1 Akpulia ebhe tangho mpe pókó, tothithé na mposa, ngiana, bhobha akomé. 2 Bho odjei bhopee ino bhéene bhopée bho bhusa bha Mongai bhadhoa dje Mogendja wahuu bha na bhuu. 3 Pókó bhami abhaka: ekena ebhaana bhobhoto mpe edhaa bhobhi! bhobhele bhusa bhua yogó yabha kweyee na mbalakaka, dje epeko ya bhobota ekakweye mwadhi akhé na dheemi, mogendja nako omoti te abhongi te bhotia. 4 Kasi inu, ngiana, otiké té amodhidhi, bho bhusa bhua bhoekhodje huuba; 5 Obhaki bhasusu gbongi bhabhohuu, mpe ngbongi bhamoyi. Etike bhabho bhabhu te mpe bha modhidhi te. 6 Toyane tedje bhaminana yo, bhana bhekenge mpe dhamodhidhi. 7 Bho bhabho bhakahee bhahee nabhuu, mpe bhabho bhakala ngwa bhalangbé na bhuu. 8 Kasi iso bhabho bhatike na dhitomba, belanghe te, na bhaa mokaba mabho yambi mpe bolingo, mpe edha na ngundhu ya elikia yadhiko. 9 Bho Akongo bho Mongai a eyisi te agbetu, kasi bhodju lobiko na Nkumu wa su Akongo klisto, 10 Nda oghu akpulia iyo, tina, yabhoakengele, bho iso ehee, ekahela sio emoti na ande. 11 Akpulia bholendisana ina na ino, mpe wa te ye ino na ino, dje nabhosolo okaôo. 12 Iso eyongi nanu, ngiana, bhodha na boyambi akpulia bhabho bhaka sáa teyi yanu, obho okasambedja teyi ya Akongo, mpe obho oka elendisa. 13 Dhaa nabhu na bolingo mingi, akpulia misaa mabhu. Dhaa na bolingo teyi yanu. 14 Ebondeli, ngiana, badjedja bhabho bhakahela teyi mobulu, malendesi na bhabho bhahembi, nyanga moéma na bhabho bha tiké na makasi bolimbisa neni ino ba susu. 15 Tomba bhokengele mogendja omoti te a ehudje Amina nande bhobhu teyi ya bhobhehu; kasi tuteayi bhopée, djaa teyi ya inu edha baminana. 16 Dja pókó susu nabha sepa. 17 Bhoabhela bhodha na suka te. 18 Ekumise na ngando susu, bho na bhosee boilngo bha Mongai na Akongo klisto. 19 Toyidja molimo. 20 To tshoele bhasakoli. 21 Kasi see bhoma bhisusu; tombei dhibho dhike bhopée; 22 Emeani dhisusu bhibhehu. 23 Bho Mongai wa kimia iyo mene aapetole isusu mobimba,mpe esusu ekhe lamoya we esusu, elimo, mokuku, abhanea makasi, pókó ya bhodha bha Akongo klisto! 24 Obho obhei atóhee, iyo moto wakokodja ngando djande susu. 25 Ngiana, bho bhondeli akpulia iso. 26 Banea bhasusu mbote na biso. 27 Nelapeli ino na Akongo bho etumba bama eyangané na ngiana bhasusu. 28 Ngolu ya Akongo klisto edhaa na ino bhasusu!