1 Iye Yeso amoma Bakpata,obinjo angu no bukuu akuu bo babii,no angu o heiso bakabu dididi. 2 Obutuma bisa all biyakiya bungama ubo Asobee,no heiso bakabu. 3 Natisika komu ikyemu yo kyenda,mo mutupo,po kugba,po mukati,bo gyegye,no nati biyo komu no bakoti bapini. 4 A likaa ngile aki nakumonokiyee,Woleni,inani njoo nangwiya kyenda. 5 Yo biyeni bo boniteteyeni komu,chweyani amati o buma ngiya nani,no biyaka mitindi,ndi isiseniyo yebo. 6 Bosa,bokumoniyo kila ikumbu,kila buma,a biyakiya isawu yetelo,no heiso ba kabu dididi. 7 Helode ngama o likumbu bogina,abiyo anuka yaka ibomu iye yokiyo a kyananakiya,sokomu animbiya bo ikiya tani.Bomo boto sugo bo Jaa ofufuko; 8 bomo bo Elia o chweyaniyo,bomo bata ga mungana o ba gugu ofufuko. 9 Elode okiyo asugo bo:Nakiyo Jaa mutu,Ani bata iyake,nonuka masawu kango nogbe bo?No ohato nayo nangu nayo ako nina. 10 Iye bakpata batowa,bon gakiya Yeso yaka ibomu ngiye bakiya.Obusika osa nabo a mutii,a mwana o buma mungana ino bo Betesaida. 11 Iye bamaja bamimbiya bopunga nayo akokpata.Yeso obu pokiya,obu ngakiya yaka ngiye bungama ubo Asobee;o heiso uba babiyo no musasa wo buheya. 12 Ndi bisi babiyontiya aniyo,bakpata bomisinganiya,bomusigiyo bo:Biya bombi bo bo panjaa do kila mobi isa a likumbu ngile la tinetine aka,ako hata ida yo bukwala no nigyakaka;do taka a isa,igyo yambikomu. 13 Yeso obu sigiyo bo:Binjeni igyo.Bomutosiyo:Tangomu no igyo.Tata no mikati boku,no sipe bapepini,yobiyeni pepe njoo bo tanisa akokaya igyo ako bombi nguba babomu. 14 Ina do bombi babiyo ndi alofu boku.Yeso osigiyo bakpata ubo bango bo:Buwolokiseni a mugege ngiyo batebe boku. 15 Bokiya ndi Yeso abu sigiyo,bobu wolokiso. 16 Yeso o sika mikate boku no sipe bepini,no,o tumba mesu akuu,o bibso.Obukuwa,enjo bakpata,do ibu pakiya ibo babomu. 17 Bombi uba bokiyo anani babomu bogyakaka,no botowa no litumo tekebe no bepini ile la tukoo. 18 Bisi mungana Yeso asa ako nita a mutii,iyo no bakpata ubo bango,obu bokuwo bo:Bombi ba asugo bo imi na ani? 19 Bomutosiyo bo:Jaa ngiyo Ubatiso,bomo bo Elia,bomo ga mungana o ba gugu o fufuko. 20 bu bokuwo bo:Ando tiya inu nenu asugo tani?Piele o mutosiyo bo:Kilisito ngiyo Asobee. 21 Yeso obu sigiyo bo kpo kpo kpo nati sigiyo komu mombi. 22 Omatiya haha asugo bo,yanitaniya bo Mwana o mombi igya ikoko,bajee bokanisa no batindakiya mabiyo bimu giso,bimu wa,oufufuka bisi 23 Obu sigiyo babomu bo:Mombi osugeni bo anemi ako kpata,iyaana si iyo makinyongo,otumba bangbangba ngubo bango mabisi mabomu,ona kpata. 24 Do iya aheiso ubeyi uwango,awipaniso,iya awipaniso akuu asemi awu heiso. 25 Yano dada ngeno tani mombi ako taya likyemu dodo mubomu,wepaniso mutima nguwo Soo? 26 Mombi mubomu iya ena soni akuu asemi no yaka ngiye semi,Mwana o mombi ami nia Sina iyo soni ku bani,iye eka Sina no ubiba uwa Wese no bamalaika. 27 Nonungiyo tank ingono,bombi nga bomo bango womu suwo benenimu yaka ngiyo bungama ubo Asobee. 28 Ambise o mkwaa begina ambise o nuga yaka ngiyeneni,Yeso osika Piele,Jaa no Jaki,osa nabi akuu o ikpangba a lumba. 29 Iye bokiyo a lumba mesu ukango ko nagana,ipuku ngiye yango yeka bo tuu 30 Bombi bapini bo chweyaniya,bopunga yakanaka nabo:yabiyo Musa no Elia, 31 uba bachweyaniya no ubiba,babiyo ako yaka akuu o kyenda ngiye yango ano Yeluaslema. 