¹ Bho na bhoyambi ekhe elikia makasi ya nhoma nhikha likiabho, lihonengidja bhomoti bha obho bhatika mwene te. ² Akpulia bwene, bhatata bhanhisa litatoli limoti bhopele. ³ Ekhe bho na bhoyambi inso edjeyi bho mokili mwakhomene na bhuka ya Mongai, na ndenge bho ebhe ewenemi ya khomeniti na nhoma nhiweneneki. ⁴ Ekhe na bhoyambi bho Abele aye mo bhondjea Mongai likhabho limoti nhi pele bhobhia nhibho nha Kaina; ekhe pamba yande bho iyo atobha sembo, Mongai ayindima mabhodja ekhe na nde obho abhuki nakina, ndebho bho gbwa. ⁵ Ekhe na bhoyambi bha Enoke bhokoyi bhobho bhasa akhokhite bhoyela yogo, mpe bho iyo akhokiti bhopundja ibhi nheya akpulia bho Mongai amobhasa; ndjokande, libhoso nhabho mobhasa bhande, iyo anhisa litatoli nhibho nhinaki bhopele pambe ya Mongai. ⁶ Ndjokande bhoyambi bhonhati etakokate nháabho hoka gbate na Mongai ayambé bho Mongai akhe inha, mpe iyo akhe akpulia bhabho bhaka monukana. ⁷ Ekhe akpulia bhoyambi bhó nowe, abhanda bhobhuka nhoma nhibho nhiwene ti, mpe ayiyoka bhóo bhomoti bhabhotosi, ayiyowá masuwa omoti akpulia bhoheledja litungu ndjande; ekhe nande ayitobha mosumba wa bhosembo obho adjwi na bhoyamib. ⁸ Ekhe akpulia bhoyambi wa Abama, na mbeya, bhotosi mpe ayikhe sio emoti anhisa ekhima, mpe akhake kati bho djea sio akhakhe. ⁹ Ekhe akpulia bhoyambi bho iyo akhánha teyi yandebha djalibhuma dje teyi yaandebha djimoti nha modidi, bhahelaka nase ya minguta, nakho Isaka na djakobho, pape ndenge moti bha libhuma. ¹⁰ Ndjokande iyo ayokaki ngando ebhe ekhe soda, ebhebho Mongai akhe mokamonhi mpe ayindenhi. ¹¹ Ekhe akpulia bhoyambi bho sala iyo mene, makho bhianga bhande bhianyo, ayekhonhitungu nhimoti, agbanga bho iyo ayambha na lobhokho na obho wa mobhunea. ¹² Ekhe angbanga bho momi omoti, nhea mokuku moyimbe, ayedjwa litungu limoti nhinene dje ndjodjo bhanibho, dje djelo djibho nikhe nhikho nha mogbonha nhuwa enene mpe bho akhokete bhowanga. ¹³ EKhe teyi yabhoyambi ibho bhasusu bhagbewi yebho bhanhise loma lia bha bhunia yibho; kasi ibho bhoyene mpe bhayesepa na bhohanhi, bhadjea bho ibho bhake bhadidi mpe bhama kendenhi nhibho nhandebha. ¹⁴ Bhabho bhabhuki bhowa eningidji bho ibho bhakanukana sie emoti. ¹⁵ Inakho ibho bhanisa na bhowene ohó ya pundja ibho, bhanhisa bhoko yabhu ya bhopundja. ¹⁶ Kasi sikábho ibho bhapai bhope bhomoti, ebhuki bho nhiko limoti ekhe angabnga bho Mongai ahokiti bhosoni bho bhamobhe Mongai wabhu, ndjokande iyo abhabhongendje ngando yemoti yabhu. ¹⁷ Ekhe akpulia bhoyambi bha Abalama ayi bhondja Isaki, mpoko ebhe ya moengeyo mpe iyo ayibhondjo mongbongi wande omoti, iyobho wanhisa libhuna. ¹⁸ Mpe nabho abhuka: na Isaka wanhaibhi bha ange akpulia we nhitunga nhimoti. ¹⁹ Iyo alene bho Mongai akhe na ngunhu ndenge emoti akpulia bhosusu dja bhago; iyo