¹ Polo,baya o Asobee,no mukpata wo Yeso-Kilisito ako baya yo bombi nguba Asobee a buchwa no nimbiya ingono iho no bu ngbingbii, ² iye ya wolo a itungiyo yo ubeyi uwo mago no mago,iye ati panaka jene aningwa ku ijene ako Asobee ngiya ango sugo mujee, ³ no iya a pananiso upanu nguwo wango ako angbinga ongo no mapanu uka banenjo ako ino yo Asobee Muheiso nguwa weso, ⁴ ati Tito,mwana asemi ata munote ingbaa ako baya:bukunda no majiyo kibiyo nowe aningwa ati Asobee Abaa no ati Yeso-Kilisito Muheiso weso! ⁵ Nana siya jene ano Klete do tambanaka yaka ngiye yatukoo,no,akpatanakia no mapanu nguko semi,napiyoko likwikwei a gulu nangana nangana. ⁶ Yobiyeni bo mombi ata ngbingbii oo,guwe o moyi mungana,ise o bana nguba boka upanu,uba bangomu no busodo ama no ipumbu. ⁷ Yo sisekiyo bo ikweikwei ibiyo ngbingbii,ndi mombi ngiya abeyoko likyemu lo Asobee;ati biyo komu no aliya,no gbinjanaka,no idamu,no bukabukayi,iya ango hata niniya no ikesi no ingbaa yeta bibi; ⁸ Yaka mengana ibiyo mombi ata mu teteye bombi,manye o bombi boto balo,ngbingbii, ⁹ tu,bo dasiya,mubotone ako upanu kengono ndi paniya,do ibiyo adaa ngiya o paniya mapanu koto malo no yaa uba babunjoko mapanu. ¹⁰ Yano,nogbe,ako uba mango bukiyo komu iguni,bombi uba bangoka upanu,uba bayaka nogbe, ¹¹ no bapetanaka, nosisekiyo nabo anuka bagbae.Ba kwisiso mafini,bapaniya bibini ako hata mukaya wo soni,no iye bosisekiyo komu ako paniya. ¹² Mungana amati ebo,igbe ngiye yebo ingainga,asugo bo:Inu ba Klete bombi bo mujee,banama bota bukabukayi,maa ko taa. ¹³ Yaka ngiye neni ya ingono.Kubani bu botoko bumu,do bibiyo no baya ye ingono, ¹⁴ no nati kpakpana komu no ba todu bo bayuda no mapanu ko bombi nguba bayaa ingbaa yeta ngbingbii. ¹⁵ 5Yaka ibomu ya tu ako bombi nguba ba tu,yaka mengana yaka yeta tu yangomu amati o bombi nguba bo makaku no uba bangomu no baya,nimbiya no mitima ngiya yebo yano makaku. ¹⁶ Bakiya ndi bembiya asobee,bobeyi do nayo ako tatiya a mukyananakiya,ibo do ba dangbane,bombi bo ipumbu,bango kiya sina yaka ye telo po mengana.