¹ Ebhangenime, mpokho ya bhaingia teya bhoyema bhande, khebhani omoti wanu te nhika nhingongo. ² Ndjokande mosambo mope mubho maye bhukia ibho bhope lokola; khasé bhuka ébhé yai bhabhukia ibho ya bhakometi eyoma, akpulia bho yatanati bhoyambi mpambe yabhu ebhe ya ambhaki ibho. ³ Angbanga ya inso bhabho bhayambi, ya yingia teyi ya bhoyema, ndenge ebhe ebhukiyo: nialapa teya kanda yambi: bhatayingia teye ya bhohema bhambi te ! abhuki bwa, nhako misa mande djasia inha akho ayebhandeli nha moki. ⁴ Ndjokande akhabhuka sio edhi dje masu masambho : mpe Mongai aiyema na misa mande dji susu masu masambo. ⁵ Mpe abho nakina: bhatayingia asio ambhi ya bhoyema te! ⁶ Bho, iyo akhe ayibhombi na bhadi abhoyingia, akheme ndamé ndamé wa libhunia ibho ya khomeni bhaingiati angbanga ya bhohome bhabhu, ⁷ Mongai ayisi nhabhi nhebhe bhusa bhomoti esabhu na bhobhuka teya Dawidi lingongo nha poko bhonho dja bhukió wa nhiko: esabhu, inako kho ibho bhakaóka nhoyi nhande, tonyangeni mema manu te. ⁸ Ndjokande, Yosua abhaneya sio bhoyema, iyo atabhuka ibhi te nhingongo nhayimi nhanhasu nhimoti nhidi. ⁹ Ekhe abho na, bhoema momoti mayenga Moise yo tangendja bha Mongai. ¹⁰ Ndjokande obho ayingeyi teya bhoyema nha Mongai ayema na misa mande, dje Mongai ya hemayo na djande mene. ¹¹ Ekhoni makasi akpulia bhoyingia teya bhoyema, angbanga bho Mogendja te kwa na bhonea ndakisa ndenge moti ya bhoóme. ¹² Ndjokande bhuka ya Mongai ekhe na bhomoi mpe makasi, epóhu dje nguba ndengedii na mino mabale, ekayingia abhogba mwema mpe molimo, ekayingia nhihoheya; akhasombedja maginheginhe mpe malemi ma mwema. ¹³ Etikhe na ekhelamo ya bhombi nhibhoso nhande, kasi esusu nhike mbundu mpe bwenene amiso maóbho okhoki inso bhowidja motango. ¹⁴ Akpulia, bho inso ekhe na mokondji monene obho waekha nhikho, Akongo, Mongbongi wa Mongai, enhani makasi teyé ya bhoyambi nhasu bhokasakwa inso. ¹⁵ Ndjokande inso etike na Mokondji nganga omoti te obho akhokiti bhohaka abho tahu bhansu; abhokeseni, iyo asenginyama dje inso na loma djisusu, kati akho lisumu. ¹⁶ Inse yadindami na bhondima abho apkulia iwa bho edjue bholimbisi mpe enhisi iwa, akpulia bhonha na bhisalese teye ya bhoye bhansu.