¹ Ya biyo bisi bo Asobee uba babi soko bo kapini-punganiya,Yeso okiyo achana amati o kubaa o ngano.Bakpata bo kiyo a buoko ngano no nigya lipumo longo,boli tiye a likondo. ² Bafalisayo bo bokuwo bo:Imani nakiya ikyemu ngiye bangokiya komu a bisi bo Asobee? ³ Yeso obu tosiyo:Na popoko ndi komu yaka ngiye Daudi akiya angbinga ngiya abiyoo no taa,iyo no ambaja ngiya ango; ⁴ akuu emani akumoniyo a ikaa yo Asobee,osika mikati Asobee,ogya,enjo kuwo bombi bango,gutu ndita ta bajee bokanisa njoo bakyo gya mikati ngiye neni? ⁵ Obu ngiya bo:Mwana o mombi aka ngama o bisi bo Asobee. ⁶ Yoboya bisi nga bomo bo Asobee,Yeso a kumoniyo a ikaa yo Asobee,iyo ako paniya.Mombi mungana okiyo inani,ikondo yo guwe iwe. ⁷ Batindkiya mabiyo no bafalisayo bokiyo a betiya yo Yeso amu heiso ndi a bisi bo Asobee:do bimu chongiya gbani. ⁸ Ndi okiyo animbiya itugiyo iye yebo,o sigiyo mombi o ikondo yete we:Imaa anani ati,ongwa emaa. ⁹ Yeso obu sigiyo bo:Noni bokuwo bo yandi bibi ako kiya bulo a bisi bo Asobee,aheiso mombi ama niwa. ¹⁰ Obu kanga no mesu bogboo,osigiyo mombi o ikondo yete we:Tumba ikondo.O tumba,no ikondo yo heya. ¹¹ Bokwa uba nogbe,bosa a yakanaka bo ba kiya suwo Yeso tani. ¹² Ako angbinga ngiya nani,Yeso osa akuu o ikpangba,okwaa nabutu mubomu ako nita Asobee. ¹³ Iye bisi boya,esoko bakpata o ponyoko tekebe no bapini,obisoko bo ba kpata: ¹⁴ Simoni,omisoko bo Piele,Andelea,manye,Jaki,Jaa,Filipi;Batelemi, ¹⁵ Matayo,Toma,Jaki mwana o Alfe,Simoni bomisoko bojelote, ¹⁶ Yuda mwana o Jaki,no Yuda Isikaliote,iya a pipiyo nayo ako gaba. ¹⁷ Ojo nabo,osa emaa ako mwana o ikpangba,aka ambaja okiyoo,nobombi bo Yudeya,Yelusaleme no likumbu ngile lokiyo a mutii wo lisini ndiTil no Sidoni.Beka nayo ako nuka no heya ako bakabu. Uba bokiyo anigya ikoko no bakabu. ¹⁸ Uba bo kiyo anigya ikoko no bakabu bo babii bokiyo a heya. ¹⁹ Mombi mubomu okiyo a hata bo i muboto,do abiyo no angu o heiso womu botenin jene. ²⁰ Iye Yeso,a kanga bakpata uba bango,osugo:Igyagya no inu nguba na janga,do bungama uba akuu beno! ²¹ Igyagya no inu uba nano taa itakitaki ngiye,do na mota sina!Igyagya no inu uba na ndiya itakitaki ngiye,do na biyo amati o nowa! ²² Na biyo sina no igyagya boni yaeni,boni kponyeni,boni neni bo yapayapa,bo yangiso ino yeno akuu o Mwana o mombi! ²³ Kweni igyagya no bisi nguba anani,no bumbwokeni no igyagya,do mukaya uweno wabiyo sina uja akuu o bibsi,do bani njoo ise ebo oto kyananaka ba gugu. ²⁴ Ina do,ikoko nenu,mombi bo likyemu do nano igyagya! ²⁵ Ikoko nenu nguba naba mote,do nango kwa sina bata taa!Ikoko nenu uba nanoa bubunu,do nabiyo sina a ingwo,no masoyi! ²⁶ Ikoko,bombi babomu boni bibiseni,do kubani njoo bese bebo bokyananako jene akuu o bombi bo nimbimbyanaka bo mujee! ²⁷ Yaka mengana noni