¹ Isani molende teya linyango. ² Zobhosoni bhosepa bhagendja; ndjokande, nabhokho, bhadina bhayamba bhanzelu, kati bhodjea. ³ Ino leneni bha bholoko, dje ino onhokini lokola bha bholoko; na bhabho bhaka nyokwama, dje anakha ino ndenge moti lokola teya mokuku momoti. ⁴ Bho moki monha na suku na esusu, mpe bwako bha moki te bhobhehe, ndjokande Mongai asambedja bhali bhadja mpe bhalimoli. ⁵ Zono toakabeni te na bhopa bha mbemba; anga ebhe ekheino nahu; ndjokande Mongai iyo mene abhuki: mbi nita yebhite, mpe mbi nita bhosa ibhi te. ekhe bho sie moti na bhandima bho inso ekhoki bhobhuka: akhe lisalisi nhambi, mbi nita bhanga te; mongendja akhoki bhakhoni yomande? ⁷ Ino timani bhayangeli bhanu bhabho bhasakweyani bhuka ya Mongai; ndimani bho ya nhaka ibho asuka ya bhomoi bhabhu, mpe okwani bhoyambi bhabhu. ⁸ Akongo Klisto akhe ndenge moti khombi, esabhu, mpe libela na libela. ⁹ Ino toyeni ti bholenda na bhotata ndenge na ndenge mpe ya bhadidi; ndjokande iyo ekhe bhopele bhó mwema monha na bhondima na ngiasia, mpe kati akpulia nhiya nhibho nhitika khó yoma na bhabho bha gbate nande. ¹⁰ Inso ekhe na altare omoti bho bhabho bhaka kho mosa oho a hema bhatike na ndingisa na bhoaka te. ¹¹ Mokuku ma tito, bho na makia makake teye ya sio esantu na nganga mokondji akpulia lisumu make ma hongwa tiambo ya ngando. ¹² Ekhe akpulia yana Akongo lokola, na bhopetola mogendja na makia mande mene ayoka pasi tiambo ya lipako. ¹³ Epundjeni akpulia bhoke nande, tiambo ya nganda nabhowa bhonyaya bhande. ¹⁴ Ndjokande inso etike te obho nase na ngando ekhe ena, kasi inso enukane ebhe ekha nhowa. ¹⁵ Nande, ebhondje na bhoemba te na Mongai likhabho limoti na eyombo, ekhe dje bhobhuka embuma ebhe ya enhanha ekhatubela linha nhande. ¹⁶ Mpe tobhosani te bhokho bhope mpe na somi, ndjokande ekhe likhabho ebhe yasepelisa mongai. ¹⁷ Tosani bhayangeli bhanu mpe nhani akpulia abhu na bha bhayoka, ndjokande bho bhaka kengele nhiko nha molimo manu dje libhoso bho widja bhopele; bho iyo enhabowa bho bhakó na esengo, mpe kati na bhoyima, bho ino bhotanhisa bhopele bhomoti te. ¹⁸ Abhelani akpulia asu; ndjokande inso eyambi bhohene bhopele bhomoti bha ndata, bhopayi na nhoma nhi susu nhi kamba inso bhopele. ¹⁹ Ekhe nsio emoti naa molende bhombi niyongi ni ino na bhokho, akpulia bho mbi niehuleni liboso. ²⁰ Bho Mongai wa loboto, obho apundja teyi ya bhago moteyi monene wa mpata na makiya nha linyango limoti nha seko, Nkumu Akongo wasu, ²¹ Ino ohudjeni na esusu mosa mopele akpulia bhokokedje motindo mande, mpe kho nanu ebhe ekhe nande bhopele, na Akongo klisto, kembo inha lihiyanga na bhiyanga! Amina! ²² Ni ebhondeli ino, ngiana, na bhonya nga bhuka nha bhosakwa, ndjokande mbi nikhomé ino na bhonhuwe. ²³ Djeani bho ngianasu Timoti apundja; inakho akanhowá bhinhibhé nanhowa ibhi bhowene ino nande nsio omoti. ²⁴ Neani bhayangeli bhanu bhasusu mbote, mpe bhasantu bhasusu. Bhabho bha Italia bhaneni ino mbote. ²⁵ bho ngiansia enha nanu bhasusu! Amina!