¹ Bangbongi tosani boboti bhanu na Kumu ndjokande enha na bosembo. ² Zosa yáa na ima na mobeko ma libhoso na ma elaka. ³ bho oeyeme amokili mpe ayeme amokili. ⁴ Mpe inho bhaya tokendjwe na ngbongi te bhaningidja ndjia Mokondji. ⁵ Inho bhangendja, bha elomo tosokani bhakondji bhanhu na mokuku, naa bhobhanga na bhoatitidja teye ya mema mpe na Kristo. ⁶ Tobhatose te ngonga ebhe eka wene ibho, bho akpulia bhosepele bha bhange ndja bhato bha kalomeye Kristo, bha kalomeya na mwema ma bhotosi bha Mongai. ⁷ Khó elomo bhope, akpulia Mokondje kati akpulia bhangendja e, ⁸ Djeakhabho moto na moto, akhe mobhunhi to somi bho akakho bhope bha mofuta bhope, ⁹ Inho bha kondji, khani bhangendja bhanu akhobwa, tobhakaneni, djeni obho akhe nhiko akhe mokandji wanu iyo tase bholingo na wangendja te. ¹⁰ Onhingongo, ayesani na ngunhu teya Mokondji mpe na ngunhu esusu. ¹¹ Wani esendja ya bhia ya Mongai, bho nha na ngunhu liboso nha mondili. ¹² ndjokande ekhokiti bwana na mokuku mpe na makiya, bhanguna ya molina, bhanguna ya bhakondji, bhangun bhakondji bhamokili bhalifelo, na milimo mi bhewe teyi ya mokili ma nhiko. ¹³ Akpullia bho, tombha bhumbundeli nha Mongai bhisusu, bhonha na nguya bhowamba teyi bhusa bhobhehu, mpe bwana te nhingongo na bwene susu opike pende. ¹⁴ Emani bhinhe bhe : nyangani solo mondili aloketo; bhonyanga nhikubu na mabheke na bhosembo; ¹⁵ Isani akpuliaa bhikoto amakho manu pila ebhe yanea bhosokwa bha bhoboto, ¹⁶ Zombani pamba nhiko ngubha ena bheya esusu bhabho yambi, sio omoti eno okoki bhonhima nfia susu-ya makula ma djabhulu; ¹⁷ Zombani ndundu ya yele lokola, mpe ngwa ebhe ya elimo, ebhe ekhe bhuka ya Mongai. ¹⁸ Kháni na poko susu na Elimo bwabhela bha ndenge susa mpe na bwaya, kengeleni inha sio moti na molende momoti molimba, mpe abhela akpulia basantu bhasusu. ¹⁹ Sambelani akpulia mbi bho aneni pokho ekahukwani monoko bho nika bhodjea peko mpe bhosomi ma mobho mbamo ma bhasakwa, ²⁰ Akpulia na mbi nike Kumu teyi minyololo, mpe bho nika bhuka siye moti na piko dje ekoki mbi bhobhuka. ²¹ Nabho inho lokola, inho edjeni ebhe eseyimbi, na ebhe ekha kambi, tisike, mopani ngiana mpe mokondji wa lobhókhó teya kumee asangeani bhi inho nasusu, ²² nimolindi ebhango bhambe yanu, akpulia bho ino bhodjeni bhokopo bhoke inso, mpe akpulia bho alendise mema manu. ²³ Bho na bhobhoto mpe na bholingo sio moti na boyambi eneani mpambe ya ngiana bha Mongai ya mpe bha Kumu Akongo Kristo ! ²⁴ Bho na ngiasa enha siye emoti na bhabho bhasusu bhapai Kumu Akongo kristo wasu na bholingo bhomoti bhasuka!