¹ Ana mbana mbayi,yesinela enu le lema,otoya tongiyondolo.ekamba tombo amoyi akotonga ondolo,tombe lonekela esu elo embe ise,ako Yesu Kilisito.olombo one akoke. ² Yamene ambe lokuli owawa ta ondolo wiso,eti kowewiso konde okili waho otondo. ³ Tokisa ebeko yande yande,enela mbo tokoluwa ye. ⁴ One eka mbo:aluwe ye nde ati unde ebeko yande,ambe olombo la lotamba,ati losembo tande. ⁵ One ambo batelaka lyoyi lyande,ngandi Yisalilombo embe tande:honde eluwa esu mbo to mbe tande. ⁶ Oneka mbo unde ye akoke lokenda kani ekenda yamene. ⁷ One alangame,eti lobeko wosikani wokosina eyi embe obeko yoye enu ta lakeyelo.obeko waho lye lyoke enu. ⁸ Lesile la lesile:embe obeko osikani wombe osembo ta nde konde enu lambi lima lyetia pe fololo eya. ⁹ Oneka mbo ambe ta fololo nde omalake lone angalande akombe ta lima. ¹⁰ One alange one angalande ambe letati lofololo atikoke longala ta lima. ¹¹ One atilange one angalande ambe ta lima,ekendela ta lima pe aluwe lelo etiaye lambi lima li lime aiso mbande. ¹² Yesinela enu ana mbana mbayi, lambi ondolo wino okolimbisamala lina lyande. ¹³ Yesinela enu aise,lambi oluwi one ambeye tikota lakeyelo.yesinela enu yapalanga lambi walongaki eyele ondolo,yesinela ana mbana mbayi,lambi oluwi Ise. ¹⁴ Ikasinela enu,Ise lambi oluwi one ambe ye ti ta lakeyelo.ika sineka sinela enu yapalanga lambi okombi la lokulu,lambi lyoyi Lisalilombo limbe taino, walongaki olimo ondolo, ¹⁵ Walangami yokili,konde iyengo imbe tokili lambi losamo Lisalilombo loti tone asama okili. ¹⁶ Lambi one asama okili ako pengwa ta lokomba,taiso,pe ambe losala ta loiko.ambe olombo lokili ati one lise. ¹⁷ Pe okili weleka konde opengwa wande,one atonga ani esame Isalilombo ambe olombo la seko. ¹⁸ Ana mbana mbayi,one ambe lesile lo litio nde ani ekoluwisama enu mbo one ati samake Kilisito eya,sikani mambe otuka honde eluwa esu mbo tome ta lesile lo litio. ¹⁹ Mbasomowe taiso,ndjoso mbati mbe mbiso,nde mbelimbaka mbo mbambe mbisolesile lokokoka lenisawo mbombati mbe mbiso. ²⁰ Taino okaoyi ngandi landole yone atila limeli enu otondo oluwayi. ²¹ Ikasinela enu asini, etimbo otiluwi osembo,oluwayi emembo one ati la osembo ambe olombo la lotamba. ²² Ona lotamba,embe one afeke mbo Yesu ambe Kilisito,afeke konde Ise konde Wana. ²³ Onafeka wana atitise,one asamokola wana ambe la Ise. ²⁴ Le lokaka enu ta lakeyelo lotikalake ta ino,le lokawokenu loka tikala ta ino,le lokaoka enu ekatikala taino ombi ta Wana pe Tise. ²⁵ Ako luwisa esu mbo toya loiko loti la litio. ²⁶ Ika sinela enu,mbakambo lmbi otoya pengwayi. ²⁷ Taino,lokulu lokahoya enu embe mbo ambe taino pe otiyale langandi yenisama,lambi lokulu lande le nisa enu,akambo mbahotondo mbambe koloko mene,mbati ango la lalimeli lilotamba,ongane ani eluwisa ye enu. ²⁸ Skani ana mbana mbayi, ngalaki tande lambi,embenisamakaye totingo ongala la lehoyi,pe emboyaka okolo wande totoya ngala nenge emoto la mbe mbatiluweye,pe ngonda yande. ²⁹ Okaluwi mbo ambe olombo la koloko mene,luwaki mbo one ambo tongaka koloko meneotame tande.