¹ Ambisongo,Yeso opunga a chanaka kila buma nokila ikumbu,a paniya isawu yetelo iyo bungama uba Asobee. ² Bakpata babiyo iho nayo,no mukpekpe yo boyi uba baheya no bamu,no bakabu dididi:Malia Magadala,iya Yeso amuchweiso babii melia-nika, ³ Jane moyi o Chuza mombi o teya iyo Helode,Sujana,no bomo baja bokiyo nayo ako saliya no likyemu lebo. ⁴ Iye ambaja ata muja amomaniya,no bombi uba beka a babuma dididi,obu sigiyo iseseniyo iye: ⁵ Mombi mungana asa ahunanaka.Iye okiyo a hunanaka masoo ngo komo ko bwanaka a nengbaa,bombi boku wechoo,no banoyi bogya komo. ⁶ Komo ko bwanaka akuu o ikopi,kokaniyo baa,yaka mengana ndi itaka yabio komu no mipo,komaka akojanga mudi. ⁷ Komo kobwanaka amati o mabu:koheya iho no mabu,mabu koku sangaka,no kowo. ⁸ Nusu ngomo kobwanaka ako itaka yetelo:iye kabaa kenjo masoo baniya no bamiya.Iye asugo bani,Yeso osugo iso nekuu:Mombi obiyeni no macheyi oka! ⁹ Bakpata ubango bomu bokuwo iseseniyo ngiye neni ya sugo tani. ¹⁰ Obutosiyo bo:Nenu nobahati animbiya yaka yete nayaniye iye bungama ubo Asobee,ako bomo,babungiya tano iseseniyo,do gutu bobiyeni mesu mabone,batina komu,gutu bobiyeni no machweyi batuka komu. ¹¹ ko Asobee,ambisongo abii eka,onguso masoo a mitima yebo,do bati baya komu no biheya. ¹² Masoo uka kabwana akuu o ikopi,ya baga nguba boka mapanu ko Asobee, ¹³ bobaya no igyagya,ndi bangomu no mii,bakiya ta makwaa bele amati o baya,iye ikaniyo yeka bahuiya ta nikwa. ¹⁴ Masoo uka kabwana amati o mabu,ya uba boka mapanu ko Asobee,bosa,boku siya niwo no musasa wo dodo,musasa wo likyemu,musasa wo ndutu,sokomu binota masoo uko to metiye. ¹⁵ Masoo uka kabwana ako itaka yetelo,ya baga nguba boka isawu yo Asobee,bobaya nomutima mungana,bobeyoko,bonota masoo kogbaliya bo ndiindii. ¹⁶ Mombi po mungana aweja nuya tala,omukuto bata no ikocho,ama omu napiya asi o bukwaa,yaka mengana amunapiya akuu meja do bombi uba bakumoniyo bina uwanga. ¹⁷ Do yangomu no maana a naya ikyemu ngiye yangomu yetenaye,yaka ibomu iye yetenaye ya chweyaniya sina a bumba. ¹⁸ Beyonokeni no yaka ngiye na nuka,do benjo sina iya anayo,iya angomu nayo bomu hiniya mwanongo iyabiyo nayo. ¹⁹ Inyo Yeso no bamanye beka nayo ako gboka,sokomu bomu samuwa,do bombi babiyo baja. ²⁰ Bomu sigiyo bo:Anu no bamwananu banowe ako hata,bakuna nowe ako nina. ²¹ Obu tosiyo bo:Inaa no bayaa bosemi uba banuka mapanu uko Asobee,no bo kyananakiya yaka yongo. ²² Bisi mungana Yeso o leto akuu o ingboo iyo no bakpata.Obu sigiyo bo:Tiseni a mondu o imo.No bosa. ²³ Iye bokiyo atapuwa,Yeso okwala too.Mahuwo kota kisoba keka akuu o imo,ingboo yo huwo no mipo,babiyo tinene no ingwo. ²⁴ Besingana anambamba o Yeso,bomujukaniso,asugo bo:Mupananakiya,mupananakiya ,ta niwo!Iye ajukana,onatiiya mahuwo,kosiya,no umuwa wo komono. ²⁵ Obu sigiyo:Baya ngiye yeno ya gbani?Bokwa uba nogbe no sangala,bo yakanaka ati ebo asugo bo:Mombi ngeno tani iya,ayakanaka kuno mahuwo,no mipo,no ko muka. ²⁶ Botapuwa a ikumbu yo baGelaseniya,iye ya mondu no mondu no Galilaya. ²⁷ Iye Yeso ojo a itaka,mombi mungana o buma ngiya nani eka,iya abiyo mufaniye no babii sokomu no hali.Mago maja ango piniya mu sina ipuku,no oto kunyoko ta a manjawu. ²⁸ Iye ena Yeso anika,onatiya,no okwa a mitindi yango,asugo no iso yota bumu bo:Imani ya ati eso nowe,Yeso,Mwana