¹ Okhobwa, Melekisedeki, kumu wa saleme, nganga wa Mongai obho wa nhikho, iyo akhée liboso nha Abalam mpoko ayuwa yo abholonga makumu, ayi mobenisa, ² Mpe nande Abalama ayinea moko na djomi nasusu, iyo akhemé kumu ya bhosembo nhingongo nha bholimbhola nhina nhande, kumu wa saleme, ekhedje bhobhuka bho kumu wa bhoboto, ³ Atike na sango, nakho nango, nakho bhotata yande, iyo atike ne ebhandeli na bhusa naka suka ya bhomoi, kasi iyo alumi na mongbongi wa Mongai, ekhe Melekisedeke akhe nganga wa libhela. ⁴ Lokumu ndjeka ekhe enene nhabho tata Abalama wanea moko na ndjomi dja nhipe. ⁵ Ibho ngbongi dja lewé bhaka kho bhonganga djabhu, nhingongo nha mobeko, motindo mabhoifa moko na djomi nhiko nha bhagendja, ekhe dje bhobhuka, nhiko nha ngiana djalu djokande bhake mosopo ma Abalama; ⁶ Mpe iyo obho anhakiti litungu nhabu, ayibhasa moko na djomi nhiko nha Abalama, mpe iyo ayibenisa obho wabhuni bho mibhuna. ⁷ Ndjokande etike na bhohombedja obho wanase obesami nhwabho wa nhikho. ⁸ Mpe abhó, bhabho bhakadjwa moko na djomi bhake bhagendja bhagbwake, kasi hóhó, ekhe nhobho eyeneni aike na bhomoi. ⁹ Obho onyoi, levi, anhisa moko na djomi obha bhofuta, akpulia, bhobhuka na Abalama; ¹⁰ Bho anhaka teyi mosopo na sango, bho Melehedeke anhaka liboso nha Abalama. ¹¹ Inhako wa bhasembo obho enhaki bho pete bhonganga bha Levi, nhakina ya nhiko nha bhayinei nha bagendja, bho enhakaki iyo nakina ayifa odi ngonga dje motindo ma Mesehedeki, mpe koti dje motindo ma Aro ? ¹² Ndjokande, bhonganga bha kahombedje bhonganga, menemene ikhe na bohombendja bho moti bha mobeko. ¹³ Obho nanda nhoma nhibhuki bho nhike nhanhikinde Lidi, etike no moti wabhu waloma a lotale; ¹⁴ Ndjokande iyo akedondoyi Nkumu yasu apundji Yuda, litungu libho Moise abhukoki te akpulia ibho bhasei bhonganga. ¹⁵ Mainanga moitobha mene mene nokina, phoko ya phundja nganga odima aiyana Mekihedeke, ¹⁶ Bhoyisa, kati nhingongo nha mobheko motindo momoti ma makia, kasi dje nagunhu emoti bhomoi bhotagwa te; ¹⁷ Ndjokande litoli nhibho nha mowidja : we oke nganga akpulia libhela dje motindo ma Melehedeke. ¹⁸ Ekhena bhowowa mobheko momoti moteyi, angbanga bho motobi edjegi mpe motike na litomba, ¹⁹ Ndjokande mobeko mawati abho sembó, mpe ebhandeli emoti epe elikia, ya inso na inso etobhi phanhi na Mongai. ²⁰ Dje iyo ena alapatite, ²¹ Ndjokande, pokho ebhe bhalende bhatoba bhanganga kati bholapa, Akongo átobha na bholapa na abho wa bhuka nande : kumu ailapa, mpe atawidjate okhe ngonga akpulia libhela, dje motindo ma Melehedele. ²² Akongo akhe obho wa kese nhinango nhineyi nhimoti bhobia bhope. ²³ Yanhaka na bhanganga na mwango monene, angbanga ya Yogo ya bhalendeaka bho bhanha panhi. ²⁴ Kasi iyo, angbanga iyo aeyeme libela na libela, ayike na elomo ebhe ata eneyate. ²⁵ Ekhe lokola akpulia bhobho iyo abhonge bhobhayeledja libhela bhabho bhakadinda na Mongai pamba ande, ayene masu masusu nha bhomoi akpulia bwa bhela. ²⁶ Inso esengelaki, na bwene nganga mohondji omoti dja ande, mosantu, mokandote, mbindo te, ayegbana na bhasumuki mpe aya bhasa bhobia nhiko, ²⁷ Atike na posa, djo bhangonga bhakondji, bhabhondja masu masusu, mée akpulia masumu mabhu mene, lingongo akpulia mabhó ma bhagendja, ndjoka nde ekibho akho, mbala emoti ndjoka nde iyo akho edjange emoti akpulia bhasusu bwakaba iyo mene. ²⁸ Sika abho, mobeko moyisi banganga bhakondji na bhagendja amokando ma bhotawi; kasi bhuka ya bholapa ebhe ekhomene nhingongo nha mobeko moyisaa Mongbongi, obho eyike mosantu libela na libela.