¹ To tomboké na bhabhange te, kasi bhuka nandé dje akabuwe nasangoa; lingisa bhapalanga bhaamidje bamangoa, ² Bhadi bha suku dje bha ima, mpe bhilenge bhadhi djengenia bhadhi, naa moéma peto. ³ Nkumusa bhadhi bhagwei bhami, bhabho bhadjangi mogendja wa bhobha salisake. ⁴ Inako mwabhi omoti agwe momi akena ngbongi tô bhataata, bha ningedja ndenge ya bhoyokwa libhoso penza bhomenea litungu bhabhu mene mpe bhohuudja baboti bhopée bagwana ibho; bho ya sepelisa Mongai. ⁵ Obho okesolo mwadhi wagwehele môomi, mpe obho okahela iyo omoti, ayise moéma mande pambea a Mongai mpe bhosambela mpe bhobondela bhuu mpe moyi. ⁶ Kasi obho okahela teyi ya mposa mpe bhogwa, nako adha na bhomoi. ⁷ Bha bhukea ngando djibho, na ntina bho obho apaiti bhomingidja. ⁸ Mogendja asalisiti litungu dhande, lhibhoso penza bhabho bhadha iyo nabhu eyisé emoti, abhehedja boyambi, anyoyi mopagano na bhobhehu. ⁹ Mwadhi wa ekia obho okokedji bianga tuku motoba obho wa osho mbala emoti, ¹⁰ Adjeani dje mogendja wa edjalili epée: mongedja obhokoyi ngbongi bande bhopee, obho odjei bhoyaamba bapaya mpe asosaka bha ngiana bha klisto makô, aka salisaka bhagendja bha iwa mpe akako komisaa mipée ndenge na ndenge. ¹¹ Kasi bongana bhapalanga bhadhi; kasi, bhabho bhatobha kinike bhasusu, tokomedje dhina na ndete; kati edjegi, bhakoki bhoyee ndjia ya bokome klisto, ina mposa ya bhowoso ekabhadhoa, ¹² mpe bhadjwa ngambo abho ayibho akokedja eyema yabhu bha liboso te. ¹³ Na bhoa, bake na mosaa ma menemene te bhatobhi bhomesene bhoyingea pambeya eyise ya bhangedja. Kasi mokando monoyi bhobhehu bhuka yabhu yabhu bho siate bhakayingea ngando djibha séeti mpe bakanuka nakonga ndengenge na ndenge. ¹⁴ Nipayi bhapalanga bawose, bhobhajue ngbongi, mpe akambe eyise ya abhu, abongiti bhonea na munguna ndjia ya bhobha tongo te; ¹⁵ Inako bhagendja bakina bhahombi akpulia bhotutia satana. ¹⁶ inako bhandimi, môomi tô mwadhi, ake na obho ogweyi, mpe akhabha salisa, mpe eyise ya losambo bha edha na muuna, natina bhobha sunge bhabho bhakeba gôo. ¹⁷ Mpe bhabhahe bhabha sambedja na lokumu mbala djibale, pendja bhabho bhakateya mpe namalakisi. ¹⁸ Bho etumba ebhuki: bho ekokiti bhonyanga monoko na ngombe te mpoko ekanika oyo mbuma. mpe ebongi mosali adjwe lhifuta bhande. ¹⁹ Bhaka tshongee mene wa losambo, ondhime okayoka buka ya banzeneneke babale tô ba satô. ²⁰ Opalele bhabho bhakomée opalela basusu bhakoyi bhobhehu, akpulia bhadhina bhabhangé. ²¹ Na bhelinayo amioso ma Mongai, ma klisto yezu mpe mabha anzelu baye Mongai abha hôo, otose mitindo mina na bhosembo, tô sée mbanda dja bhagendja te. ²² Toyi sée bhagendja mabhôo bhogagate, mpe toyingée amasumu ma amina ye te; yo ayisa peto. ²³ Tonunge dhuwa, kasi kôo mabhotshedhu ndambo ya maana, akpulia lhikundu bhawe akpulia epeko ekatungisa mingi. ²⁴ Bhobhehu bha bhagendja bakina mayeneni tiambo bhohuu; bhibhoso bho bhabha sambedja, makodje bhabha sambedja, kinikete bhobhehu bha bhagendja bhakina boa wenene okho bhakaba sambedja. ²⁵ Misaa mipée mika wenene, nako misaa miyeneniti mitaa bhomba sekote.