¹ Nhingongo, ayebeya Bhapostolu ayibaneya bhokondji bhabho bhengona milimo mibhehu, mpé bhoheledja bhipeko ndenge na ndenge. ² Nse mina ya bhapostolu zomi na bhabhale. Wa nhibhoso, Simoni bhayi mobheya Petelo, mpé Andrea, na moso wande;Yacobo, Mongbongi wa Zebedeo, mpé Yowane, na moso wande; ³ Filipo, mpé Bhartelemi; Thoma, mpé Mateo, wafutisi bhapaako; Yacobo, Mongbongi wa Alefeo mpé Tadeo; ⁴ Simeoni mokananite, mpé Yuda Iskarioti, obho wa wowoa Akongo. ⁵ Abha zomi na bhabhale Akongo abhalinda, aayibhaanea mibheko mibho: tokeni pamba ya bhaphagano te, mpé toyingeni teyi ya ngando ya Samarite; ⁶ Kasi khene pamba ya Pata ebhe ya bhunga angando ya israeli. ⁷ Kheni bhukani: bhokondji bha Akongo bhotobhi phani. ⁸ heledja bhipeko susudja bhatu bhagwa, heledja bhamaba bhengani bhadjubulu. Ino bhohanisani edjegi, neaa edjegi. ⁹ Totombe wolote, mpé palata na makuta to mbemba te; ¹⁰ Libhenga ya bhosomba nayu, mpé bhisindjaa bhibole te, bhikoto te, engbongbo te; moto ya elomo abhongi múu. ¹¹ Teye ya bgata ya ngando ebhe ya yingianu yedjoni bhagendja bhaningi djeni; yanha pamba yande te bhusa inso bhaiso hahula. ¹² Yayingea inso aeyise bhanea ebho; ¹³ Mpé okotobha angando ena bhakayamba oye mapamboli háa; bhayambi tite ohle na mapamboli manu. ¹⁴ bhobha yambi tite mpé bhandimi te maleya manu te, pundjani aehise ena to angando ena mpé pupulani mabho manu. ¹⁵ Nebhukeini na bhosembo: pendja na bhusa bhabho sombedja, angando ya Sodoma na Gomoro bhanhisa etumba bhobha ngando ebhe edina. ¹⁶ Se nelindini ndje meme teyi ya nsowa. nha na bhokebha khebha dje ndjó bhonha bhode dje ndjó. ¹⁷ Kebhani na bhagendja; ndjokande bhaka bhani abha zuzi, mpé ino bhakutani fimbo teyi ya Sinagoga yabhu; ¹⁸ Bha bheyani, akpulia mbi, nhiboso nha bhayangeli na bhakondji bhanene akpulia bhosakho ngando djambi mpambe yayibho mpe bhapagano. ¹⁹ Kasi bhaka peani, tobhangeni te na ndenge ya bhosamba mpe bhobhuka bhanu akpulia ngonga ena wadeani iyoma ebhe ya bhuka Yéno; ²⁰ ndjokande ino bhenhe bhota bhukani te, mpe ekhe Elimo ya ya iyo ya bhuka nanu. ²¹ Ngiana awedja manyango, mpe yá atekawana; bhana bhakendjwa bhabhoti mpe bhabha wedja. ²² bhayenani, anhinha nhambi; bho moto obho ayisa molende te asuka ahela. ²³ Bho bhakabengana angando ebhe tiyani angando edina, nika bhukiani bhosembo, bhota madjeni bhotobha te amangando masusu ma Israeli bho mwana wa moto anhowa. ²⁴ Moyekoli atanyo molokisi wande te, nosaleli atanyo mokondji wande te. ²⁵ Ekhoki na moyekoli bhotobha dje molakisi wande, mpe mosaleli dje mokondji. inganho bhaka bheya mene eyise Belzebul bhabhoko bhagendja bhalibhota bhande okho bhowa! ²⁶ Bho tobha bhangeni te; ndjokande eyaina etike ya khobha bhombha mubho mwa bhombana mwa djeana. ²⁷ Mubho mwasakwa mbi teya bhúu mobhuka na moyi; mpe mubho nibhukanu amotoyi molondo ma eyise mayoka. ²⁸ Tobhangete owa okubu me otawoa molimo te tobhabhanga ibho te bhanga obho wa nhumba mokuku na molimo hoho alifelo. ²⁹ bhakokiti bhoteka mbunhu bhabhale? motiyo bhotshenhu te ndjokande, mbhunhu atakwa andebha te sangwanu andimite te. ³⁰ Mpe siwe djamo susu bhadjinga. ³¹ Bho tobhangeni te oyoni mbhunhu bhanene na motiyo. ³² Akpulia, mogendja wandimani amiso ma bhato, mbi na mondima pamba ya anhikho; ³³ Mogendja obho anganani amiso ma bhagendja, mbi mpe mamangana iyo pamba ya anikho. ³⁴ Toningenho nhinhoini kimia amokili; ninoiti bhonyea kimia, kasi mopanga. ³⁵ Nhinoyi te bhobheyidja linyango na wana na sango, teyi ya wana wanhi na nyango, teye ya wanhi na bhokiyo bhande; ³⁶ Bhanguna bha Mogendja obho bhamanyango mene. ³⁷ Mogendja obho akhapa sango te nyango abhongiti ba mbite, mpe obho akhapa mwana momi to wana mwanhi bhobhia mbi abhongiti na mbite; ³⁸ Mogendja obho awa Kuruse wambi te mpe odjwini te atike wambi te. ³⁹ obho abhungidja bhomoi bhande, mpe abho abhungidja bhomoi bhande mokando ma mbi abho wulidja. ⁴⁰ Obho ayambi ino ayambi mbi, mpe moto ayambi mbi ayambi moto alindi mbi. ⁴¹ Mogendja ayamba Profeta anha Profeta anhisa lifuta nha profeta, obho ayamba moto wa bhosembo anhisa lifuta nha bhosembo. ⁴² Obho akanye khopo ya nhuwa ya bhode ayike omoti na Mongedja wa bhotshenhu akpulia akhe moyekoli wa mbi, nibhukeni bhosembo bhanisa lifuta.