¹ Bhope mobeko mubho moke amonhinhi momoti amipe nikanhowa, mpe kaati semba nha bhoningidja bhaloma, etakhokati na mabondja ndenge moti bhidjange esusu eyanga na eyanga, bhowa bhandimi alibhunga. ² Zoye te bhobhabhondja, angbaanga bho bhabho bhakanea na losambo, bhapetwana edjange emoti bhata yene nhea bhobhehu nha lisumu nhabhu? ³ Mada ma masumu yama hombedja bhiyanga na bhiyanga na mahabho; ⁴ Ndjokande ekhokiti makiya ma ngombe bhaaim mpe meme bhami bhadjodjo masumu. ⁵ Akpulia Klisto, ayingia teye ya mokili, ayebhuka: apati bho anea makabho na mabhandja, bho iyo ayifa mokuku momoti; ⁶ We wandimoti bhatumba mbela nabho makhabho akpulia masumu, ⁷ Bho nibhuki: nse, nikanhowa (teya mikanda mabhu mubho mabhohedjo na mbi) akpulia bhokho, na Mongai, mokane mawe. ⁸ Nhingongo nha bhowene na bhobhuka: opayiti makhabho na mabhondja na bhotumba mbeka na makhabho akpulia masumu (ekhe akpulia mobheko). ⁹ Ayibhuka nhingongo: nse, nikanhowa akpulia bhokhó mokano mawe, iyo ayihowa nakina yoma ya libhoso akpulia ayise ya yoma ya libhoso akpulia ayise ya mibhale. ¹⁰ Ekhe na bhosembo bha mokano mubho bho inso ekhe bhongo, na libhondja nha mokuku ma Akongo Klisto, mbala emoti akpulia esusu. ¹¹ Mpe eyokhanibho mosali mosusu akhabho masu masusu eyokibho mosali mosusu akhabho masu masusu mosa mpe bhobhondja mingi ndenge moti ya makabho, mabho makokiti bhodjadja mosumu, ¹² Iyo, nhingongo nha bhobhondja likhabho limoti akpulia masumu, akhe anhayi akpulia libhela anibhani nha Mongai, ¹³ Bho bhanhuna bhande bhabhe bhatabha mase ya mabho mande. ¹⁴ Ndjokande, na libhondja limoti, iyo anhoya bhanhi bhunga akpulia libhela bhabho bhakhe bhongo. ¹⁵ Ekhebhe Elimo santu ayenu nasu lokola; nhingongo nha bhokuka: ¹⁶ Nse linyango bho mbi nabho nande, nhingongo nhabhusa bhuwa, Nkumu: ayi bhuka nayisa ibhi mobheko mambi teyi ya mema mabhu mpe makhoma ibhi teyi ya molimo, mpe ayibhakeya: ¹⁷ Mpe nitatima ibhi nhia masumu mabhu na matumoli mabhu te. ¹⁸ Bho, nsiebhe ekhe na bholimbisa nha masumu iyo etikhe nhea na libonbandja akpulia masumu. ¹⁹ Ekhe bhowa, ngiana, angbanga yasu ekhena, na bhokopo bha makia ma Akongo, bhosomi bhomoti bhoyingia teyi ya nsie esantu ²⁰ Mpe ayibhongedja ndjia eniye mpe ya bhomoi na libhondja nha mokuku mande ayidjoyedja isindja; ekhe bhobhuka, bho na muu mande, ²¹ Ekhe angbanga bho omoti mpe ekhe angbanga bho inso ekhee na nganga mokondji omoti anhoyi nhibho nha eyise ya Mongai, ²² Inso yadindeni nsie emoti mwema mamene mene teyi ya bhoyambi makasi, na mema ma bhongo na maleni ma bhehu mpe bhososo nhuwa na bhongo. ²³ Epeheni makani mosa ebhe ya elikia yasu, ndjokande obho akho libhuna akhe lobhokho. ²⁴ Esalisami bhabho nhikho nha bhaho, akpulia asu bhondinda alinyango mpe na misa mipe. ²⁵ Zetiye lingomba nhasu te, dje eyikha bhotata bhabhadi; kasi elindisane teyi yasu, mpe mainanga inho oweni bho nhasu nhibeleme. ²⁶ Ndjokande, inakho inso ekhakho nhisumu nakho nhingongoi nhabho bhandisa bhodjea bhosolo etanhika nhea likhabho te akpulia masumu, ²⁷ Kasi mwambe momoti makasi mobho mabhasambedja mpe libhabhe nhimoti nha mosa nhibho nhiyakha bhasimba. ²⁸ Obho atositi mobhekho ma Moise agbwe na bholimbisi te, nhiko nha bokome nhikho nha bhohome nha bhabhale to bhatemuwe bhasantu; ²⁹ Posande ebhehu elenhi nho bho ya nhahibhi bhosambedja bhosembo bhahobho wa Mongai, obho osantali akpulia makia malinyango, na maina iyo abhondja, mpe obho wa bhehedja na Elimo ebhe ya yiwa? ³⁰ Ndjokande inso edjeyi nhanda obho obhuki: nambi na nea etumbu, na mbi na widja bhobhehu! mpe nakina: Kumu asambedja ebhi nhitungu nhande. ³¹ Ekhe yoma emoti ya makasi bho na bhokwa teyi mabhó ma Mongai wa bhomoi. ³² Kundolani ino na masu ma libhoso, oho, nhingongo bhowenedje bhohowe, inho wasungani bhiya emoti enene teyi ya pasi, ³³ Mbala edi, (Bhokuma na bhoyoko teya bhósambonhi mpe namobhuku, mpe na odima, ino wa bhodji na makhabho nhibho nhinhaki ndenge emoti. ³⁴ Bhope, ino bwanhisani malozi akpulia bha bhohoko, mpe ino wandimani na esengo bhodjadja abhope bhanu djiane bho ino akhe djipe bhobia mpe djimeke libhela. ³⁵ Tonhumbeni elikia yanu te, bho maina nhiatombea litomba nhinene. ³⁶ Ndjokande ino moke na posa ya molende, nhingongo nhabhokendja mokhano ma Mongai, ino wa djwani ebhe ya bhunhiani ino. ³⁷ Nakina bhotshenhu, napokho bhotshenhu: obho akhakho asengeli bhanhowa a nhowa ibhi, mpe iyo atambha ibhi te. ³⁸ Mpe wa bhosembo bhambi ahela ibhi na bhoyambi; kasi, iyo akhasuwa, molimo mambi mota sepa nande. ³⁹ Inso, inso etikhe dje bhabho bhasuwi akpulia bhobhungidja, kasi bho bhabho bhakhe na bhoyambi akpulia bhaheledja molimo mande.