sigiyo bo,inu uba nanuka:Kundeni ba muyaa beno,kiyeni bulo ako uba bani yaa, ²⁸ ukiyokiyeni uba bani gbanga,itieni uba ba nenu ako kyananaka. ²⁹ Mombi o na bendeni a ingungu ngiye,minjo ibenda kuwo iye yomo.Mombi osikeni mupilo wosoo,minjo bata koti ngiya asoo. ³⁰ Mombi o neteni,minjo,mombi ona hinieni, ikyemu,musiya nayo. ³¹ Iye wabaya bina kiya uwe,kiya kuwo bange. ³² No kundeni uba bani kunda,yano dada nga enotane?Bombi bota bibi bakyo kiya ku bani. ³³ Nokiyeni bulo ako bombi nguba bani kiya bulo,yano dada nga enotane?Bombi bota bibi bakyo kiya ku bani. ³⁴ Nenjeni bombi uba nano baya bo banitosiyo,yano dada nga enotane?Bombi bota bibi bakyenjo ku bombi bota bibi,do ano baya bo bamutosiyo Sina ku tosiyoni. ³⁵ Kundeni ba muyaa beno,kiyeni bulo,injeni sokomu no baya bo banitosiyo.Mukaya nguwa weno wabiyo uja,no nabiyo bana bo Iya Akuu,do amulo ako uba bangomu no asete no uba bota bukabukayi. ³⁶ Biyeni no majiyo kundi Ato eno iya ano majiyo. ³⁷ Nati kiyo komu ngbanga do bati kiyo komu iyeno ku bani;nati fa komu mombi,do bati nifa komu inu kubani;ipaakiyeni,do bi nipaakiya inu ku bani. ³⁸ Injeni,do bininjenu ku bani:bato sina amati asoo ipima yete ilo,kpokolii,ijigije,ija;do bana pima sina kuno ipima iye wa pima bange. ³⁹ Obusigiyo iseseniyo ngiye:Mombingiya angena aweja a kyendekiso mombi ngomo iya angena?Bango kwa ndi amati o upiya? ⁴⁰ Mukpata angomu muja ako chana mupananakiya nguwo wango,mukpata mubomu akyo kiya kundi mupananakiya wango. ⁴¹ Imani wanina akuku ngiya amati iso ngiyo mange,sokomu wena iduu iye yako iso ngiye soo? ⁴² Imani wa weja a sigiyo nduku asoo bo:Nduku asemi,ika nina chweiso akuku iya iso iyesoo,sokomu wena iduu iya iso iyesoo?Bapetanaka,punga si cheiso iyesoo,njoo wa chweiso iye a iso iye mwana o anu. ⁴³ Buti bota bulo bango weja komu aninjo lipumo lota bibi,ama buti bota bibi aninjo lipumo lota lilo. ⁴⁴ Do bakye mbiya buti ako lipumo ile lango.Bango lukuwa komu lipumo lo figi akuu o mabu no bango gyokoko lipumo akuu o mabu. ⁴⁵ Mombi ata mulo asika likyemu lete manjanja ako asi o mutima uwango,mombi ata bibi asika likyemu leta bibi ku mutima wota bibi uwo wango,do monu kakyo chweiso yaka ngiye ya a mutima. ⁴⁶ Akuu o imani nane soko bo Muheiso, ⁴⁷ Muheiso!sokomu nokiya yaka ngiye na sugo?Nani pana suwo bo mombi ngiya eko andemi eniya ndi ani,oka yaka ngiye semi,no oyi kyananakiya. ⁴⁸ A ngbangangbanga ndi mombi ngiya abiyo ako tuboko ikaa,omba,omba musingi ulo no owu napiya akuu ekopi.Iye mipo ka huwo,mutimani wochana akuu ongo,yaka mengana sokomu wo panjaa,do wa tubonokiyo ilo nogbe. ⁴⁹ Mombi ngiya oka sokomu o kyananakiya,a ngbangangbanga ndi mombi ngiya abiyo atuboko ikaa akuu o itaka,sokomu no musingi.Iye mipo ka huwo:yeteyo,do yabiyo komu no musingi.