¹ Bhasusu bhabho bhakawa mi ina mabho budhi bhasengeli bhotosa bhasuku bhabhu na moéma omoti, bho bhagendja tebah ébhoké dhina dha Mongai te, mateya mande mpe te. ² Bhabho bhake na bhayambi bhakondji tebha bakiye te, bho akhé ngiana moklisto, kasi bha mokomé bhopée obho aadhisa lithomba na elomo yabhu aké ngiana wa boyambi mpé ngiana wa bolingo. Nsée ndengende ekhokiwe bholakisa bhagendja mpe bhabateya bhagendja. ³ Inako mogendja omoti, bhabhi bhakateya bhotaa bha malowa, mpé bhatikanea nabhuka aNkumu Akongo klisto mpe na bhotaa bhoké ndenge ya bhosantu, ⁴ Ayi lhuma na lolendo, adjeiti yôoma, mpé akhée na epekó ya môo napeya nkua mpe bhobhukiana bha bhuka, na nsée ébhoti posa, bhobukiana, bhokiana, maleni mabhehu, ⁵ Bha bho bhaké na maéma mibale bhadjeiti ngando dja mene mene, dhingana dhabhu dhitasiyakate litomba dhikanukana ibho teyi ya bhoyambi mosôo. ⁶ Solo bho ndhima Mongai dhiké na dhitomba dhinene inako mogendja akhaa sépá okho na dhohoma dhibho dhiké dhande; ⁷ Ndjokande yadhowa mabhó édjegi, mpé okho bhowa ya ye ndebha djibho mpé eande mabhó édjegi. ⁸ Inakó éké na dhiya nabhisindja, dhiya akoka ibhi akpulia asu. ⁹ Kasi bhabha bhapaa bhomengo bha nyono na masenginia, teyi ya libhekya, mpé teyi ya makohu madjangi tina mpé bhokamdja bhagendja nabho bhakwedje. ¹⁰ Djokande bhoyo bha mbémbá maké ntina ya bhobhehu bhosusu bhadu, bha bhadjuni mosôo bhaibhedja boyambi mpé bháyáyókedjá mpasi mingi. ¹¹ Akpulia we mogendja wa Mongai tia lôoma kya dhisusu, mpe nukana bhósembó iwa, loyambi, bolingo na bho ambá boboto. ¹² Anabhéa bhaloya mbi, nukana bhobhisa bomoi bha lobiko na ôsé Mongai abhéya, mpe akpulia yana ya sakwa we boyambi bha we amiso na bhagéndjá bhanene. ¹³ Mbi nelindi we, liboso bha Mongai obho ohanéa lôoma lhisusu mpe liboso bha Akongo Klisto, obho wakôo ésákólá ya solo liboso bha Poso Pilato, bhobhanea mibeko, ¹⁴ Mpe bhohela bhogôo, kati na bhópámea, kina bhusa bhabhowa Nkumu Akongo klisto, ¹⁵ Bho poko ékákóka Mongai amolinda ayenéné, ¹⁶ Ókó iyo méene atagwa te, akahéla motandanda te molhimane, kiti siyo ébhe mogendja omoti akokiti bhotobha te Mpe bhowene, na nda onéani lokumu makasi na bibéla Amina ¹⁷ Palela bhagendja bha kita bha edhaa na lolendo te, mpe bhoyisa mema te na kita djibho dja bheha, kasi bayisé méema na Mongai, obho oka elumedjaka na bhooma lhisusu bhoo yasepé na adhu. ¹⁸ Bhakôo oko bhopée, bhadjué kitana misaa mikakobho, basalidje bhagendja mpe bhabha kabhee bhoma na méema mipée. ¹⁹ Okobhoa bhaka bhombea ekima ya mene mene ebheya émée na pókó ekabhoa. Akpulia adjué bhomoi bhasolo. ²⁰ Timote, bhanea bhopée bhosusu odjwuiwe, totuthée bhukadja edjegi te mabho matiké nandjia ya bhoyambi te otihe mpe bhuka yabhunganu ma bhabho bhayeni bho bhake na mayele ma solo, ²¹ Bhagendja bhakina bha sakokwa ngandodjia bhabhehedji boyambi bhabhu. na ngolu edha na we!