32 Piele nouba babiyo nabo babiyo ta a too,iye bajukana amati otoo,bena ubiba uwo Yeso ako jeya nangu,no bena Yeso bemae iho no bombi bapini . 33 Iye bombi bapini uba nano babiyo ako siya Yeso,Piele osigiyo Yeso bo:Mupananakiya,ya biyo penge ilo bo tiwolo tita iyani,titubokeni likaa lietu,mengana ako uwe,yomo ako Musa no Elia.Abiyo komu animbiya bo asu go tani. 34 Ndi okiyo asugo bani,ikuba mengana yeka nayo akokuto;Bakpata bokwa uba nayo anina akumoniyo amati likuba. 35 Amati ikuba iso mengana yo chweya,asugo bo:Iya Nani a Mwana asemi iya na muchwa:muke ni! 36 Iye iso yokaniya,Yeso o tukoo nangana.Bakpata bogbaa bo woo,sokomu bobiya mombi,ako angbinga ngiya nani,yaka ngiye bena. 37 Nekuba yongo,iye bojo aningwa a ikpangba ambaja ata muja eka apeyi o Yeso. 38 Ina,amati o bombi iso mengana yo chweya mombi anatiya:Mupananakiya,noneto a kangiya baka mwana,do nano mwana ta mungana. 39 Mutima mungana womikiya,opunga nachokoo no gbinjanaka bumu,o homwana,no abiyo no bukabukayi ako chweya,obunjokeni bayaka ambeni.Neto penge Bakpata ubo Soo bo bimukponyo,sokomu biweja. 41 Umbeke wota Bibi no wota gbayi,Yeso otosiyo,babiyo Sina nenu mupaka gbani,natumba Sina bubuto ubeno mupaka gbani?Ika no mwana asoo. 42 Iye okiyo a nisingana,abii omugboso asi,opunga gbosonokiyo.Yeso o kponyo abii,o heiso mwana,omutosiyo ise. 43 Babomu bembiya buja ubo Asobee.Kila mombi okiyo a biniso yaka ngiye Yeso akiya,obiya bakpata Bango bo: 44 Ako inu,ukeni ilo yaka ngiye:Mwana o mombi basuwo nayo ako gaba alikondo lo bombi. 45 Bakpata babiyo komu animbiya yaka ngiye abiyo anunga,yabiyo inayaniye ako ibo,do batimbiya komu;bokiyo akumo nayo ako bokuwo akuu o yaka ngiye neni. 46 Itunguyo mengana yobi ikiya a mutu,a bimbiya bo ani amati ebo aka muja. 47 Iye Yeso ena motima ngiyebo amati,osika mwana ata bele,omunapiya apeyi eno, 48 obu sigiyo:Mombi mubomu iya a pokiya mwana ata bele ngiya ake ambo ona pokiyo imi,mombi ngiya ana pokiya imi opokiyo mombi ngiya ana tumemi.Do mombi ngiya bele nogbe amati en,iye njoo aka muja nog be. 49 Jaa o mubokuwo,asugo bo:Mupnanakiya,tene me mombi ako kponyo babii ako ino yesoo,tomu gbema to tango mombiya mu isu.Yeso omutosiyo, 50 nati mugbema komu,;do iya angomu muyaa weno a mombi eno. 51 Iye angbinga ngiya ango aningw a dodo awiniya,Yeso osika itunguyo anisa ano Yelusaleme. 52 Otuma si likelele apeyi,bosa mupaka baboya amati o buma iyo Basamaliya,nayo ako tambakiya umuwa wo bukwaa. 53 Sokomu bimu teteya do okiyo anisa anoYelusaleme. 54 Bakpata Jaki no Jaa anina bani,bosugo bo:Mupnanakiya wokundo ndi bo tisoko gyaa aningwa akuu o bisi yibu siyokiso? 55 Yeso obu kanga asugo bo:Nangomu animbiya bo itunguyo yeta bibi ya nenu. 56 Do mwana o mombi eka komuani paniso motima,yaka mengana nayo ako heiso,kido basa ako buma nga omo. 57 Iye bokiyo a nengbaa,guwe mungana omu sigiyo bo:Muheiso nanowe ako kpata umuwa ubomu aki wabiyee. 58 Yeso omutosiyo:Misina yano madoo,yaka mengana Mwana o mombi angomu po no ida ngiye anapiyee mutu. 59 Osigiyo mombi ngomo:Akpata.Omu tosiyo:Muheiso,asiya baka nisa si a huna abaa 60 Yeso omutosiyo:Siya minda a hunana ati ebo,uwe sa uwe abiyakiya isawu yo bungama ubo Asobee. 61 Omo osugo bo:Nana kpatakpatani,Muheiso,asiya nisasi a biyakiya bombi nguba andeyi. 62 Yeso omu sigiyo bo:Mombi o napieni ikondo ako bulubeti,o kanga mesu a mbise,osisekiyo komu no bungama ubo Asobee.