¹ Bha Farizeo mpe bhateyi ya mobeko bhakhé a Yeruzalema phanhi na Akongo, mpe bhayibhule: ² Akpulia eyomande bhayekoli bhawe bhatika tosa mibheko ma bhakako? ndjokande ibho bhatike nsosa mabhote, ngonga ekha yoka bho nhia nabho. ³ Abhawidja: mpe ino, akpulia ye ino bhakabuka mobeko ma Mongai akpulia bhotosa mobheko ma Mongai mokando modjongi nanu? ⁴ Ndjokande Mongai ayibhuka: sangwa na ndowa; mpe: obho atosi ti sango to nyango bhamowo. ⁵ Kasi ino, wabhukani: akabhuka na sango to nanyango nhoma nhibho nhikokoki na neani na bhozela na Mongai, bhomo kumisa sango to nyango. ⁶ Ino anganini bhongo bhuka ya mongai angando djanu dja bhokoko. ⁷ Pitshiko, saya asakwa bopele nanu, siyo abhuka iyo: ⁸ Bhato bhabho bhakakumisa mbi, mwema mande ekhe bhohaanhi na mbi. ⁹ Ekhe edjegi na bhokumisa mbi, bholokisa obho aningidja mibheko bha bhagendja. ¹⁰ Akongo abhabheya bhagendja pambha yobhu, abhuka nabhu: akhani, mpe landani. ¹¹ Eyoma eyingeyi teyi ya monoko etatobhedja Mogendja mbindo te; ebhe epundji amonoko yato bhedja Mogendja mbindo. ¹² Bhayadinda phanhi nande, mpe bhamukia: odjebho bhuka yawe mayokisi wa Farizeo bhobhehu? ¹³ Iyo ayi widja: mée misusu miyona ti yá te bhamibhukuwa. ¹⁴ Bhayeni: bhake na madjipi obho akosombedja bhabho djipi; obho wa bhadjipi akasombedja wa bhadjipi, bhakwa bhasusu bhabhale teyi ya libheya. ¹⁵ Petelo, ayebhuka ayibhuka: bhukiani masese. ¹⁶ Mpe Akongo aye bhuka bhenhaebhe bhatike ni na mayele te? ¹⁷ bhatika djea te susu djibho nika yingia teyi ya monoko nika nyóo teyi nsopo, mpe bhanhunha akabhine? ¹⁸ Ebhe epundji amonoko yanyo amema, mpe ekha bheyedja mogendja. ¹⁹ Ndjokande teyi ya mowema yanhowa na mokando mobhehu, bhawohi, bhasuku, pete, hubha, mokando mobhehu, lokuta na sangisangi. ²⁰ Se ngando ekabhehudja Mogendja; bhawoka na bhowa sosa mabho te; etabhedja Mogendja mbindo te. ²¹ Akongo, ayidjo ayibhe amokili, toro na mpe sidoni. ²² Mpe se, mwana mwanhi wa kanane, bhaitana, ayingonga: yokea mbi iwa, Kumu, Mogbongi wa Dawidi mwana mwanhi wambi akakpo lowa na mindili. ²³ Ayiwidja nako bhuka emoti te, mpe bhayekoli bhaidinda phanhi, mpe iyo abha bhukia na sikisiki: djodjo ona, ndjokande akakpolowa lingongo nasu . ²⁴ Abhawidja: bhalindani mokando mapate mabhunga ma ngando ya Israeli. ²⁵ Kasi mwanhi anha bhowa ayi mogumbamela, ayibhuka: Kumu, sungani! ²⁶ Ayiwidja: ebhongi te otombe mapa wagbongi, mpe anhumbeya bhana bhanwa. ²⁷ Iyo, Kumu, mwanhi ayibhuka, bhana bha nwa bhayaka mpumbulu amedja ma kumu wabhu. ²⁸ Akongo ayi bhuka nande: wanhi bhoyambi nhawe bhoke bhonene; ekhomenee dje ehongi we. Mpe, na mwana mwanhi onabhowa aayi hela. ²⁹ Akongo ayikhe nsio ena, mpe phanhi na nhuwa ya Galilea mpe ayi khonda nhiko nha ngomba, ayinha. ³⁰ Bhaya dinda phanhi nande na bhagendja ebhele, bhabho bhaka tengwe, na bhabha djepi, na tebha bhuke, mokuku mande motika loma, mpe bhanene na bhipeko. bhanha nhiboso bhande, mpe abhaheledja; ³¹ Bhagendja bhanene teyi ngando bhakamwa na bhowene bhubhu bhayi bhukaa, bhagendja bha mokuku nande motika loma, etengu ayi somba, wa bhadjipi ayi wene; mpe bhaikumisa Mongai wa Israeli. ³² Akongo abheya bhoyekoli bhande, abhuki: niki na iwa akpulia bhagendja bhabho; ndjokande ene masu masantu bhakiko phanhi mambie mpe bhanhisi ti eyoma ya bhoyakake. nikokiti bhabhahanedja ndjáa te, bhake bhokwa na ndjia. ³³ Bhayekoli bhaiyibhuka: yakho motindo nde teya kuma bhowakedja mapa na bhato bhanene bho? ³⁴ Akongo aye bhahedja: okhina mampa ndjeka bahyi huledja bho bhake sambo, mpe ndombo ya nsu. ³⁵ Ailinda bhato bhanha andebha, ³⁶ Ayitomba mampa bha mpe na nsu, mpe ayesambela, ayitomba mpe ayenyeya na bhayekoli, bhagba na bhagendja bhasusu. ³⁷ Bhagendja bhasusu bhayiyaka mpe bhayi gola, bhaye yandowa miyate sambo na ndambo ndambo nanhiha nhibho ya nhikaka. ³⁸ Bhabho bhayi yaka bhanhaki koto zine bhotanga bhanhi na bhanate. ³⁹ Nhingongo, ayeyanidja, ayikondo teyi ya bwato, mpe ayehanda teyi ya ngando ya Magadar.