¹ Zina ebhe ya mhubho monhoe bhobhuka, ekhe bho inso ekhe na Mokondji omoti wa kabha, obho akhe anhayi anhebhami nha enhiye ya ngwende obho akhe tiyi ya nhiko, ² Dje mosaleli aseye esantu mpe obho wa menemene teyi ya lotolo, ebhe epikami na Nkumu kati na Mongendja omoti. ³ Nganga mokondji masusu ayesami akpulia bhonea mabondja mpe makabho; tó iyo akhe na litomba obhobho akoki bhonhea loma nhidi lokola. ⁴ Inhako anhaki nhiko nhandebha, iyo akhakiti bhanha nganga te, akpulia obhó ohó bhake na bhabho bhakanhea mabhondja ⁵ (Bhobho bhakoyi lisambho limoti, elilingi mpe esii yanhoma nha nhiko djebho Moise akho na bhosantu mpoko yakokayo akhekhe bhoka yowa ema : enha bhongo, iyo ayiko nande, bho akho susu nhingo ngo na bhokopo bhubho bhamaningidja yo nhiko nha mokonhi). ⁶ Kasi bhinhe bhe kasi iyo adjwé mosala momoti moke nhikho iyo akhe abhukenhi walinhango nhimoti bhokia nhibho nhayika iyo nhiko nha nhamabuna mapele. ⁷ Ekhe bhowa, inhako nhinyango nha liboso nhanhaka te libhehu, yanhakati natina ebhe ya bhoyisa edi. ⁸ Ndjokande yanha sio moti bhuka emoti ebhe ya kendjwa bho Nkumu abhuki na Israëli: nsé, masu maka nhowa, Nkumu abhuki, sase mbi nakho yibhi sie moti na eyise ya Israëli mpe na eyise ya Yuda nhinyango nhi moti nhiyiye, ⁹ Kati dje linyango nhibho nhiasambi sie moti na bhasangwabhu, bhusa oho ya bhapeyambi na ebho akpulia bhobhako bhohifa angando ya Egypito ndjokande ibho bhalendati teya ya linyango nhambi, mpe mbi lokola na leneti akpulia abhu, ebhuki Nkumu. ¹⁰ Kasi nsé linyango bho niakho yibhu seye moti na eyise ya Israëli, nhingongo na masu mia, Nkumu abhuki : na yisabhi mibeko mambi teyeya elimo yabhu, mbi na mibhoma ibhi teya mwema mabhu; mpe na nha ibhi Mongai wabhu mpe ibho bhanaibhi nhitungu na mbhi. ¹¹ Etikhe na omoti wa teya aminande, nakho ngiana omoti te na bhobhuka: odjeyi Nkumu! ndjokande bhasusu bhadjea ebhi mbi, bhotangia obho wa bhotshenhu, na bhasukidja akhe bhonene bhoba teyi yabhu; ¹² Angbanga bho mbi nialimbisaye bhi bhobhehu bhobhu, mpe mbi nitalene ibhe masumu mabhu. ¹³ Nabhobhuka: linyango nhimoti linyiye, iyo hahedjo nhaliboso na bhahe; ndjokande, ebhe ya bhahe, ekhi eyembeki, ekhe mpanhi na bholimwa.