¹ Ndi Yeso aboya tinene no imo iyo Genesaleti,no ambaja okiyo anisingana a nambamba ango anuka isawo yo Asobee, ² ena anambamba o imo lingboo lepini,bombi bapini bojo amati ako gyaba maiya. ³ Oleto ake ingboo mengana iyo Simoni,omusigiyo isingana si lu no itaka.Owolo,opunga paniya bombi aningwa amati ingboo. ⁴ Iye asiya paniya osigiyo Simoni bo:Isingana si amati o mipo,giseni maiya amati o mipo. ⁵ Simoni omutosiyo:Mupananakiya,tokiyo teya nabutu mubomu soko po tifa musipe,yaka mengana akuu o upanu uwosoo na giso maiya. ⁶ Iye a giso,bofa sipe ija,maiya iye yebo yo tinyoo. ⁷ Besoko bombi ngo bomo,bika nabo ako saliya.Beka,bohuso lingboo lepini,lingboo tinene animwaka mipo. ⁸ Iye ena bani,Simoni Piele ogbukumiya apeyi o Yeso,osugo bo:Muheiso,ungwa amati asemi,do na mombi ata bibi. ⁹ Do uba wamu boto,iyo no bombi nguba babiyo nabo,a ako yaka sipe iye baifa. ¹⁰ Yabiyo ku bani no Jaki no Jaa,mwana o Jebede,uba babiyo no Simoni.Yeso o sigiyo Simoni:Wati kumo komu;aningwa bubunu biyo anifa bombi. ¹¹ Iye lingboo laboya a itaka,bosiya bayaka babomu,bomu kpata. ¹² Yeso abiyo amati babuma mungana,mombi mungana o kebukebu,iye a mina,okwa no mesu,o mitiya bo:Muheiso,wobayeni,ana heiso baka. ¹³ Yeso otumba ikondo,omu boto,osugo bo:Nobayo,heya.Tako angbinga ngiya nani kebukebu osiyo. ¹⁴ Omusigo bo ati biyo komu mombi.Yaka mengana,sa ati baya o Asobee,injo ako buheya ubosoo,iye Musa asugo,do yibiyo andabu ndi iseseniyo. ¹⁵ Isawu yango yabiyo tiya yo panjaniyeni nogbe,bombi beko baja nayo ako nuka,no ako pata buheya aba kabu dididi. ¹⁶ No iyo,oto chweya anisa a likpangba anisa ako nita Asobee. ¹⁷ Bisi mungana Yeso okiyo anita.Bafalisayo no bombi bo nimbimbyanaka babiyo nayo ako nuka,bekeni a likumbu dididi ano Galilaya,ano Yudeya no Yelusaleme;no angu iyo Asobee eniyaniya ingbaa ako heiso bakabu. ¹⁸ Bombi mungana,botumbeni mombi ngiya awo mitindi,bokiyo a hata nayo ako kumoniso do yeso imina. ¹⁹ Ndi babiyomu a pata ingbaa ngiye bamu mayoo,ako yaka yo bombi,bo leto akuu o upau,bojo amati,no bukwaa ubango kutaa,boboya apeyi o Yeso. ²⁰ Anina baya iyebo,Yeso o sugo bo:A guwe,bu bibi nguba bosoo be paanakiyo. ²¹ Bombi bo tindakiya mabiyo no bafalisayo bo punga tunguwo,asugo bo:Ani iyake,ako yaka bibi nogbe?Ani aka weja a nipaakiya bu bibi yobiyeni mu ta Asobee nangana? ²² Ndi Yeso okiyo animbiya itungiyo iye bo,obu sigiyo bo:Itunguyo nge yeno tane nanayo a mitima yeno? ²³ Iye ya gbane ya fokofoko a nunga bo:Bu bibi ubosoo bepaanakiyo,ama asugo bo:Imaa,kyendaka? ²⁴ Ina do,imbiyeni bo Mwana o mombi anangu a nipaakiya bu bibi:Yeso o sigiyo mombi ngiya awo mitindi bo,imaa,sika bukwaa ngubosoo,towa a ndeyi. ²⁵ Ta,anani,emaa a mesu kebo,osika bukwaa ubo bango,osa andongo a ndeyi,abibiso Asobee ²⁶ Ibo babomu babiyo no uba nogbe no bibiso Asobee;bohueni no uba,bo sugo bo:Teno bubunu yaka yete mbange. ²⁷ Ambise ongo,Yeso o chweya ena bandombe,ino bo Levi,iyo ako lipisa bombi.Omu sigiyo:Akpata. ²⁸ No,osiya ibomu,emaa,omukpata. ²⁹ Levi o tambanaka umbo wotoja a ndongo,no ba ndombe baja no bombi ngo bomo babiyo a meja iho nabo. ³⁰ Bafalisayo no uba batindakiya mabiyo bo punga yakanaka,bosigiyo bakpata:Akuu emani na nigykaka no nimwa no ba ndombe,bombi uba ba nibo? ³¹ Yeso opunga yaka asugo bo:Bombi uba bano bakabu njoo bakyo hata munganga,sokomu ba munganga. ³² Neka komu ako yaka yo bombi boto balo,neka a yaka yo bombi bota bibi. ³³ Bomusigiyo bo:Bakpata ubo Jaa,kundi ubo bafalisayo,bakyo taa igyo gagaa gagaa no bo lumba,ina do ubosoo ba gyakaka bomwa. ³⁴ Obu tosiyo:Naweja ndi a taaiso bamanye bo guwe ati ngiya guwe aku iho nabo? ³⁵ Bisi beka sina uba guwe angwa sina,bisi nguba nani baweja tiya taa igyo. ³⁶ Obinjo bata iseseniyo nge yemo:Mombi ango weja komu a sika ugbaa wo ipuku uwe takitaki a kpakpaniso no uwo wejene;do anatuwa uwe takitaki,do uwa a kpakpaniso nawo we jene. ³⁷ Mombi ango weja komu amataka vino iye takitaki amati o likocho lejene,okiyeni bani,vino o itakitaki a chweyoko likocho lejene,weyo no likocho lo yangaa; ³⁸ ya nita a nuto vino o itakitaki amati likocho letakitaki. ³⁹ Mombi po mungana aweja nimwa vino ejene,ango baya bata iye takitaki,do asugo bo:Iye jene a mulo.