¹ Akongo akhondi abwato, ayeka ngambo, ayike angando. ² Ayiwene, iyo ayiwene bhayi moweye mongendja obho abhukiani aye sama nhiko nha kitibwala. Akongo oyi wene bhandima bhande, iyo ayobhuka na mongendja abhukiani makolo: nha na ngunhu masumu mawe malimbisami. ³ Eyomande, bhatiyi bha mobeko bhaka bhuka bhuka teyi yabho: mangendja ona ayikho masumu. ⁴ Akongo adjeyi makanisi mabhu, ayi bhuka: akpulia eyomande okimangando bhehu ameme manu? ⁵ Ndjokande, eyomande ebhi epekho, bhabhuka: masumu mawe malimbisi sami, tó bhobhuka: ema, mpe sambha? ⁶ Bhó, odjeni mongbongi wa mongendja akhe akpulia bholimbisa masumu: djowo we, ayibhuka na mogendja obhukiani makhó, tomba mbeto yawe mpe handa aeyinse ya we. ⁷ Ayehema, mpe aikanda aeyinse yande. ⁸ Abho bhagendja bhayene bhowa, bhayebhanga makasi, mpe bhayi kumisa Mongai, ayenea bhagendja bhokondji. ⁹ Na bhowa ayiyene na bhohanhi, Akongo ayiyene momi akilo, mpe iyo ayi mobheya Matiya. ayi mobhukia: djuni momi onha ayi hema mpe ayi madjuwa. ¹⁰ Ndje Akongo anhaka amesa teyi ya eyinse nhande, nse bhagendja bhanene bha maseimu bhayinha nsio moti a mesa na bhaopstolu bhande. ¹¹ Yawene bha Farizeyo bhowa, mpe bhayibhuka na bhayikoli akpulia eyonda Kumu anha akahaka na bhafutise mpako mpe bhangendja bha masumu? ¹² Akongo ayihoka, iyo ayibhuka: bhagendja bhabho bhakina mokuku bhopele bhosenge liti na monganga te, bhabho bhaki nabhipoko. ¹³ Kheni, mpe kheni ayekoleni tena ya egindja ena: nipai bhagendja bhamema bhipe, mpe te bha makhaabho. ndjakande ninhati mokando bhagendja bhasemba te, abha masumu. ¹⁴ Inso bhayekoli bha yowane bhayi nhowa phani na Akongo, bhaibhuka akpulia inso wafarizeyo bhakahe ndja mokandonde bhayekoli bhawe bhotikahe ndja te? ¹⁵ Akongo aye hùndja: bhamina ya momi bhabho bhalongani na enye bhakoki bhoko lilaka tango ebhe momi, mpe bhukake ndja. ¹⁶ Mogendja omoti te atatomba esendja ya gala ayebhambe na esendja eniye; ndjokande atatombha esendja ya gala ayibhambe na esendja eniye bho ayesuwaka esendja enye linhusu linene. ¹⁷ Ti bhayise vino inyiye akhopo ya Galate: akha khoni bhowa vino ehala khopo mpe esosiane; bho insa vino teya khopo iniye, eya bhoneana bhope mpe vino kopo ya bhaneana bhope. ¹⁸ Enhaki yo bhobhuka nabhu, nse, Kumu omoti ayitobha ayi mogumbamela nhibhoso nhande: mwanambi agwi bhonhebhe nhowa omoyese mobho, mpe ahela. ¹⁹ Akonga ayihema mpe ayi motuteya na bhayekoli bhande. ²⁰ Mpe ayiwene wanhi omoti anhaka na epekho ya makiya bhiyanga djomi na bhibhale ayepusa nhingongo nha esendja nhande, mpe ayipeya esendja nande ona nhingongo. ²¹ Ndjakande ayabhukia iyo mene: nika peya esendje yande, niya hela. ²² Akonga anse nhingongo, mpe ayibhuka, ayi mowene: nha na ngunhu, mwana mbi wa mwanhi bhayambi bhawe bho heledji mpe mwanhi ona ayihela na ngonga enha. ²³ Yatobha Akongo ahe inse ya Kumu omoti, mpe ayiwene bhabhoma felele mpe bhagendja bhasusu bhalioka makasi, ²⁴ Iyo ayibhuka nabhu: awidjani: ndjoka nde mwana wa mwanhi agwititi, aye iyo, mpe bhayi moseka. ²⁵ Ntango bhahifayo bhagendja bhasusu, iyo ayingia ayipeya ya mwanaa mwanhi ana mpe ayehema. ²⁶ Mosambo moyi sombha mokili mobimba ²⁷ Yadjóo Akongo hóo bhagendja bha lolanda bhaitutiana nande, bhaiganga mwana wa Dawidi! ²⁸ Iyo atobha angando bhanhipana miso bhotobhaki phani nande, mpe Akongo ayibhuka nabhu: andimi bho nhoki bhokho bhówa iyo Akongo ayi widja bhowa ²⁹ Sika bho ekamene nanu dje ebhuki ino ekomene nanu dje eyambi ino. ³⁰ Mpe ibho miso mayi nhupwana. Akongo ayibhuka nabhu bho mogendja omoti te adje. ³¹ Kasi abho ya pundjaa ibho, bhayisombedja mosambo mande mokili mobimba. ³² Tango yakeke iyo, ayiwene, moto wa bhazabolo ta bhuke. ³³ Akongo obhengana mondili na obho tabhuke mpe aye bhanda bhobhuka: bhagendja bhasusu bhayi kamwa yeneki mebho te a Israeli. ³⁴ Kasi wa Farizeyo bhaiye bhuka Kumu ya bha djubhuka. ³⁵ Akongo asombhaka ngando masusu bhoka te teye yasina goga bhoteya sango malamu, mpe bhoheledja bhagenda bha bhipeko bhisusu. ³⁶ Yawene iyo bhagendja bhanene bhowa abhayokela iwa, akwiya bhayembe bha iyiheka, ndje bhapata bhadjangi moke ngeli. ³⁷ Ayibhuka na bhayekoli bhande: mbuma dji eluma aeyanga bhasoli bhatike bhanene. ³⁸ Bhango ayiyaa na mene eyanga alindi bhasali bhaka bhuka mbuma.