¹ Butungiso bo bibiyo asi o mapnu nguko ba joji no bangama,bi buka,a biyo bandane ako kyananaka manjanja ² sokomu anina mombi butuu,abiyo a nuka bange,bo dasiya,muhuwe no majiyo ako bombi babomu. ³ Do gutu ta isu,tabiyo jene ku lijangi,sokomu a nuka,bengetiye bahuwe no musasa,no bukabukayi,toheya a mati o mukyananakia no musasa nguwa wana yaiso no bombi no yaana amati eso. ⁴ Yaka mengana,iye bulo ngubo Asobee Muheiso nguwa weso no bukunda nguba bango akuu o bombi beniyaniya, ⁵ ati heiso,sokomu do takiya yaka ye telo,ta do bukunda bango,ingbaa ako ubatiso nguwo notaniya yo bepini ako Mutima wo Tatu, ⁶ uwa awu ngbengo akuu eso uja ingbaa ako Yeso-Kilisito Muheiso nguwa weso, ⁷ do,to gyabanakeni no bukunda,tabiyo amati o itunguyo bana bo mugyendo wo mabee uwo to gbaliyee bo ndindii. ⁸ Upanu nguwa nani wa ingono,no kundo bo baya uwe ku bani,do uba ba baya Asobee bikpataka mukyananakiya wo tolo.Iye neni yelo no dada ako bombi. ⁹ Yaka mengana,yaa ipumbu yeta butuu,nagbonyonoko amati o anja,mangoyi,lulwono akuu o upanu;do yangomu no dada. ¹⁰ Kela lu no,uba bakunda nagbonyonoko,womu gugeni iyo peyi no iyo mbise, wembiyeni bo mombi nguwo ngiya nani amu dangbane, ¹¹ no akiya bubibi,no akiyono mukombo nguwo wango iyo mumbinyongo. ¹² Iye nana tuma suwo ano Alitemasi no anoTichike,ika suwo gagaa nemi ako gboka ano Nikopolisi;do na chaniso suwo angbinga o sesu inani. ¹³ Tambanaka suwo kyendka ngiye Jenasi,ngama o mapanu ata muja,no Apolo,adaa ngiya bo ikyemu yati janga komu. ¹⁴ Yosisekiyo bo uba beso bimbiya kuwo akiya bulo no ako pipo misasa ngiye ya biyo,do bati biyo komu sokomu no nota masoo. ¹⁵ Babomu nguba ba iho no imi bona bokuwo.Bokuwo kuwo uba bati kunda amati o baya.Majiyo kibiyo iho no inu babomu!