1 Yeso,muhuwe no Mutima wo Tatu,otowa aningwa ano Yolodani,akyendakiso no Mutima amati o isa, 2 aki abii amukaniyee mati o makwaa batekebe bogina.Sokomu ogya ikyemu amati o makwaa nguka nani,no,iye makwaa ka winiya,taa yo mukiya. 3 Abii o musigiyo:Wobiyeni Mwana o Asobee ta ingono,injo upanu bo makopi nguka ki natakanaka mukati. 4 Yeso omutosiyo:Ya tindanakiya bo:Mombi ango heya komu tano mukati mutuu. 5 Abii,o leto nayo akuu,omupana likyemu ile dodo libomu, 6 omusigiyo bo:Nanenjo likyemu ngile libomu,no ubiba uwo bungama uba,do ba nenjo imi,nenjo mombi ngiya nakunda. 7 Wo gbukumiyeni apeyi asemi,nanenjo likyemu ile libomu. 8 Yeso omutosiyo:Yatindanakiya bo:Bibiso Muheiso,Asobee asoo,no wa mukyananakiya iyo nangana. 12 Yeso omutosiyo:Yasugoniyo bo:Wati kaniyo komu Muheiso,Asobee ngiya asoo. 13 Iyee a mukaniyo lingbaa libomu,abii ongwa osa omusiya mupaka ako angbinga iya ata mulo. 14 Yeso,muhuwe no angu o Mutima,otowa ano Galilaya,no isawu yango yokyenda likumbu ile aba nambamba. 15 Otokiya a paniya a likaa lo Asobee,no bomu bibiso bombi babomu. 16 Osa ano Najaleti,aki aheyee,no,akpatanakiya no bukuku bebo,okumoniyo a ikaa yo Asobee a bisi bo Asobee.Emaa ako popoko, 17 no bo minjo itabu iyeyogugu Isaya.Iye ayibono oboya ako ida ngiye batindakia bo: 18 Mutima uwo Muheiso wa akuu asemi,Do ana leya no umbundo bo nisa ako biyakiya isau yetelo ako uba bajanga;Anatuma ako heiso uba mitima ibunjoe,Ako biyakiya uba ba a ligbita bo banabo akobono,No ako uba bachweyo mesu bo bina,uba bakiya basangake bo bibu bonoko, 19 Ako biyakiya igo yomajiyo iyo Asobee. 20 Ambisongo,o guboko itabu,otosiyo baya,no owolo.Uba babiyo amati o ikaa yo Asobee,babiyo nayo ako kanga tita iyo. 21 Opunga nabo ako biya:Bubunu yaka ngiye Mabiyo,kanunga yo kyananakiyo. 22 No babomu banayo ako baya;babiyo ako sangala ako masawu ko majiyo achweya ako monu kango,no bomusigiyo bo:Angomu ndi uwe mwana o Yejefu? 23 Yeso o busigiyo bo:Nanimbiya bo nana sigiyo suwo imi itande ngiye:Munganga, heisono si uwe;nona sigiyo imi bo:Kiya si kuwo andoo iye toka pungo bo wakiya ano Kapelenaumu. 24 Inado,o matiya,nonu ngiyo tano ingono,bango bibiso komu gugu andongo. 25 Noni sigiyo tano ingono:yabiyo no ba woko baja ano Isalaeli ako agbinga ngiyo Elia,iye bisi ba dikpaniya mago kaatu nomayi mediyanika, 26 taa yo kumoniyo a dodo mubomu,inado batuma komu Elia ati mungana ati o ebo,bamutuma ta ati woko anoSelepta,ako ikumbu iyo Sidoni. 27 Yabiyo kuno bakebukebu ano Isalaeli,ako agbinga ngiyo Elisa,gugu,sokomu po mungana iheya,yobiyeni komu jene ta Namana mombi o Siliya. 28 Bohuwo babomu no mutima wota bibi amati ikaa yo Asobee,iye boka yaka ngiye. 29 Iye bongwa,bomu kponyo amati o buma,bosa nayo akuu o ikpangba aki batubokee buma iyebo,do bibu tutuwo tiya no muduu. 30 Inado,Yeso ochana ta amati ebo,osa. 31 Ojo ano Kapelenaumu,buma o Galilaya,iyo ako paniya,ako bisi bo Asobee.Mapanu ukango kobu kyaka; 32 do okiyo a yaka no angu. 33 Mombi mungana abiyo amati o ikaa yo Asobee iya abiyo no kabu o babii,onatiya no iso yeta bumu: 34 Ah!imani ya ati eso nowe?Yeso o Najaliti?Weka nesu ako nipaniso.Na nimbiya bo uwe ani:Mutakatifo uwo Asobee. 35 Yeso omu natiiya asugo bo:Gbaa,chweya amati o mombi ngiya.Abii okwa amati o bombi,ochweya amati ango,sokomu o mukiya bubibi. 36 Babomu okwa uba,no boyakanaka ati ebo:Yaka nge yenotani iye?ayakiya babii no angu,no bochweya! 37 No isawu yango yo panjaa a bamuwa babomu uba anambamba. 38 Ochweya a ikaa yo Asbee,osa aki a ikaa iye ati Simoni.Inyenguu o Simoni abiyo no ndutu bonjaa. 39 Iye achukumo akuu ango,o kponyo ndutu yeta nja,no yo siyo.Sokomu po no gbaliya ongwa,o misookiyo. 40 Iye ipa ya jiyo,bombi nguba babiyo no bombi bo bakabu dididi beka nabo.Onapiya likondo akuu o kila mombi,no o heya. 41 Babii bo chweya a mati o bombi baja,anachokoo asugo bo:Wa Mwana o Asobee. Okiyo nabo ako kponyo,sokomu ibusiya angbinga bisamuwa,do bokiyo animbiya bo a Kilisito. 42 Iye bisi boya,ongwa osa aki umuwa wabiyee bowoo.Bombi baja bopunga nayo ako hata,mupaka bamina,sokomu bokunda nayo ako siya. 43 Obu sigiyo bo:Ya nita bo nibiyakiya kuwo bombi nga bomo isawu ngiyo bungama uba Asobee,do banatuma njoo a yaka ngiye neni. 44 okiyo a paniya a likaa lo Asobee ile ano Galilaya.