¹ ya madja Akongo bhonea mibeko na bhapostolu bhande zomi na bhabhale, aikhe habho, bhobha teya mpe bhobhalakisa teyi ya ngando mpe mokili mobimba. ² Yowane ayiyoka bhaibhuka teyi ya bholoko mokando ma Akongo ayibhuka na bhayekoli. ³ Ekhe nhobho akanhowa, to obho okho mwamba na omoti? ⁴ Akongo ayi bhawidja: khe obhuke yoane mubho moyokha inho mpe na mwene ino: ⁵ Bhatu bhalolanda bhaiwene, bhatengweki bhayisomba, bhamaba bhaihelaa bhanhipanake matoi bhoyiyoka, bhakwake bhaisusuwa, mpe bhamawa bhaiyoka mosambo bhopele. ⁷ Ndje ekhakhe inso, Akongo ayibhuka na bhagendja, amonkando ma Yoane eyomande Yawene ino a Kuma? mobhobhi maka liganaa mopepe? ⁸ Bho, bhanda bhakakée bhokhawene? Mogendja awayi bhopele bhanha teyi ya bhiense bhabhakondji. ⁹ Bhongo wakeni bhoka khoiye? mosakoli? iyo anyoi bha sakholi bhasusu. ¹⁰ Ndjokande iyonga akomi: nse, nieni nilindi Toma wambi libhoso nhande, akpulia bhobhogendja ndjia libhoso nhande. ¹¹ Nhika bhukiani bhosembo, teyi ya bhogendja bhobhotani na bhanhi etike nomoti aike mosuku wa Yoane mobhatisi. ndjokande, akhe bhotshenhu teyi ya ngando ebhe yanhiko mpe ekhe bhonene bhobhia iyo. ¹² bhanda masu ma Yowane mobhatisi tée bhendo, bhayingia abhakondji bhanhiko nabhiya, mpe bhatu bhanghunu bhayingia hóo, ¹³ Ndkokande bhatiye bhasusu bha mobheko bhasakowa tée na Yoane; ¹⁴ Mpe, okhapa yokanimbi, iyo akhe Elia obho anhowa ibhi. ¹⁵ Obho akhe na motoi akpulia bhoyoka ahokhe. ¹⁶ Bhagendja bhalende bhake dje bhanda? bhakidja bhagendja bhabho bhaké teyi ya django, mpe bhaka bhelela na bhanina nabhu, ¹⁷ Ebhoneni ino filili, khati bhabhuweniti; eyembeni bhiyambo bhalilaka mpe ayitini te. ¹⁸ Ndkokande Yowane mpe ayeaki, akalite mpe anungakiti mpe abhukaki te bhayi bhukabho akhe na djabhulu. ¹⁹ Mongbongi wa mogendja ayi nhowa, bwaka mpe bhanhunga, mpe bhayi bhuka: akhi na bhwaka mpe na bhununga bha masumu. ndjokande bhadjea bhande bhowenene solo na ngando djande. ²⁰ Aye bhanda bhagengeya bhagendja bhabho bhakokoyi maakaamwisi pambe yabhu akpulia bhahombedja mema te. ²¹ Iwa yawe choraze! iwa yawe betisaida! ndjokande, makamusii mama khóo mbi teya teya mpe teyi ya sedon, dje bhahambedja mema, bhowa saki mpe na bhowa singa mihúu. ²² Mpe akpulia bho nibhuki nanhu: na bhusa bhabho sambedja teyi mpe sido iyanha makhasi bhobhiya djanu. ²³ Mpe we, Caphernaume, bhatambola nhiko? te bhatitidja bhusa bhewe wagwa; ndjokande, ingabho makamwisi mayé makamene angando yawe dje mabho mayi khomene teyi Sodome, njde obheya te bhendée. ²⁴ Mpe akpulia bho nebhukieni: bhusa bhabho sambhedja, ngando ya Sodome yabia yande. ²⁵ Nangonga ena, Akongo ayitomba malobha mpe ayibhuka aye mukumisa, sango, Kumu anhikho mpe andebha, bho aye bhombeya ngando bha bwanya na mayele, mpe bhowenedje gbongi. ²⁶ Iyo, ya nika khumisa nandenge epaliwe bhowa. ²⁷ Ngando susu ibho dje anea iyo na sango, mpe Mogendja omotite adjeiti Mongbongi, akho ya; Mogendja omotite adjei ya, akho wana mpe Mogbongi alakisa. ²⁸ Nhowani pamba wambi, ino bhasusu bhayembi mpe owai muna, mpe na nianekani bhó hoheneni. ²⁹ Wani muna mwawadjani mbi mpe adjuwe mateya mambi, ndjokande akhi bhopeta mpe bhosawa a mwema; mpe ino wanhisa bhoyema akpulia molimo manu. ³⁰ Ndjokande muna mambi mwanha pete, mpe mokhumba mnahi bhemu.