¹ One asamame wa bakisame imilya wango ta elimo yaho otondo, pe mekaka olimo waho toluwa lahimbe embe ye Yisalilombo,lambi mbe mbenise ondolo mbakoya uke ta okili. ² lalo nde eluwa enu Olimo Wisalilombo: Elimo yaho otondo ye isombokole Yesu Kilisito one ayele la lokomba mambe mbe mba Isalilombo; ³ Elimo ye iti sombokole Yesu Kilisito mbati mbe mba Isalilombo,mbanbe mbe mbemalele Kilisito,ani aluwisamaka enu mbo eya sikani ambe eni ta okili. ⁴ Enu ana mbana mbayi,ombi mbe mba Isalilombo,pe walongaki wo,lambila one ambe ta ino aleke olene oleka one ambe tokili. ⁵ Wo,mbambe mbe mbokili lambi mbeka mbisa yokili,pe okili woka wo. ⁶ Esu, tombe mbe Mbisalilombo;one aluwe Isalilombo oka esu;one ati one Lisalilombo oke esu:honde eluwesu olimo olehala la we wokoto. ⁷ One alangame,tolanganaki mbe la mbomo;lambi losamo lombe Lisalolombo,one ambosamaka ambe one Lisalilombo pe aluwe Isalilombo. ⁸ One atisame atiluwe Isalilombo lambi Isalilombo ambe losamo. ⁹ Losamo Lisalilombo lenelaka taiso lani atomaka wanande kamotoko tokili, mbo tikke landole yande. ¹⁰ losamo laho lotiko tesu mbe mbasamaka Isalilombo one alangaka esu atomaka wanande mbangwelake esu tondolo wiso. ¹¹ One alangame,ani Isalilombo alangaka esu, engane mbo tolanganake esu mene. ¹² Olonmbo ango amoto akata ena Isalilombo;ekamba mbo tokalangana esu mene,Isalilombo engala taiso,konde losamo lande le lokoke lengala taiso. ¹³ toluwe mbo tombe tande,lambi afaka esu olimo wande. ¹⁴ Pe tosena ye pe timilya mbo atomeka wanande tikisa okili. ¹⁵ One ambo yambolaka mbo Yesu ndambe wana Lisalilombo, Isalilombo engala tande pe ye ta Isalilombo. ¹⁶ Nde esu tosoluwa losamo Lisalilombo taiso,nde tokimilya ye. Isalilombo ambe losamo;one ambe ta losamo ambe Tisalilombo pe Isalalilombo ambe tande. ¹⁷ Ani embeye,ani embe esu tokili:nde embe losamo lelokoke lombe taiso lambi mbo toyake la wimilya okolo olisambi. 8 Anga oti ta losamo ,nd losamo lelokoke lokpesa aanga,lambi anganga wefa enyoko lambi one anganga ati koke ta losamo. ¹⁹ Taiso, tosame ye lambi yende asamaka esu felo. ²⁰ Ekamba mbo olombo amoyi ekambo,isame Isalilombo nde feka one angalande ambe olombo la lotamba lambi one atilange one angalande one enela, elanga ye Isalilombo isani one ati enele? ²¹ Tombe tande ye ebeko ye:mbo one asame Isalilombo asame one angalande.