o Asbee ngiya Akuu-Nogbe?Nona kikelekiyo,wati na kyananako mu baka. ²⁹ Do Yeso oto kiya no angu akuu o babii neyo ako sigiyo bo chweya amati o mombi ngiya,do amukumoniyo kijene,abiyo musangake no mangbenje a mitindi,yaka mengana oto kiyo ta kiyo,no babii botosa nayo ta a isa. ³⁰ Yeso o mubokuwo:Weno ta?Otosiyo bo:Legion.Do babii baja babiyo amati ango. ³¹ Bokikelekiyo Yeso bo ati bu kponyo komu baka bisa a gyaa. ³² Akuu o ikpangba,bana bo ba nembu babiyo inani baja, babiyo akochana.Babii bo kikelekiyo Yeso bo bokumoniyo baka amati ba nembu.Ibinjo luhusa bo bokumoniyo. ³³ Babii bochweya amati o mombi iya nano,bokumoniyo amati o banembu,ambaja o banembu uba nani,bosa bangu a mapiya bokwa a lisini. ³⁴ Bombi nguba bokiyo nano anigyakakiso,anina bani,botugbuwa bosa no masawu a likumbu ile aba nambamba libomu. ³⁵ Bombi bosa anina ndi yabiyo.Beka a mutii wo Yeso,bogboka mombi iya babii yachweya amati ango bawele a mitindi yo Yeso,opiniyeni lipuku,akyananaka tita ilo,yobu kiso uba. ³⁶ Bombi uba bena yaka ngiye ya kyananakiya,bobu sigiyo ndi mombi o kabu o babii a heya. ³⁷ Bombi babomu ubo ikumbu yoGelaseniya beta Yeso anisa lu nabi,do babiyo no uba nogbe.Yeso o leto amati o ingboo,otowa a mondu. ³⁸ Mombi ngiya babii yachweya amati ango,o ndiyaniya Yeso bo itukoo baka ida mengana nabo.Yeso oyaa asugo bo: ³⁹ Towa pi ta andoo andeyi,so biyakiya bange,yaka ngiye Asobee onag kiyo.Osa,obiyakiya buma mubomu yaka ngiye Yeso amukiya. ⁴⁰ Iye Yeso atowa,ambaja o pokiya Yeso,do bokiyo nayo ako betiya. ⁴¹ Ina,mombi mungana eka,ino bo Jailisi iya otokiya ngama o ikaa gyo Asobee.Okwa a mitindi yango,omu kikelekiyo akumoniyo andongo ambeni, ⁴² do okiyo no mwana ango ata moyi tinene no mago tekebe no bepini tinene no ingwo.Iye Yeso okiyo a nika,ambaja okiyo nayog ako titiyo ⁴³ Ina do,moyi mungana okiyo aniyo menike amati o mago tekebe no bepini,no okiyo ogiseni ba gyegye mago no mago aba munganga,sokomu i heya. ⁴⁴ Esingana a nambamba o Yeso ingbaa ambise,o boto ambamba o ipuku iye Yeso.Tako angbinga ngiya nani,menike kosiya chweya. ⁴⁵ Yeso osugo bo:Ani akonaboto?Ndi bombi babomu bokiyo atatiya,Piele no bombi uba bokiyo nayo,bosugo bo:Mupanakiya,ambaja ona kunguwo,no banowe ako wesiyo,wabokuwo bo:Ani ako ona boto? ⁴⁶ Yeso o tosiyo:Mombi ona boto,neno angu ochweyo amati asemi. ⁴⁷ Iye moyi ena bo omimbiyo,o punga guguma,okwa a mitindi yango,onga apeyi o bombi babomu akuu emani amu boto,no tani a heya ta anani. ⁴⁸ Yeso omu tosiyo:Mwana ata moyi,baya ngiye soo yona heiso,sa no majiyo. ⁴⁹ Okiyo si ta ayaka,mombi mungana eka aningwa ati ngama o Ikaa yo Asobee,asugo bo:Mwana ngiya asoo ata moyi owo;siya sumbuwa Mupananakiya. ⁵⁰ Iye Yeso oka bani,obiya ngama o Ikaa yo Asobee:Wati kumo komu,baya pe,a heya. ⁵¹ Iye aboya a ndeyi,sokomu ibaya bo bokumoniyo no mombi a mbeni,yobiyeni komu ta Piele,Jaa,Jaki no use no inye o Mwana. ⁵² Babomu babiyo tita a ndiya,no Anika ikoko akuu o mwana.Yeso osugo bo:Sieni ndiya;owo komu,a too. ⁵³ Bopunga nayo all nowa,do babiyo animbiya bo owo. ⁵⁴ Omu boto ikondo,onga no iso yoga bumu:Mwana ata moyi,jukana,ungwa. ⁵⁵ Mutima so towa amati ango,ta anani ongwa,no Yeso osugo bo bominjo igyo. ⁵⁶ Ise no inye babiyo amati o sangala nogbe,obu sigiyo bo bati sigiyonkomu mombi,yaka ngiye neni.