bhosombedja mosambho mande, akha bhowa bhokokedja bhuka ya profeta Isaya: ¹⁸ Nse mosaleli wambi ohoyimbi, wa bholingo nika asepe nande makasi. na motitidja molimo mambi. mpe abhukiani bhosembo ngando masusu. ¹⁹ Abhukianiti na Mogendja te, akpolowa tite, Mogendja nabho omoti te ayoka bhuka yande te teyi ya ndia. ²⁰ Mobhabhi mogumbame bhata mobhuka te, mpe mosa mokakhó bho monhime bhata monhime te, libhoso bholongidja bhagendja bho bhosomba. ²¹ Mpe bhagendja bhasusu bhanhya na elikia na nhina nhande. ²² Nhingongo bhaimo wenye Mogendja obho anhipani minso mpe atika bhuka, mpe ayi moheledja ayi bhanda ayi bhanda bhabhuka mpe bhowene. ²³ bhagendja bhasusu bhaikamwa: obho atike wana dawidi te? ²⁴ Kasi bha Fraizeyo, bhayiyoka, bhayibhuka: Mogendja ona bhowa akabhengana mindili na ngunhu ya Berzebuul, Kumu wa mindili. ²⁵ Akongo ajde maleni mabhu, aye bhuka nabhu: ingakho bho Kumu bho moti bhokakwane bhokumu bhande bhateyena te, mpe bhagendja bhangando omoti to eyise emoti bhaka gbana ngunhu yabhu ekasia. ²⁶ Mondili akhasa mondili, akakha bhakumu bhande bhoyene? ²⁷ Mpe mbi, naso mindili na Berzebule, mongongi wanu bhabhengana mindili na bhanda? bho bhene bhanha bhasabhedje bhanu. ²⁸ Engabho, molimo ma Mongai mwa bhegana mbi na mindili, bhakumu bha Mongai bhotobhi phanhi nanu. ²⁹ To ndenge nini Mogendja omoti akhoki bhayingia ateyi ya eyise wa Mogendja wa ngunhu ayebhaa nhoma nhande, ingakho anopeyi ti Mogendja abho wa ngunhu akhobhi bhayibha nhoma nha eyise. ³⁰ Obho atikenambi nsie moti te aki monguna wambi, mpe obho atika sangana nambi nsie emoti te nia bhapandja. ³¹ Mainanga nibhukeyini: musumu na mibhoki bhisusu bhialimbisami na bhagendja. bhobhako molimo mosantu muta limbisama te. ³² Obho abhuka bhobhehu na Mongongi wa Mongai, elimbisama; obho akabhuka bhobhehu na Molimo Mosantu, bhata molimbisa te teyi ya bhiyanga na bhiyanga Amen. 33 To bhakabhuka bho me muwa moke bhopele mpe mbuma djiana iya nha kho bhopele, bhakabhuka bhukha bho moemwa moke bhobhehu mpe mbuma djianhako bhobhehu; ndjokande odjeni meowe mambuma. ³⁴ Ngbongi ma ndjóo akpulia ye okha bhakaa ngando djipele, bhokendjwa ndenge yabhu? ndjokande mpe bhuka epundji amwema mabhu mpe monoko mayi bhuka. ³⁵ Mogendja bhopele anhako nangando pele amakanisi mande, Mogendja wakendja anhako na ngando bhehu na djebhehu a mwema mande. ³⁶ Nibhuki nanu: bhusa bha bhosambedja, bhagendja bhahedjo bhagendja na bhuka ebhe maiyi bhuka ibho. ³⁷ ndjokande bhuka yabho ya bhalongidja, mpe ya bhatiledja. ³⁸ Bhagendja bhadi bhateyi bhamibheko na Farizeyo bhayi bhuka nande ekhapa ewene makamwisi. ³⁹ Abhawidja: libhota nhia bhatu bhabhehu bhagendja bhabhopa phanhi bhabhato bhaka yedjo makamwisi; bhaneani elembho ya profeta Yonas. ⁴⁰ Ndjokande, nandenge Jonas akho masu masantu mpe mabhu masantu teyi ya sopo dja masu monene, na Mogbongi wa indo ayikho masu masantu na mabhù masantu teyi ya ndebha. ⁴¹ Bhagendja bha Ninive bhayema nsio emoti na bhagendja bhagonga ena, bhusa bhabho sambedja bhabhatitidja bhagendja bhaninive bha hombedja mwoma akpulia mateya Yonas; Mogendja anhaki ha bho bhia Yonas. ⁴² Kumu wa mwanhi wa midi ayema nsio emoti na bhagendja bhagonga ene mpe abha titidja adjongi nanse ya ndebha akpulia bhoyoka bhwonya bha Salomo mpe mogindji mokiha anyoi Salomo. ⁴³ Bho elimo mbindo epunzi amokuhu ma Mogendja, akha somba somba bhonukana nsio ya bhohema, mpe atanhisa tite. ⁴⁴ Nabhowa ayibhuka: nahula teyi ya eyinse to ayidjonga mbi; mpe, ayitobha, ayitana edjegi, ayiyombo mpe ayebhogendje. ⁴⁵ Ayikhe, mpe ayitomba nande milimo sambo bhakendjo bho mobhiyo; ayingia teyi ya eyinse, bhanha, Mogendja obho ya nhingo ngo anha moyindo mande bhobhiyo. obhowa libhoso eyanha na bhabho bhanhowa nhingongo bhakendjwa. ⁴⁶ Ndenge Akongo anha nhabhu nsio moti, nse, nyongo na bhamanyango, bhanha tiambho, bhonukana bho bhabhuke nande. ⁴⁷ Mogendja omoti ayebhuka nande: nse ngowa na bhamangwa bhaki tiambo, mpe bhaka mukanakho bhabhuke nawe. ⁴⁸ Akongo awidja Mogendja ona: ima ndá, mpe bhawana ima bhanda? ⁴⁹ Iyo, ayihanda ebho likolo ya bhayekoli, ayi bhuka: nse ima mpe bhawana ima. ⁵⁰ Ndjokande, Mogendja akho ponsa ya yáa obho akhi teya nhiko, onhabhowa akhe ngianambi, mpe mwana ima ya mwanhi mpe ima.