¹ Iso nakina lokola angbanga bho iso ekhe yanhingi na nhitutu nhi moti nhinene nha temuwe, nhumbani muna mosusu, mpe lisumu nhibho nhianhipi nasu na bhopete, mpe potani sie emoti na elikia teya sie ebhe inso ekhe bhohu, ² Eyise nhisenhi nhiko nha Akongo, Mokondi mpe abhukenhi ya bhoyambi, obho aeni na esengo ebhe ya mobhonibea, iyo abhoyoka pasi akuruse, ayokite bhosoni, mpe akhe anhayi anhibhami nha nhikuku nha Mongai. ³ Ndimani, lokola, obho wáwá na bhogbendja bhande pambeya bhasumuki, nabho ino naino twayenite molimo moyembe. ⁴ Ino otikeni te nakina na bwapeya nakina te kina amakiya, na bwana na lisumu. ⁵ Mpe ino obhosaini bhuka ebhe ya ningidja nino dje gbongi: Mogbongi wambi tokiye te etumbu ebhe ya Nkumu, mpe tobhungedje gunhu te poka iyo akapamela; ⁶ Ndjokande Kumu akatubhola na obho iyo apayi, mpe iyo akuta na etutu bhasusu bhabho bhamodje iyo akpulia gbongi bhande. ⁷ Ndimani etumbu: ekhe dje gbongi bho Mongai akhakhomeni; ndjokande nda okhe Mogbongi bho ya omoti akokiti bhomotubola? ⁸ Kasi inakho ino okhe motindo ma etumbu onsesusu bhakhe namui, ino okheni gbongi bhatangbusake mpe kati gbongi. ⁹ Inako, akpulia bho bhasongo wasu bhamu bhayetubola inso, mpe bho inso ya bhotosa, inso ekhokhiti bhokho bhope bhobia elonga inso yayise pamba ya yá wa milimo, akpulia eyene bhomoi? ¹⁰ Bhasangwasu bhaneaki etumbu akpulia masu bhodjenhu, dje ibho bhayeneke bhope, kasi Mongai akahetubhola akpulia bhope bhasu, bho inso enhise bhosantu bhande. ¹¹ Iyo ekhe mene mene bhotubola bhosusu mongemeni me na mokando momoti ma iwa, kati ma esengo; kasi iyo ikayifa pokho ekhanhowa akpulia bhabho bhanhaka lokola bhoko mbuma emoti epele ya bhosembó. ¹² Tombedjani mabho manu mayembi makasi mpe munhi manu maembi; ¹³ Mpe tutiani nsu moti makho manu ndjia semba, akpulia bho ebhe eyemeyi te ehele te, kasi anhise makasi. ¹⁴ Nukanani bhobhoto bhasusu nsee moti, mpe bwa petola kati bwa mongendja atayene bhi Nkumu. ¹⁵ Kebhani na ebhe etikhe na ebhe ekhale mbea ngiasia ya Mongai, bhoyifa bhominhumba, te moyife mobhulu, mpe bhonene te bhodja bhehu; ¹⁶ Nakho iyo tokho bhosoni, nakho bhodjanga bhotosi dje Ezaü, bho akpulia bhowaka bhomoti ayengedje bhosuku bhande. ¹⁷ Ino adjeni bho, mpokho edi, bhopa bhodjwa pambho, bhayi monhumba, nakho iyo anukhane nsio moti na mbisonhi; ndjokande bhawatitidja bhande bhota bhonhea bhowene eyoma emoti te. ¹⁸ Ino na ino wadindi tini panhi na nokhanhi momoti bho okhokiti bho mpeya mpe monyangi na mosá, kati na kpamaku, ¹⁹ Kati na mambili, kati makelele ma bhobhuka, ndenge ebhe bho bhabho bhayoki bhahedjo bho tebhanigidje nakho omoti nakina, ²⁰ Ndjokande ibho bhakokati bhohono motindo: maina: inakho tito akapea mokonhi, anha mogo. ²¹ Mpe nhibho nhikama nhinaki somo bho Moise ayibhuka: mbi nikhe na somo mpe susu dje hala! ²² Kasi ino wadindi panhi na mokhanhi ma nsio, ma ngando ya Mongai obho mohúu, na Yelusaleme wa nhikho, na hoto na hoto bhabho bhako mema ma bhazelu, ²³ Nalisanga nhagongi bha libhoso bhakho mami teyi ya nhikho, na djudji obho okhe Mongai wa bhasusu, na milimo nha bhasembha bha bho bhatobi bhasantu, ²⁴ Na Akongo obho okhe mobembisi wa nhinyango nhinyiye, na makiya mabho maka kiye makha bhuka bhobhia mabho ma Abelé. ²⁵ Bhebhani ino na bhongana bhoyoka na obho akhabhuka; ndjokande inakho bhaho bhayifati na bhongana bhohoka na obho opandjaki ngando nhiko nha ndebha, djeka djia ekhongwa inso, inakho inso hekha hombea na hobho okha bhuka nahoho nhikho, ²⁶ Iyo, nhoyi nhibho nhihaledji ndebha, mpe nhibho bhinheyi ebhe nhikoye nhibhuniaa: mbala emoti nakina nihaledji nhibhi kati kwa ndebha, kasi nakina nhiko. ²⁷ Mina mabho: mbola emoti nakina ekhaningidja bhohombedja bha loma ya kala, dje yakomene akpulia poko emoti, angbanga bho loma niaholati nhi hele. ²⁸ Ekhe angbanga bho, bhodjuwa bhoko ndji bho moti bhota hala te, ningidjani inso ndata ya bhowidja na Mongai lisambo nhimoti apkpuliande nhinha nhipele, ²⁹ Sie emoti na mawa moe sio moti na bhobhanga, ndjokande Mongai wasu akhe lokola na mosa momoti mongo djake.