¹ Enaki otema lehala wokombo Isalilombo enisaka esu,tapoembo twatakamake ana mbande,lambi tombe ana mbande,okili oti luwe esu,okili mbati luwe esu ambo mbati liwe ye. ² One alangame,tombe sikani one ambe Isalilombo pe ani embo ngalaka esu ekata enisamaka;toluwe mbo,tango embenisamaka yaho tongala nenge emoto ani embeye. ³ Embe mbo,one ambo simelaka ye engala losembo,ani embe yamene peto. ⁴ Embe mbo one ambo tongaka ondolo eseya ebeko. ⁵ Ndjoso, olowi ye,Yesu ayaka poyosilisa ondolo,pe eti londolo tande. ⁶ One ambongalaka tande atonge ondolo;oone atonga ondolo aketa ena ye pe akata luwa ye. ⁷ Ana mbana mbayi,eti lolombo ango amito lolimba enu one atonga lehala ambe lehala ani embe yamene. ⁸ One atonga ondolo ambe lifofo ; nde yaho lifofo etongaka lisumu ko ta otema;wana Lisalilombo ayaka ta po yoya tshangokola akambo mba Lifofo. ⁹ Embe mbo one ambe otamaka lise la Lilombo atongakr lisumu;mbeku yi Isalilombo ekemda lande;atongake pe lisumu;poembo otame Lisalilombo ¹⁰ Hamaho nde eluwanaka ana mba Isalilombo,la Ana mba lifofo.embembo one ati totongela obeko ati wana la Isalilombo;angokolo mba one ati tolanga ndeko yande lome ¹¹ Poembo enekeleka mbekela enu laye yokaka enu tii ko ta laakeyelo, yaho nde ekoke lolanga esu mene la mene. ¹² Etikokane pe la ye yatongaka Kaina one angalaka lakanisi andolo one olakaka ndeko yande Lome,tapo embi nde olakaka ye ? poembo Kaina esala yande yangalaka ondolo. nde ndeko e lome yande ambaka lesala yi lehala ¹³ Watalimowayi,andeko olome,ta po embo okili wokaoka enu kele. ¹⁴ Toluwe mbo twalekaka ta losingo pe ta loiko;ta mpkembo tolange andeko mbiso. one atilange ndeko yande ekenda la losingo; ¹⁵ One ambokaka ndeko yande owe ambe liloka oluwai mbatiango Lolombo ango amito one ambe liloka ati la loiko lo seko lo okenda ande. ¹⁶ Twa luwaka lolango laye Yesu Kilisito afaka loiko lande ta po ya esu, esupe tokoke lofa Lohiko wiso po ya andeko mbiso. ¹⁷ Embe mbo olombo amoyi akamba la yeto nde akena andeko mbande nde efeka enela la ba ndole yaho otondo isani tonde lolango lo Isalilombo wokenda ande ? ¹⁸ Ana ilenge wolanganai awoyi to ba kota nde toluwa la koloko mene hamaho toluwa mbo tombe penza osembo. ¹⁹ Peta oluwa penza etema yiso ye isolo felo yande poembo etema yiso ikofa esu liyendjo,Isalilombo ambe olene oleka etema yiso pe oluwa akambo yaho otondo ²¹ Onalangame ekamba mbo etema yiso woti tofaye lyendjo tombe la hama felo ye Isalilombo. ²² angisani tokamba ye toya eko la yamene,tapo embo tuunde etindo yande pe totonga ye imbe sembo felo yande. ²³ Konde etindo yande : okanisa la lina li wanande a likinda Yesu Kilisito hama ho nde tolangana esu mene la esu mene la etindo ye yafaka efa esu. ²⁴ One ambo batelaka etindo yaho ekenda penza ta Isalilombo pe Isalilombo ambe pe laye, pe toluwe mbo tookenda Lolimo we wafaka efa esu.