¹ Akpuliana, eyeme mateya malibhoso ma Klisto, tehule nhea mateya mabho ma eebhandele te, mateya ma bhongona masumu na bho mayamba nbhondima bha Mongai, ² Bhondima bha Mongai, na bhotata ma bhatisimo, bhamandeaa mabho, bho susuwa ma bhatu bhagwake, mpe bhasambedja nha Mongai. ³ Yakhó Mongai akhaepaedja. ⁴ Ndjokhande eyike nhikaka bha bhabho bhanhaka mbala emoti na mitandanda, bhabho bhainhenhe bhabho bhainisa Elimo Santu, ⁵ Bhakho bhanhenhe bhuka epée ya Mongai mpe ngunhu ya bhianga bhika nhoa, ⁶ Mpe bhabho bhakwi, bhakundola na kina mpe bhakée bhokatubela, angbanga bho ibho bhakaki akpulia ibho bhene bhakabi Mogbongi wa mongai mpe bha mohohedja bhosoni. ⁷ Mpoko ndebha djika yoye koma bhogaga nhiko nhande, mpe aka ifa ndjani dja litomba na bhabho bha khaona, eyéningidje mongai apaambwoyi; ⁸ kasi bho iyo ayifi djubha mpe na ndjenhi, bhadjeye mpe enhi na bhobele, mpe yasuka bhoyisa mosa. ⁹ Inso ebhukaki na bhapani, inso iyoki, akpulia djibho nise ino lomo nhipe mpe nhibhongoke oho alobhiko. ¹⁰ Ndjokande Mongai atike na bhobhe, akpulia bhosa mosamawe mpe bholingo bhubho bhoningidji ino akpulia nhina nhande, owidji mpe owawidja nakina mosáa ohóo wa bhasantu. ¹¹ Inso epayibho omoti nanu aningidje bhokopo ndenge omoti bhobhomba asuka ya elikia, ¹² nandenge bho na ibho tebhayife te, okhoni bho pabhohokwa bhabho bhande, na bhoyambi mpe na molende mpe na libhuna. ¹³ Mpoko mongai ya bhunia Abalama libhuna, akokite bholapa etike na obho mobhi na bhonene bholapa atike te, iyo alapi na nhina nhande mene mpe ayebhuka, ¹⁴ Ekhebhowa mbi na neapambwa mpe na lumidja nha nhitungu djawe. ¹⁵ Mpe ekhebho Abalama ayisa molende, ayinisa nhibhuna nhande. ¹⁶ Bho bhagendja bhalapi obho abhalie na bhonene, mpe na bholapa ndaye ekhe bweme ekhayisa suka ya susu na bhamina we. ¹⁷ Ekhe akpulia Mongai, apai bhoningidja mokano mande na misunha bhabho bhalibhuna atahombedja mokano, eye pingidja libhuna nhonde na bholapa, ¹⁸ Sukha bho ibho, na loma nhi bhale libosake te, teye ya bhabho iyo akhe likaka bho Mongai ta kose inso enhisi makasi na molende monoti, inso ekhai bhombe pamba yande ya pée ya elikia ebhe ya nha masu na libhuna. ¹⁹ Elikia ebhe inso étombi dje longo yamolimo solo mpe makasi; yaye yingidja ohóo a bhosantu, ²⁰ Ohóo Akongo, ayingia hóo liboso bho ayi lokisa binso, ayitoba nganga mohondji na ndenge ya Melehesedee.