¹ Nakina, ngiana, na ebhe yahoka ino nasu ndengende ekhoki ino bhowa kamba mpe bhosepelisa Mongai, mpe bhowa okhakho khobhowa, iyongi nnau mpe elapeni nanhina na Nkumu Akongo bhosomba andjia ena bhwadinda na bhwadina. ² Odjeyi bhope mibheko maneya ibho na nhina na Nkumu Akongo. ³ Mobho mowapai Mongai tobhayi bhasantu; yene ngando ya bhosoni; v 4 Omoti na omoti abhane mokuku mande mene, na bhosantu mpe na limeniya. ⁵ Ayetuteya bhosa ebhehu na mokuku, dje ebha kho bhapagano bhabho bha bhadjeti Mongai te; mongendja omoti te akhose manango to bho mokho bhobhehu na ngando dja nde, ⁶ Nkumu awidja bhobhehu na ngando susu, dja yabhukia inso mpe bhokia. ⁷ Ndjokande Mongai ayi bheyatite bho ekho masumu, kasi na bhowa petola. ⁸ Obho ongani mibheko miya obho yana wa nhumba mobheko anhumbi te mogendja te, kasi Mongai, obho aneani molimo santu. ⁹ Bhabho bhake na linango na bha mangwabhu, otikhe na posa bhakome; ino bhene bhowadjwa na Mongai nanu bhapana bhabho na bhabho, ¹⁰ Mpe esusu bhokako ino akpulia ngiana djanu teyi ya Masedoni esusu. Kasi nikha lendisa ino ngiana, na bhobhasane mpókó susu bhobhosa bhonene teyi ya bhopa, ¹¹ Mpe na bhoyisa lokumu djawe, bhayemeya ngando djanu mene, mpe na elomo na mabho manu, dja linda inso, ¹² Ndenge ekhasombedje bhope pambe ya bhabho bhake tiambo, mpe otikhe na posa ya mogendja. ¹³ Epaiti, ngiana, tonha na bhobhungia ngando djibho djiheyi, matina hó bhonyoko dje bhakina bhabho bhatikhe na elikhia. ¹⁴ Ndjokande, ekandima bhe Akongo ayi gowa mpee Ayisekwa ndimani bho Mongai anhowa na Akongo mpe nade bhobho bhagwa. ¹⁵ Nse, bhinhebhe, ebhe ekha bhukia inso teyi ya bhuka ya Mongai: inso bhahele, nhikha monkando bhonhowa wa Akongo, inso ebhongi te bhonyo bhabho bha gowa. ¹⁶ Ndjokande nkumu iyo mene, elembo ebhe ya neya, na nhoyi nha Anzelu, mpe limbili nha Mongai bhotiti bhanhiko, mpe bhogowa bha klisto asekwa libhonso. ¹⁷ Nasukha, inso bhomoyé, nda wa nhika, yanha inso bhasusu nsio emoti bhojdadja nabhu nhiko nha bhonhinhi na bhosangana na Akongo teyi ya mopepe, mpe yanha poko susu na Akongo. ¹⁸ Bhondela ni ino nanhu na bhuka yande.