¹ Ambise o nuka yaka ngiye neni apeyi o bombi uba babiyo nayo anuka,yeso o kumoniyo ano Kapelenaumu. ² Baya o ngama o basuda iya ngama o basuda oto mukunda nogbe,okiy no kabu,tineneno ingwo. ³ Iye oka isawu yo Yeso,omutumiya majee bo bayuda,ika baka a heiso baya ango. ⁴ Bboboya apeyi o Yeso,bomu kikelekiyo a sugo bo: ⁵ Osisekiyo bo muheiso;do akunda ikumbu ngiye yeso nogbe,no iyo aka tuboko basangiya ta lumbakoo. ⁶ Iye Yeso asa nabo,ango seni sokopo lu,ngama o basuda otuma banduku nayo ako biya bo:Muheiso,no sisekiyo komu nowe ako kyendiso a boya mupaka andemi. ⁷ Kubani Neno komu ilo bo imi mumbinyongo nibiyo mupaka andoo.Unga gutu ta yaka mengana,baya asemi a heya. ⁸ Do,imi ngiya na kyananakiya bangama,nano basuda uba ba asi o mapanu uko semi,no sigiyeni mungana bo:sa! osa,iya omo no musigiyo bo:ika;eka,ako baya a semi,na musigiyo bo:Kiya bo!okiya. ⁹ Iye Yeso oka yaka ngiye neni,o bibiso baya ngiyo ngama o basuda,onatana nogbaa aki ambaja abiyee osugo bo:Noni sigiyo,gutu ta ano Isalaeli,mombi angomu no baya nguo ngiya. ¹⁰ Iye batowa a ndeyi,bombi uba ngama o basuda baboya,bagboka tiya mombi o kabu o heyeni. ¹¹ Ambisongo,Yeso osa a buma mungana ino boNaini,bokiyo a kyenda iho no bakpata no ambaja ngiya okiyo nayo akokpata. ¹² Iye bokiyo tinene akumoniyo amati o buma,bokiyo ako huna mombi mungana,inga yo mwana o woko,no bombi bo buma ngiya nani bokiyo baja. ¹³ Iye Muheiso ena bani,okwa mutima wo ikoko akuu o woko,omusigiyo bo:Siya ndiya! ¹⁴ Esingana o boto sanda.Bombi nguba batumba sanda bemaa.Osugo bo:Mwana ata guwe,nonasigiyo bo imaa! ¹⁵ Munda wowolo,opunga yaka,Yeso omu tosiyo ati inye. ¹⁶ Ibo babomu bokwa uba nogbe,no bibiso Asobee,asugo bo:Gugu ata muja o chweyaniyo a mati eso,no Asobee eko ako kanga bombi bango. ¹⁷ Yaka ngiye Yeso yo kyenda Yudeya mubomu no a banambamba. ¹⁸ Yaka ngiye neni yomu boya Jaa no bakpata uba bango. ¹⁹ Obisoko bapini,obutuma,obutuma ati Yeso asugo bo:Wandi mombi ngiya basugo jene bo anika? ²⁰ Iye baboya ati Yeso,bomusigiyo bo:Jaa ngiyo Ubatiso otitumo andoo asugo bo:Wandi mombi iya basugo jene bo anika,ama tabetaka omo? ²¹ Ako angbinga ngiya anani,Yeso a heiso bombi boba kabu baja,uba mitindi yawo,no mamu,no uba bachweyo mesu. ²² Obu tosiyo bo:Seni ako biya Jaa yaka ngiye neno no noko,uba bachweyo mesu ba nina,uba mitindi yawo ba kyendaka,ubo kebukebu baheya,uba dikpaka machweyi ba nuka,uba bawo bafufuka,isawu yetelo yabiyanakiya ako bombi ubo angiyo. ²³ Ilo no mombi ngiya nango biyo sina komu ingbaa yo nikwa! ²⁴ Iye bakpata ubo Jaa batowa,Yeso obiya ambaja bo,akuu o Jaa:Nasa pe anina imani aki a isa?umbamba aduanaka no mahuwo?Ama nasape anina imani? ²⁵ mombi mupinyonoke no lipuku