¹ Agbanya yana, mbi Polo, wa bolobo na Kristo akpulia ino babagano... ² Inakobhó wa hokani eke na ngiasia ya Mongai, ebhe yanea honi akpulia anu. ³ Ekhe nandjotshi ebhe ya djumbi ndata ebhe ya mobhombamo nhiko nhamobho monhoi mbi bhokoma mabho tshenhu. ⁴ Nabhomwanga, inho wabhongo bhayisa mayele bho mbi nidjea mobhanhamo ma kristu. ⁵ Iyo ayiningiya ti na gbongi bhubhagendja teyi ya matungu madi, dje iyo aningidja bhinhe ebhe na Elimo pambe ya bha postolu bha santu pe bha prefeta bha kristo. ⁶ Na mobhanbamo, ekhe bho bhapagano bhanha pape, yakho mokuku, ndenge moti, pe bhadjwa libhunia ndenge emoti, na Akongo Kristo abhosakwa, ⁷ Bho mbi nakho nakhomene mosaleli nalikhabho na ngasia ya Mongai, ebhe andimia yoni na makasi na gbunha yande. ⁸ Nambi, nda obho amodjwe atike pete na bha santu bhasusu na iwa ebhe endingisani na bhobhuka na bhabha ganu bhomengo bhodjeya kristo, ⁹ Mpe na bhoyisa abhohoye ebhe ebhe na bhodjea mobhambhamo mubho mwabhomba poko susu na Mongai obho wakho loma nhisusu, ¹⁰ bho milima pe makumu teye ya nhiko bha djeyi bhende na Eklezia ndata etike na suka edjongi a Mongai, ¹¹ Dje mokano maseko maisayo abho mokho pambe ya Akongo Kristo kumu yasu, ¹² Mande ekheiso, na bhondima bhaamba yande, na bhosomi bhasu ebeleme na Mongai sie moti nha bhowanea. ¹³ Nikahedjoni ino lokola bho tobhungedje gbunhu agbanga ya manyokoli mabi akpulia anhu : yanha kembo yanhu. ¹⁴ Angbanga yona, nhimbi minhi mambi liboso nha ya, ¹⁵ Nakhondá wa ifa nhinande litungu mobimba teyi ya nhiko mpe nhiko nha ndemba, ¹⁶ Bho iyo aneni ino, dje ekuma ya kembo yande,enha ngunhu makasi pambe ya Elimo wande teyi ya Mongendja wa teyi, ¹⁷ Ndenge bho Kristo ahele teyi ya mema manu na bhoyambi; bho yanhaka ebhukwana pe ekhó teyi ya bhopa, ¹⁸ Inho ekoki bhodjea sie moti na basatu ebhe ekhe bhonhuwe, na bhonho, na bhonhinda mpe na nhiku, ¹⁹ Mpe bhodjea bhopa bha Akongo, bhubho bhonyo ndata susu, nandenge bho ino olumaneni tée na bhosantu bhosusu bha Mongai. ²⁰ Na bhowa, na obho opayi bhoko na ngunhu ebhe ekhesa nasu, nasuka te na djibho susu djeke inso ahonga to bholene, ²¹ Nande enha kembo teyi ya Eklesia mpe na Akongo Kristo, teyi ya matungu masusu, bhiyanga ! Amen !