¹ Ino ódjeni ino bhéene, ngiana, bho bhotobha bhasu pambé ya nu bhabhatina éyano te. ² Lhingongo bhaa bhowene mpasi mpe bhodjuwa ngando óhó ha bha Filipo, dje édjei ino ya bha su lifata bhiké bhondima bha Mongai wa su, akpulia bhódjédja bhosakowa bha Mongai, teyi yaa ngando pélé dja bhia. ³ Djokande bhoteya bhasu te bhaana bhobhoáa, kati na ngando dja bosoto, kati bhikó bha huubha; ⁴ Kasi, Mongai iyo mée wa éyengée mpe aiyénéa élomó ya bosakwa bhuka épélé, naina mobuki iso, tenukáné bosepélisa bhagendja te, kasi ókó Mongai óbhõ odjei méema má su. ⁵ Bhusa bhõmoti te ya abondele ino na bhuka ébhehu, bhodjei bhaina élhakiti na maleni ma bhodjwa mosolo te, Mongai adjei yana. ⁶ Enukanakiti lokumu bhibo bhidjongiti pambé ya bhagendja, pambé ya nute, pambé ya bhagendja bhadina mpe te; iso ékókati bhóonga ino te ékomeni bho éké bhapostolu bha klisto, ⁷ Kasi épáakini makasi dji ima ékátombé iyo bhisalisi bha gbongi bhande, ⁸ Kasi épáaki, épáaki mpe bhóakamba bhitombo akpulia ya nu kati ókó bhónea bhuka ya Mongai, kasi nakina bhomoi bha su bhéene, otobhakisi bha magwasu bha bolingo. ⁹ Ino ino okatimani, ngiana, élómó, ya su na mpasi ya su: bhuu mpe bhusa ébhaki ya lómá élómó, bhote wadjaa mogendja omoti muuna te, ya sangelani mosambo mópélé ma Mongai. ¹⁰ Ino ókéni bhatemuwé, mpe Mongai áké ina, ébhé ébhákiso liboso bhanu ébhaki na édjaléli ya bosantu, ya bosembo na bhóbhéhu bhomoti te. ¹¹ Odjeini bho ébháki nanu édjáléli ébhé éká bháa yáa na gbongi, bhande ¹² Étiyáki, éléndisaki, mpe ébhondeleki ino bho ohlani na édjáléli ta Mongai, óbhó abhéeni a abhókóndji bha nde mpe na kémbó ya nde. ¹³ Na maina éká tóndó ngolu Mongai na boyambi buka ya Mongai, bhibho lya asakweyani ino, wa lhiyamabani, kati dje buka ya bhagendja te, kasi, olhiyambini dje buka ya Mongai mpendja, ébhé ékákómene. ¹⁴ Djokande ino, ngiana, ino otobhini ndenge emoti na éklézia ya Mongai ebhe eke amabho ma Akongo klisto na Yudea, akpulia ya hamangwa nu na mokando momoti bhibho bhienekino mpasi asiyo ya bhayunda. ¹⁵ Éké ibho bhayunda bhaabho wa bha weedja Akongo klisto mpe bhaprofeta, bhabho bhaenyoko iso, bhatika sepelisa Mongai te, mpe bhake bhanguna bha bha bhagendja bhasusu, ¹⁶ Owélembeni bhosolola na bhapagano akpulia bháhélé, poko susu bhake bhowa bhopingidja masumu ma bhu. Kasi gbéku ya Mongai ebhakweyei ibho. ¹⁷ Akpulia su, ngiana, emadji bhógbáná na nu bha masu, kasi ébhósainiti te, maina bhobhakiso na mposa mpenza mpe enukanaki ndjia susu bho ekumbeni ewenene nákina. ¹⁸ Epáaki bhóbhówa pambé ya nu, mbi polo, nikánéaki bhókóo bhowa kati ókó mbala émoti te djibhale mpe te; kasi satana alémbéaki mbi. ¹⁹ Kati ókó ino, bhanda bhabhaa élikya ya iso, ésengo ya su to gundu ya lokumu? etike mpe ino lokola, liboso bha Nkumu wa su Akongo klisto, bhusa bho iyo alhowa? ²⁰ Iyo, óké kémbó ya su mpé éséngónya su.