lete manjanja?Kangeni bombi uba bapinyonoko manjanja,no uba baheya amati o bulo,ba alikaa ilo bangama. ²⁶ Nasa do anina imani?gugu?Oyi,noni sigiyo,a chana gugu. ²⁷ Ya iya batindakiya yaka yango:Nakotuma isawu yesemi no mombi a mesu kosoo,Atambanaka ingbaa apeyi asoo. ²⁸ Noni sigiyo bo,uba banotaniya no moyi,mungana angomu po ako chana Jaa.No bata,iya tamuja a bungama uba Asobee amuja nayo ako chana. ²⁹ No bombi uba bamuka,gutu ta bandombe bembiya Asobee,ako pata ubatiso uwo Jaa; ³⁰ yaka mengana bafalisayo no bombi bo nimbimbyanaka,bokwa ubatiso a likondo lo Jaa,banagaaka iye Asobee abutambanakiya jene. ³¹ Na seseniyo umbeke wo bombi uwa nani nani,baniniya ndi bani? ³² Baniniya ndi bana biwolo a ibamu,ndi bibiyo a yakanaka ati ebo a sugo bo:Ta nupiya mbaa,sokomu nojo umbo,tani suiya mambo ko ikoko,sokomu no ndiya. ³³ Do Yuani iyo Ubatiso eka,sokomu anigya mukati ama nimwa vino,no sugo bo:ano abii. ³⁴ Mwana o mombi eka ani gyakaka no nimwa,no sugo bo:Agya no omwa nogbe,nduku o ba ndombe,no bombi bota gbayi. ³⁵ Nimbimbynaka yeka njoo no ingbaa yo bana bango. ³⁶ Mufalisayo mungana esoko Yeso anigyakaka andongo.Yeso okumoniyo ati mufalisayo,o wolo a meja. ³⁷ Moyi mungana o mukyananakiya wota bibi oto kiya amati o buma,iye bembiya bo ati mufalisayo,eka no ikocho yo malasi, ³⁸ emaa ambise,a mitindi yo Yeso.Opunga ndiya tanani a mitindi yo Yeso.Iyo tita amati o ndiya,masoyi ko poakiso mitindi yo Yeso,obiyaka no ndii iye yango,o mukpanga,oyi leyaka no malasi. ³⁹ Mufalisayo ngiya amisoko,anina bani,o tunguwo bo:Mombi ngiya,ibini bo a gugu,jambo embiyo bo moyi ngiya amombi mugbe ngo weno tani,nayo ako botoko,angomu animbiya bo a mombi o bubibi. ⁴⁰ Yeso osugo bo:Simoni,nano yaka nowe anungiya-Mupananakiya,sugo pi.- ⁴¹ Mombi mungana abiyo no bupulu o bombi bapini:mungana abiyo no miya boku,iyo omo batekebbe boku. ⁴² Ndi babiyo komu nangu ako toso,otosiyo kila muto magyegye ubango. ⁴³ Ani aka a mukunda nogbe?43Simoni omutosiyo:Nanina ndi,mombi ngiya aminjo muja.Yeso omu sigiyo bo:wokiyo ilo. ⁴⁴ Iye anatana nogbaa aki moyi abiyee,obiya Simoni:Wandi ku anina moyi ngiya ake?Nokumoniyo andoo,sokomu wo nenjo mipo ko mitindi;ina do iyo,ona gyabo no masoyi,no obiyaka no ndii. ⁴⁵ Wo nakpango komu,yaka mengana iyo,aningwa aka neko pengeoo,osiyo komu nemi akpanga mitindi. ⁴⁶ Woto komu umbundo a mutu;ina do,ona leyako no malasi a mitindi. ⁴⁷ Kido,nona sigiyo tano ingono,bubibi ubango be paanakiyo:do ano bukunda nogbe.Mombi ngiya bami paakiya bele,ano bukunda ku bele. ⁴⁸ Osigiyo moyi:Bubibi ngubo soo bepaanakiyo. ⁴⁹ Uba bokiyo nayo a meja bosugo bo:Anipi iya,anipaakiya kuno bubibi?50Yeso o sigiyo moyi:baya iye soo yona heiso,sa no majiyo.