ayi monhisa nakina na bhosekwa bha ndenge emoti. ²⁰ Ekhe na bhoyambi bha Izaki ayebenisa ayakobo mpe Ezawu na bhwene nhoma nhiya nhowa. ²¹ Ekhe akpulia bhoyambi bho djakobho ayigwa ayi benisa ngbongi wa Edjefu omoti omoti, mpe bho ayi mokumisa, ayiya sukhá nhiko nhasuka ya enhoi yande. ²² Akpulia bhayambi Yosefu agwi na bhotandowana bha bhompundja bhangbongi bha Israeli mpe bho iyo áyi neya mitindo amonkando ma kuha djande. ²³ Ekhe akpulia bhoyambi bha Moise, ambhotama yande bhamo bhamba teyi songe bhasantu na bhabhoti bhande, agbanga bho ibho mope, mpe bho ibho bhabhongiti motindo ma Kumu. ²⁴ Ekhe akpulia bhoyambi bho Moise, yatobha yo mosuku, ayingana bho mobheya mogbongi wa moseka wa Farao, ²⁵ Aepa bhoyokwama sio emoti na litingu nha Mongai bho bwene akpulia poko emoti bhwa sepa na masumu, ²⁶ Ayise lifuta nha kristo ndje moso momoti mobi bhonene bho bhikima bha Egypito, ndjokande iyo anhaki na miso me ayise nhiko nha mosa. ²⁷ Ekhe akpulia bhoyambi bho iyo ayepundja a Egypito, kati abhange gbeku ya mokonzi; ndjokande iyo aya ningidja makasi, dje ayenheli obho atike yenene. ²⁸ Ekhe akpulia bhoyambi iyo ayikho Pasika mpe bhosenga makiya, akpulia bho awenhi tepote ngbongi nha libhoso nha Israeli. ²⁹ Ekhe akpulia bhoyambi ibho bhaheka nhuwa ebhe egbetu dje sio eyomake, mpoko ebhe bha Egypito bhayibhó bhoyeka bhasusu bhayi nhinda. ³⁰ Ekhe akpulia bhoyambi bho mibhu khuu ma yenko mikwa, nhingongo nha bhonhu ngwana masu sambo. ³¹ Ekhe akpulia bhoyambi Rahaba obho ndumba agbwati sio moti na bhasimba akpulia bho iyo moti anhusa bhanongi siye moti na bha bhobhoto. ³² Mpe bho niabhuka nakina ye? ndjokande mpoko edjangini akpulia bhobhuka na Gedeo na Baraka, na Samsona, na Yefte, na Dawidi, na Samuele, Mpe na bha profeta, ³³ Nda, na bhoyambi bhayi kwedje bhakondji, bhayikho bhosembo, bhayi nhisa mabhuna, bhainyanga monoko ma bhatambwa, ³⁴ Bhainhima mosa ma makasi, bhaingongo wa ngwa ebhe epóhu, bhayi yeya na bhibheko nhabhu, bhainingedja ngbunhu abhiya, bhayi tiya bhasonha bha bhadidi. ³⁵ Bhanhi bhayene mbimba djabhu na bhosekwa; bhadi bhayindime bhogowa, mpe bhandimi te bhokongwama, bho bhanhise bhasekwa bhomoti bhopele; ³⁶ Bhadina bhainhisa etamba mpe fimbo, na ndiki mpe bholoko; ³⁷ Ibho bhaye bhahowa, bhayi bhakeseke bhayi bhanyoko ibho bhayi bhahowa bhaigwa na ngubha ibho bha telenganaki mpe oho bhawaki bhiyopo bhatito mpe bhiyopo nha meme, bhoye na susu, bho bhasengiya, bhobhayokedja mpasi, ³⁸ Mokili manhati bhope nabhu, bhaike teyi ya bisobe mpe amikhonhi, teya mibenga mpe amabheya ma ndebha. ³⁹ Bhasusu bhaho, bhanhaki na bhoyambi na ndenge ebhe iyo awidja litatoli, kati anhise ebhe ya mobhuniakibho, ⁴⁰ Mongai ayinha ayihene ndenge ya yoma ebhe epele akpulia yasu bho ibho bhapati bhonhisa masu esengo.