¹ Akpulia, ngia ma mosantu, anha likabho nha lola, ayindimana Apostolu mpe nganga mokondji wa bhoyambi obho akhasakwa inso; ² Akongo, bho anha na lobhakho nhaobhó wa moyisa, dja akhokedja susu amogita. ³ Nzokande anhaki djiyi wa menemene wa khembo enyoyi lokumu nha nhaka Moise na nhu djehóbhó ayindi eyise emoti anyoi eyise ebhé na lokumu. ⁴ eyese na eyise ebhe éyindi Mongendja, kasi obho ayindi ngando susu, ekhe Mongai. ⁵ Akpulia Moise, anhoki na bhóbhuko teyi ya eyise esusu, dje masoli, dje mosali, angbanga ya bho widja litatoli na mubho mokhokoki bhobuka; ⁶ Kasi Kristo akhedje Mogbongi nhikó dja eyise djande, mpe eyise yande, eikhe inso; bho inso ebhane teya suka na bhayesia elikhia ebhe akhakumisa inso inso ebha bhumisa. ⁷ Akpulia, bho dje ebhuki molimo mosantu : bhende ibho bhaiyoka nhoyi. ⁸ Tanhaini mwema, makasi dja motanho keinu phusa bha masengenya teyi ya uma, ⁹ Sasé bha sangwanu bhamekani, akpulia bhoningidjani, mpe bhayi yene misa mambi aseya bhanga tuku djine. ¹⁰ Mainanga makhendjo mbi litungu nhiá, mpe ni bhuka : ibho bhakena napokho. ibho bhadje te ndjia ndjambi te. ¹¹ mbi nilapi teye kande ya mbi : bhata yingia teyi ya bhoye ma bhambi ! ¹² Tomba bhokebi, Ngiana, nakho mogendja omoti te ayi bhotama ma mwema mobhehu bholembeya Mongai akhe na bhomoi. ¹³ Kasi teyanani bhabho na bhaho bhusa bhasusu, lokola dje bhalongi bhobhuka : esabhu ! ebhe omoti nanu te teyeme na mosenginya na masumu. ¹⁴ Nzokande etobhi lisanga na Klisto, bho ebhambe makasi teyi ya suka elikhia ebhe enha inso na ebhandeli, ¹⁵ Pokho ebhé ayebhukiyo : bhende, okhayokasi nhoyi nhande, tonyangeni mwema te, dje bhoko ebhe ya kendwa. ¹⁶ Ndáa oti na bhokó bhanda bhatomboki nhingongo nha bhoyoka nhoyi bhasusu bhaipundja adjia ya Moise ? ¹⁷ Mpe nanda Mongai amohahéa kanda mpoko ya bhianga tuku djine, inakho kati ya bhabho bhasumuka, mpe djiakwa teyi ya uma ? ¹⁸ Mpe bhanda bhailapeayo bho bhatayingia teye ya bhoyemi bhande, katiokhó abhabho bhamo tosa teyo ? ¹⁹ Mainanga eneni ino bhábho bhatike bhanganganga bhatoyingia akpulia engho djabhu.