¹ Kasi molimo moye bhuka na mobhano bho, teyi mpoko ya lingongo, bhagendja ndambo bhayi bhaye na bhoyambi, ² Mpé bhabhimeme nhi bhehu bhaitomba élembó ya monsa amema bha bha senginya, ³ Bhabha lembeya bhonso, mpe bwaka nhiya nhako Mongai akpulia bhagendja bhande bhayi mosepa bhe bhayidjea bhobhehu bhamasolo bhahake bhamokumise. ⁴ Ndjokande susu nhako Mongai ekhe bhopele, nakho eyoma omoti te bhaye nhumbe inakho okha tomba na mwema ogó, bho masumu ma petolami na bhuka ya Mongai mpe na mabhondeli. ⁶ Okha teya bha mangwa, owanha mosaleli wa Akongo klisto, bhata djea bhowa te bhatadjea bhoyamba moteya ma menemene mabho mayambi we na mwema momoti. ⁷ Ye matshatsha mpe bhobhuka ma bhanhi mibhange bhadje tina. ⁸ Akwowa bhosantu; bhokwa mokuku ekhe na tina ya ngando bhosthenhu, kasi bhosantu ekhe na mogendja mosusu, bhanha na libhunha ya bhomoi monyie mpe ebhe ekhanhowa. ⁹ Bhuka ena ekhe mene mene mpe bhagendje bhasusu bhaka insa mwema na mayina. ¹⁰ Inso ekhansa, bhopele, mpe inso ekhahana, inso ikha insa elikia yasu mpamba ya Mongai obho akhi na bhomoi, obho akhe moheledji wa bhagendja bhasusu na bhatu bhasusu bhabho bha moyambi. ¹¹ Sakwowa ngando djibho nhitange djiwe. ¹² Mogendja omoti ata ine bhowana bhawe; kasi onha ndakisa akpulia inso bhabho bhayayi bhuka, na bhuka, na bhopa, na bhoyambi, na bhidjaleli, na bhonganga bhawe. ¹³ Tebhusa ya dhowa mbi, anyea na bholanga, na malendisi mpe bhateya. ¹⁴ Towene edjegi likabo nhibho nike teyi yawe, mabho maneani na bhuka ya bhaprofeta mpoko ebhe yayisia ibho mabho. ¹⁵ Isa mwema na mabho masusu, aneya mobimba na mayina akpulia bhatu bhasusu dje ayike bho bhasusu. ¹⁶ Abhaneya we mene mpe khebha na mateya mawe; insa molinde na ngando susu, okhakho bhowa, ohahela wemene, mpe owa heledja bhabho bhahokawe.