¹ Ako uwe,sugo yaka ngbanga ta no isawu ye telo. ² Sugo bo likweikwei losisekiyo a biyo bo dasiya,ngbingbii,muhuwe no baya a mati o bukunda no mutima wo tota. ³ Sugo bo boyi bo tetiye bo bosisekiyo a biyo kuno butu ingbaa a beyi,sokomu no yakanaka,ninjonono a makyepu,bo sisekiyo a ninjo mapanu koto malo, ⁴ adaa ngiya bosisekiyo a sigiyo basabakye bo bikunda baguwe no bana bebo, ⁵ a biyo bagbae,sokomu no busodo,bobiyo ako kiya ba teya bo mbeni,balo,asi o mapanu uko ba guwe bebo,do bati tokokiyo komu Asobee malawu. ⁶ Paniya bandambu ako biyo ilo, ⁷ wobu pananiso bo wa iseseniyo yo mukyananakiya wo tolo,no ninjo mapanu koto ngbingbii,malo,isawu ye telo,sokomu aka babiwo nowe ako guga,do muyaa nguwo soo ngitiya,sokomu ibiyo noyaka ngiye ati sigiyo. ⁹ Sigiyo kuwo ba baya bo bibiyo asi o mapanu nguko ba ngama nguba bebo,bibu kyananakiya a lingbaa libomu,sokomu atosokiyo monu,sokomu a nibo,bo pananiso bo bangomu no yaka nga yemo do Asobee Muheiso nguwa weso isika ubiba. ¹¹ Do majiyo nguko Asobee,itindindi yo buheya ubo bombi babomu ka pananiya jene. ¹² Kati paniya a siya busodo no musasa wo ndutu,ako heya amati o mago ngukake no nimbimbyanaka,no bu ngbingbii,no ingono no bulo, ¹³ a betakiya itunguyo,no ubiba uwo bisi bo Asobee iya ata muja iho no Muheiso nguwa weso Yeso-Kilisito, ¹⁴ Iya enjonono iyo mambinyongo ako isu,do iti chweiso amati o bubibi,do ikiya ambaja iya ango,bo ngwa,no kekee ako kiya bulo. ¹⁵ Sugo yaka ngiye,paniya,no toyo no angu.Mombi ati nenakanakiyo komu.