¹ Tobhani bhóadjokonhi bha Mongai, dje ngbongi dja bholingo; ² Mpe somboni teyi ya bholingo, na ndakisa ya Kristo, ebhe epaiyo inso, mpe akabho iyo mene a Mongai akpulia inso dje libondja limoti mpe bwaka bho moti bhasó epele. ³ Bhó ekhobo, kati eyoma emoti ya bhosoni, mpe bho na bhoyanyanga, tenha te nakho bhotanganga teyi yanu, bho ekhi elongobhani na basantu. ⁴ Bho tohoke bhuka dja malowa, nhako ma bhapepe, makho madjange tina, nhoma nhibho nhitike ndenge omoti na bhokela bhope; bho ohoke bhokia matondi. ⁵ Ndjokande, djiani bhope, wa ekobho emoti, to bhosoto, to ya bhoyo, ekhe bhokula, okakumisa ekeko, atike na ekima teya bhokuma bha Kristo mpe bha Mongai, ⁶ Bhó Mongendja tesengine ninó na bhuka dja malowa; andjokande ekhe angbanga ya lomo libho bho gbeku nha Mongai ekha nhowa nhiko nho ngbongi bhabho bhatomboki. ⁷ Tanhanhi nabhu nsio omoti. ⁸ Mpoko enhdi wa nhakani amonhinhi, mpe bhinhebhi ino hoke bhohoye teya ya kumu. Sombani dje ngbongi nha motandanda ! ⁹ Ndjokande embuma ya motandanda enha na bhokopo bhosusu bhope, na bhosembo mpe na bhosolo. ¹⁰ Engeni ebhe ekhe bhopele mpanha ya Kumu; ¹¹ Mpe totombe bhoyingidja mosa ma monhinhi, kasi libhoso mpendja bhabele. ¹² Ndjokande ekhe bhosomi na bhukaa ebhe ekhakoyi bho alibhombi; ¹³ Kasi isusu ebhe ebhelebho edjeane enengedjani mpomba ya motandanda, ndjande susu ebhe ya ningidji ekhe motandanda. ¹⁴ Ekhe angbanga bhoya bhuki : susuwa we obho akhe ahiyo, susuwe obho akhe teyi ya bhago, mpe Kristo adjigia ibhi. ¹⁵ Zombani khebha nanu bwakomba akamboni siye emoti na bwabhaneya, kati dje pepe kasi dje bha ndata; ¹⁶ Katwani mpoko, ndjokande masu makhe ma bhehu. ¹⁷ Ekhe angbama tanhani bhidangadingi, kasi djeani ebhe ekhe mokano ma Kumu. ¹⁸ Ino tolagbeni mana ! ekhe na libhadja nha, nabhokeseni, luma na Elimo; ¹⁹ Okhowani na bhiombho, bhiombho bha lokumu mpe bhiombho bha molimo, bhoyemba mpe bwanea na mwema mawe mombimba bhiyombo bhaa Kumu, ²⁰ Widjani bhoko susu matondo akpulia loma lisusu a Mongai obho yá, na nhina nha Akongo Kristu Kumu yasu. ²¹ ino ayisani bhabho na bhaho teyi bhó bha Kristu. ²² Bhani, nhani na bwatitidja a bhani bhonu, dje oho a Kumu; ²³ Ndjokande momi akhe kumu ya mwanhi, dje ekha kristo kumu ya Eklezia ebhe ekhe mokuku mande, mpe iyo akhe ehele. ²⁴ Maina ekhlezia ekha titiza a Kristo, bhani lokola bhakoki bhonha na bhani bhabhu na loma lisusu. ²⁵ Bhani, pani bhanu dje krsito apayo eklezia, mpe ayakabhá iyo mene akpulia yana, ²⁶ Akpulia bhoyakabha na bhuka, nhingongo ya bwasuwa na nhuwa ya bhatisimo, ²⁷ Abhoko bhoyifa libhoso nhande Eklezia ebhe ya kembo kati litono, nakho bhobhe hute, kati naa bhokeseni, kasi mosantu mpe bhopeto. ²⁸ Ekhe akpulia bho bhani bhakoki bhopa bhani bhabhu dje mokuku mene, obho akhapa mwanhi wande akhapa iyo mene. ²⁹ Ndjokando etike na mongendje oki mukuku mande mene; kasi akha mobhoko mpe akatomba lisalisi, dje kristo akhóye akpulia Eklezia, ³⁰ Akpulia bho inso ekhe bhinama bha mokuku mande. ³¹ Ekhe angbanga bho momi ayibhi sango mpe nyango, mpe bhabali bhataba ibhi mumo moti. ³² mobhombhamo make manene; nibhuki maina ndenge ya Kristo mpe Eklezia. ³³ Ebhe enhikayi, bhó omoti na omoti wanu apá mwanhi wande dje iyo mene, mpe bho mwani atose moma ande.