¹ Mainanga inso ekoki bhonyangana na loma libho nhayoká inso, bhabhunga bho tokée bhohadi nande. ² Nzokande, malobha mabho mayi bhuka ma na bhanzelu máa salema, bhasusu bhabho bhakia bhotosa bhanhisa etumbu ekoka nabhu, ³ Ndengende ekokake inso bhotia etumbu emoti enene ya ehele, ya sakwama mée na monkonzi, iyo wa sokwa libonso bhab ho bhawoká, ⁴ Mongai ayendimela matatoli na bhilembo, na nguya, mpe makamwisi ndenge nandenge, mpe na makabho ma Elimo esantu aye bakabeya ndenge epayiyo mene. ⁵ Etike bhoté, mongai ayesa bha Anzelu bhakumu bhamokilimubho mokanhowa mokabaka inso. ⁶ Ndjokande nhakhonda wa kwidja matatoli : siye moti bwa nda Mongendja, bhamoleneké, tó mwana wa Mogendja, bhamoleneké, bho omobhune ? ⁷ Amotitidja na mápoko bhotshenhu bhandjelu, wamowadja kembo mpe na lokumu, ⁸ Ayisi loma nhisusu nase na makho mande, nande lioma lisusu limotose, Mongai ayeti bho bhimotose. Nzokande, inso sikhabo eyenekinike loma lisusu liamosa. ⁹ Kasi hobho atitidja yó namapokó Botshenhi nase ya bhandjelu, Akongo, emweni ayiluma na kembo mpe na lokumu angbanga ya yogo ya pasi ebhe ayeyoka yo, na bho yuwa ya Mongai ayoka pasi ya yogo agbanga yaisu basusu. ¹⁰ Menemene, iyo akhe litange mpe suka ya eyoma, bhisusu, mpe iyo apáa bhokamba gbongi, banene akembó ayimobhasá nha bhamembo bha bhiko agbanga ya maanyokoli na pasi yayoka iyo agbanga ya ihele yasu. ¹¹ Obho wasuhoyi mpe na bhabho bhatobi bhasantisami ibho basusu bhaidjonga konaiyo bhabho bhabeya ngiana, ¹² Abho ibhuki iyo : niadjedja bhina bhawe na ngiana djambi, nahembee bhina ndhawe eyombo ya lokumu té ya lisanga. ¹³ Mpe na kina : naisi muu mamoti mpe makia mamoti, iyo mpe aitobha Mogendja dje ibho, apkulia yogo yande aima ngudhu ya amembo, obho anhaki na makasi ma yogo, eke bhobhuka bhóo amembo, ¹⁵ Aibhalowá bhasusu, bhabho bhanhaki na bhóo bha yogo, bhomoi bhabhu mobhimba bhonhaki teyi ya bhobhunhi. ¹⁶ Angbanga bho etikhe bhoyeledja bhadjelu anhoki bhakasunga, kasi litungu na Abrahama. ¹⁷ Mainanga, esengelamaki angemene na loma lisusu na ngia na djade, bho atoke nganga Nzambe wa bholimbisi mpe wa lobhoko amasala ma Mongai, mpe ahenda masumu mabhu; ¹⁸ Abho eyokio pasi ya minyokho iyo mené akhoki bhosalisa bhabho bhaka hokha pasi.