¹ Mbhé niasakwa hino bho, mbhe moyanga wa bhokhó teya ya kumu, nasomba na bhokopo bhomoti bhopele na mbeya djibho djea yenedjani, ² Nakwa titidja bhasusu pe bhopete, na bhowamba, ino wanani na bhabho na bhaho na bholingo. ³ Ino khó makasi na bhobhomba bhomoko bha Elimo na mondiki mobho na boboto. ⁴ Iyo akhe na mokuku momoti mpe Elimo emoti, dje ino wa bheya nani lokola na elikia emoti na mbeya yanu; ⁵ Iyo akhe kumu, omoti bhoyambi bhomoti, bhatisimo omoti, ⁶ Mongai omoti mpe ya yabasusu, obho akhe nhibho nha bhasusu, mpe teyi ya bhasusu, mpe na bhasusu. ⁷ Kasi omoti nasu na ngolu ebhe aneana na yengenhi na makhobho mabho ma Kristo. ⁸ Ekhe agbanga bho iyo abhuki : ya konda hoko nhiko, amonhoya bhayangani mpe iyo akho makhakho na bhagendja. ⁹ Bho, eningidji akhondá, kati bho iyo atita teye ya ngando ya nase ya ndebha ? ¹⁰ Iyo bho watita, akhoyo moti akhonda okho nhiko nasusu dja nhiko, djalumu na nhoma nhisusu. ¹¹ Mpe iyo aneya bhadi dje bha postolu, bha di dje bha profeta, bhadi dje bhasakoli, bhadi dje bhabateli, mpe bhateyi, ¹² Akpulia bhobhongedje bhasantu na bhwene bho mosama lisanga mpe na bhotanga mokuku ma Kristu. ¹³ Bhango inso bhasusu na bhomoko nabhe bhoyambi na bhodjeaa Mongbongi wa Mongai, na Bhokopo bha Mongedja akhoyi, na bwenge bhubho bhanhuidi bhalongobani na Kristu, ¹⁴ Bho inso te nha nhea ngbongi mopepe mosusu ma bhotata, te mowa mpe temoyi totise na bhangbendja bha malowa, na bhapitshiko teyi ya bhokopo nha bhokwedje, ¹⁵ Kasi bho, bhosakwa teyi ya bholingo, inso epangaki na bhasusu mpanbe obho okhi Kumu, Kristu. ¹⁶ Ekhe nande, mpe ngolu ya ndiki susu dja lisalisi djande, bho mokuku mosusu, mondimani bhope mpe moyi khóo bhoya na makasi, bhopundja a bhopinga dje na ngunhu ebhe ekoki na ekenge emoti emoti, eningidji iyo mone teye ya bolingo. ¹⁷ Se inakho ni bhuki mpe ebhe ekaonga mbi teyi ys kumu, ekhebho ino, ekhokiti bhosomba dje bhabhaganu, bhabho bhakasombo na lolendo na malene maabhu. ¹⁸ Ibho bhake na mayele ma monhinhi, ibho bhamakendeli bha moi bha Mongai, angbanga ya bhopepe bhubho bhoke nabhu, angbanga ya bhayanga mwema mande. ¹⁹ Bhaye bhungidja ngando susu, ibho bhene bhayekabha angando bhehu, akpulia bhoyisa nhoma lisusu nha bhosoto nha mokuku na bhohulia. ²⁰ Kasi ino, etikhe ebhebho ino wanhisa wawokani Kristu. ²¹ Inakho ino wawokani, inakho, bhotuteya na bhosolo bhubho bhoke na Akongo, ekhe nande bho ino wateya mani bhaifani ino ²² Se bhomoi bhawe bhagala, naa Mongendja wa mobhange obho okha kosa naa bhoyo bha malowa, ²³ Nakhoko bhohombedja teyi ya elimo na mayele mawe, ²⁴ Mpe nha mogbendja moniye obho akho Mongai teyi yabosombo bhomoti mpe bhosantu bho moti bho bhote bhosolo, ²⁵ Ekhe Angbanga ena, sakwowa malowa, mpe bho omoti abhuke ndenge ya bhosolo na minande; ndjonde inso ikhe bhinama na bhaabho na baho. ²⁶ Inakho ino oyesi gbeku, tokho lisumu te; bho moyi temohe nhiko na gbebu yawe, ²⁷ Mpe toneni amembo djia te. ²⁸ Obho wa hubha toyebhe nheya; kasi libhoso obho okasa, na bhoko na mabho mande ebhe ekhe akpulia bhowene nde iyó aneya na obho teye ya bhoye. ²⁹ Tepundje bhuka ebhehu te amonoko mawe, kasi, esengeli, nabhuka edina epele, ebhe ekasalisa abholendisa abhodjedja ngolu bhabho bhakayoka. ³⁰ Toyokedje elimo santu ya Mongai iwa te, bhusa bhowanyanga we losambo abhusa wa suka. ³¹ Djodjoni isusu nha saya, kele, dbekhu, egendja, bhobhoko, mpe maleni mabhhehu ndenge na ndenge. ³² Nha bhope na bhabho na bhaho, ningidja na mpe limbisa bha mangwa bhuwalidji ndenge Mongai alimbiseni na Kristo.