¹ Akpulia ya, bhowamba bho wa nhani, mpe ino bhodjwa mokano abhoye mbi mbuki a Atènes, ² Inso imolindi Timoti ngianhasu, mosaleli ya Mongai teyi ya bhosakwa na Klisto, akpulia bholendisa mpe eyongi nanu abhonyambi bhanu. ³ Mogendja omoti te tenha mwema nhiko akpulia monyoli mabho; ino bhene odjeyeni bho monyokholi te madjange. ⁴ Tango enhaki inso phanhi nabhu, yabhukia inho libhoso bho yanhanha mobhuku, ndenge ya thobha bhaka inho, mpe ndenge yadjeaka iyo. ⁵ Maina, na bhoyembedja na molinda abhuke na bhoyambi, teyi ya bho bhanga mosengenyi ate senginye te, inso mpe ensi elomo elomo ya edjegi te. ⁶ Kasi Timoti, adjongi bhotobha bhinhe ebhe, ayinye mosambo bhopeli ma bhoyambi mawe mpe na bhopaa bhabhu mpe ayibhuka nansu bho okhi na mada mape akpuya ansu, yaphabho owene inso dje inso ekhapa bho ewene we. ⁷ Mayinanga, ngiana bhopani bhasu bhone esengo teyi ya pasi mpe bhonyo kwama ebhe ekha hoka inso. ⁸ Ndjokanda, sikha abho ekha hela, sikha bho edjeyi inso bho ekha yamba Nkumu. ⁹ Eyomande ekha tondo Nkumu, atinabho ahulidja Mongai na ngando dja mbi akpulia esengo esusu ekha nhisa inso akpuya ansu, libhoso nha Mongai! ¹⁰ Bhú mpe bhusa, ino ekhasambela na ngunhu bhobho esunge bho owowene, mpe bhobhake mubho modjangi akpuya bhoyambi bhasu. ¹¹ Mongai iyo mene, sangwasu mpe Nkumu wasu, aye bhongedje ndjia yansu akpulia bho ekhe pamba yanu! ¹² Nkumu apingidje bhophana bhansu, amiso nha bhagendja bhasusu, bhophana bhuwa ekhe nabhu inso bhene akpulia abhu, ¹³ Nhingongo akpuya bholendisa mema akpulia bho tonha bhobhehu te teyi bhosantu libhoso ya Mongai obho ya, na ngonga ayi anhowa Nkumu Akongo na bhasantu bhande bhasusu!