¹ One ambo imilyaka mbo yesu ambe Kilisito,otame ta Isalilombo,nde konde one ambosamaka one akotama esama konde one otakaye. ² Toluiwe mbo tolange ana mba Isalilombo,ta ekolanga esu Isalilombo,nde lani totonga alako ebeko yande. ³ Lambi losamo Lisalilombo eme mbo tobatelake ebeko yande,konde ebeko yande iti ye yolaka, ⁴ Lambi mbe mbotame ta Isalilombo mbelonga okili; konde lelonga lo olonga okili,yaho nde embe limili liso. ⁵ Ndi one alongaka okili,kone imilya mbo Yesu nde ambe wana la Isalilombo ? ⁶ One,Yesu kilisito,one akaya laye konde aineka;eti mbo laye lofala, nde kola aye kola aineka;nde kola Olimo nde afa litatoli,lambi olimo nde ambe lokomene. ⁷ Lambi mbambe isaso mbe mbafe litatoli: ⁸ Olimo,aye konde aineka,nde isaso yaho yokana. ⁹ Ekamba mbo esu tokayamba litatoli lyalombo,litatoli Lisalilombo lileke olene; lambi litatoli Lisalilombo ta mbe mbeke lehala ta wanande. ¹⁰ One imilye wana Lisa lilombo ambe lekelama lehala tayamene;one atimilye Isalilombo okatia olombo la lotamba,lambi ati timilya akambo lehala mbafaka Isalilombo efa wanande. ¹¹ Enaki yakambo lehala,mbe mbafaka Isalilombo efa esu loiko loti la litio, lambi loiko laho lomba ta Wanande ¹² One ambe la Wana ambe la loiko;nde one ati la Wana ati la loiko. ¹³ Yandikelaka enu lambi oluwakayi mbo ombi la loiko loti la litio,enu mbe mbakaimilye lina li Wane Lisalilombo. ¹⁴ Elo embe ye tombe la elikya,mbo tokaamba lema lomoyi laposa yande, oka esu. ¹⁵ Takaluwa mbokaka esu,lema lombahambaka esu ye, toluwe mbo tombe la lema laho lokaamba esu. ¹⁶ Okena one akalango etonga ondolo weoti olake olombo,sombola pe Isalilombo efaye loiko,efaka loiko tambe mbatongake ondolo we otitole olombo ta losingo,embe londolo wo tole olombo tondolo;etita ondolo woho nde wotome eyi mbo osombokokalaki. ¹⁷ Ondolo nyoso ombeko ondolo,kasi embe londolo woti tole olombo ta losingo ¹⁸ One aluwe mbo otame Lis alilombo ye itiotonga ondolo;one otame Lisalilombo angalake likofo,mbe mbayele andolo munde ye. ¹⁹ toluwe mbo tombe mbe Mbisalilombo,toluwe mbokili waho otondo wundame lambe mbayele andolo. ²⁰ Toluwe pembo Wana Lisalilombo akoya,tapo yofa esu weli woluwa lehala;pe tombe ta lehala soolo,ta Wanande ako Yesu Kilisito.yende ambe Isalilombo soolo,pe loiko loti la litio. ²¹ Ana mbana mbayi ngalakayi lokofo ta osombokola mbe mbati isalilombo lo soolo.